2004

Árþúsund:	3. árþúsundið
Aldir:	20. öldin; 21. öldin ; 22. öldin;
Áratugir:	1981–1990; 1991–2000; 2001–2010; 2011–2020; 2021–2030;
Ár:	2001; 2002; 2003; 2004; 2005; 2006; 2007;

Árið 2004 (MMIV í rómverskum tölum) var 4. ár 21. aldar og hlaupár sem hófst á laugardegi samkvæmt gregoríska tímatalinu .

Atburðir

Janúar

1. janúar - Joseph Deiss tók við embætti forseta ríkjasambandsins Sviss.
1. janúar - Íslenska kvikmyndin Kaldaljós var frumsýnd.
1. janúar - Íslenska kvikmyndin Opinberun Hannesar var frumsýnd.
1. janúar - Karólínska sjúkrahúsið var stofnað í Svíþjóð.
2. janúar - Geimkönnunarfarið Stardust flaug í gegnum hala halastjörnunnar Wild 2 og safnaði geimryki.
3. janúar - Flash Airlines flug 604 hrapaði í Rauðahafið með þeim afleiðingum að 148 fórust.
4. janúar - Spirit, könnunarfar NASA lenti á Mars klukkan 04:35 UTC.
4. janúar - Mikheil Saakasjvílí sigraði forsetakosningar í Georgíu.
5. janúar - Sala á erfðabreyttum skrautfiskum hófst í bandarískum gæludýrabúðum.
6. janúar - 15 létust, mest ungmenni, þegar tvær sprengjur sprungu í Kandahar í Afganistan.
7. janúar - Mijailo Mijailović gekkst við morðinu á sænska utanríkisráðherranum Önnu Lindh.
16. janúar - Réttarhöld yfir bandaríska tónlistarmanninum Michael Jackson hófust í Kaliforníu.
18. janúar - 18 létust í bílasprengjuárás á höfuðstöðvar Bandaríkjamanna í Bagdad.
23. janúar - Yfir 50 fórust þegar eldur kom upp í brúðkaupsveislu í Srirangam á Indlandi.
25. janúar - Marsbifreiðin Opportunity (MER-B) lenti á Mars.

Febrúar

Mark Zuckerberg, stofnandi Facebook, í herbergi sínu í Harvard árið 2005.

1. febrúar - Norræna vinstri-græna bandalagið var stofnað í Reykjavík.
1. febrúar - Yfir 240 pílagrímar létust í troðningi í Mekka í Sádí-Arabíu.
1. febrúar - Yfir 100 létust í sprengjutilræðum í Arbil í Íraska Kúrdistan.
1. febrúar - Vísindamenn frá Joint Institute for Nuclear Research sögðu frá uppgötvun frumefnanna nihoníns og moskóvíns.
2. febrúar - 92 létust þegar bygging hrundi í Konya í Tyrklandi.
3. febrúar - Sæstrengurinn FARICE-1 var tekinn í notkun.
3. febrúar - Bandaríska leyniþjónustan CIA viðurkenndi að engar sannanir hefðu fundist fyrir gereyðingarvopnum í Írak.
4. febrúar - Netsamfélagið Facebook var stofnað af Mark Zuckerberg.
5. febrúar - Skeljatínsluslysið í Moracambe-flóa: Yfir 20 kínverskir farandverkamenn drukknuðu í aðfallinu í Morecambe-flóa á Englandi.
6. febrúar - Sjálfsmorðssprengjumaður gerði árás á neðanjarðarlestarstöð í Moskvu. Yfir 40 létust.
9. febrúar - Nafni vafrans Mozilla var breytt í Firefox.
11. febrúar - Sergio Cragnotti forstjóri ítalska matvælarisans Cirio var handtekinn vegna gjaldþrots fyrirtækisins.
12. febrúar - Mattel-fyrirtækið tilkynnti að Barbie og Ken væru hætt saman eftir að hafa verið par í 43 ár.
18. febrúar - 320 létust þegar sprenging varð í járnbrautarlest í Íran.
24. febrúar - Yfir 600 manns fórust í jarðskjálfta í Marokkó.
25. febrúar - Íslenska alþjóðabjörgunarsveitin fór til Marokkó til rústabjörgunnar.
26. febrúar - Boris Trajkovski, forseti Makedóníu, fórst í flugslysi við Mostar í Bosníu og Hersegóvínu.
29. febrúar - Jean-Bertrand Aristide var steypt af stóli í valdaráni á Haítí.
29. febrúar - Milljónir kjúklinga voru drepnir í Asíu til að hefta útbreiðslu fuglaflensu.

Mars

2. mars - Ashura-sprengjuárásirnar: 178 létust í sprengjutilræðum á vegum Al-Kaída í Írak.
6. mars - 12 rússneskum vísindamönnum var bjargað af ísfláka í Grænlandshafi eftir að hluti af rannsóknarstöð þeirra sökk.
11. mars - Sprengjutilræði var framið í farþegalest í Madrid. 190 manns fórust.
11. mars - Hugveitan CEPOS var stofnuð í Kaupmannahöfn.
14. mars - Þingkosningar voru haldnar á Spáni þar sem flokkur José Luis Rodríguez Zapatero bar sigur úr býtum.
14. mars - Vladimír Pútín var endurkjörinn forseti Rússlands.
19. mars - Menntaskólinn í Reykjavík tapaði í fyrsta sinn í 11 ár í Gettu betur. Skólinn beið lægri hlut gegn Borgarholtsskóla í undanúrslitum.
19. mars - Rútuslysið í Äänekoski: Langferðabíll rakst á flutningabíl við Äänekoski í Finnlandi með þeim afleiðingum að yfir 20 farþegar létust.
23. mars - Síðasti þáttur gamanþáttaraðarinnar Frasier var tekinn upp í Bandaríkjunum.
28. mars - Fellibylurinn Katarína, fyrsti hitabeltisfellibylur sem skráður hefur verið í Suður-Atlantshafi, tók land í Brasilíu.
29. mars - Búlgaría, Eistland, Lettland, Litháen, Rúmenía, Slóvakía og Slóvenía gerðust öll aðilar að NATO.

Apríl

Ein af myndunum frá Abu Ghraib sem birtust í fjölmiðlum.

2. apríl - Búlgaría, Eistland, Lettland, Litháen, Rúmenía, Slóvakía og Slóvenía urðu fullgildir meðlimir í NATO.
4. apríl - Bandýmannafélagið Viktor var stofnað í Reykjavík.
8. apríl - Átökin í Darfúr: Ríkisstjórn Súdan gerði vopnahléssamkomulag við tvo skæruliðahópa.
17. apríl - Leiðtogi Hamas, Abdel Aziz al-Rantisi, var drepinn í þyrluárás Ísraelshers á Gasaströndinni.
22. apríl - Ryongchon-slysið: Sprenging varð í lest sem flutti eldfiman varning í Norður-Kóreu með þeim afleiðingum að yfir 160 létust.
24. apríl - Íbúar Kýpur greiddu atkvæði um Annanáætlunina um sameiningu eyjarinnar. Kýpurgrikkir höfnuðu henni en Kýpurtyrkir samþykktu.
28. apríl - Fyrstu myndirnar sem sýndu pyntingar fanga í fangabúðunum í Abu Ghraib birtust í fjölmiðlum.
29. apríl - Kvikmyndin Silný kafe var frumsýnd í Tékklandi.
30. apríl - Umdeild breyting á útlendingalögum var samþykkt á Alþingi.

Maí

1. maí - Kýpur, Eistland, Lettland, Litháen, Malta, Pólland, Slóvakía, Slóvenía, Tékkland og Ungverjaland urðu aðilar að Evrópusambandinu.
9. maí - Achmat Kadyrov, forseti Téténíu, lést í sprengjuárás í Grosní.
14. maí - Friðrik krónprins Dana gekk að eiga Mary Elizabeth Donaldson frá Ástralíu.
15. maí - Úkraína sigraði Söngvakeppni evrópskra sjónvarpsstöðva 2004 með laginu „Wild Dances“ sem Ruslana flutti.
22. maí - Filippus, prins af Astúrías, gekk að eiga Letiziu Ortiz.
24. maí - Alþingi samþykkti umdeilt frumvarp um eignarhald á fjölmiðlum.
24. maí - Samtök Napóleonsborga voru stofnuð í Evrópu.
29. maí - Blóðbaðið í Khobar: Hryðjuverkamenn á vegum Al-Kaída myrtu 22 í bænum Khobar í Sádí-Arabíu.
29. maí - Sameinuðu þjóðirnar lýstu þennan dag Friðargæsludaginn.

Júní

2. júní - Ólafur Ragnar Grímsson, forseti Íslands, synjaði lögum um eignarhald á fjölmiðlum staðfestingar.
8. júní - Reikistjarnan Venus gekk fyrir sólu séð frá jörðu. Þetta gerðist síðast árið 1882.
9. júní - Andrés Önd átti 70 ára afmæli.
17. júní - Sundlaugin á Hólmavík var tekin í notkun.
21. júní - Scaled Composites SpaceShipOne: SpaceShipOne varð fyrsta einkarekna fyrirtækið sem kom geimflugvél út í geim.
22. júní - Belgíski barnaníðingurinn Marc Dutroux var dæmdur í lífstíðarfangelsi.
26. júní - Forsetakosningar á Íslandi 2004: Ólafur Ragnar Grímsson var endurkjörinn forseti Íslands.
28. júní - Bráðabirgðastjórn Íraks tók við völdum frá hernámsliðinu.
29. júní - José Manuel Durão Barroso, forsætisráðherra Portúgals, var útnefndur forseti Framkvæmdastjórnar Evrópusambandsins.
30. júní - Geimkönnunarfarið Cassini komst á braut um Satúrnus.

Júlí

1. júlí - Horst Köhler tók við embætti forseta Þýskalands af Johannesi Rau.
1. júlí - OpenStreetMap-verkefninu var hleypt af stokkunum.
1. júlí - Geimkönnunarfarið Cassini-Huygens fór á sporbaug um Satúrnus.
4. júlí - Þungarokkssveitin Metallica spilaði í Egilshöll fyrir um 18.000 manns.
4. júlí - Bygging Freedom Tower í New York-borg hófst.
7. júlí - Síðasta einkaleyfið á Lempel-Ziv-Welch-samþjöppunaralgríminu rann út.
14. júlí - Filippseyjar ákváðu að draga herlið sitt frá Írak eftir gíslatöku.
18. júlí - Þúsundir Palestínumanna mótmæltu tilnefningum Yasser Arafat í heimastjórn Palestínumanna.
22. júlí - Um 40 létust þegar hraðlest milli Istanbúl og Ankara fór út af sporinu.
23. júlí - Brúin Stari Most í Mostar var opnuð eftir endurbyggingu.
30. júlí - Yfir 15 létust þegar sprenging varð í gasröri utan við belgíska bæinn Ath.

Ágúst

Ágúst - Summarfestivalurin var haldið í fyrsta sinn í Færeyjum.
3. ágúst - Bandaríska geimfarið MESSENGER hélt af stað í átt til Merkúríusar.
5. ágúst - Engisprettufaraldur gekk yfir Kenýa þar sem stór hluti uppskeru ársins eyðilagðist.
12. ágúst - Sænska kvikmyndahúsakeðjan Svensk Filmindustri keypti keðjuna Sandrews.
13. ágúst - Björk Guðmundsdóttir söng á opnunarhátíð Ólympíuleikanna í Grikklandi.
22. ágúst - Tveir vopnaðir ræningjar stálu málverkunum Ópið og Madonna eftir Edvard Munch frá Munch-safninu í Osló.
24. ágúst - Flugvélaárásirnar í Rússlandi 2004: Sprengjur sprungu í tveimur rússneskum farþegavélum í innanlandsflugi með þeim afleiðingum að 90 létust.
30. ágúst - Fjölbrautaskóli Snæfellinga tók til starfa.
31. ágúst - 16 létust í sjálfsmorðssprengjuárás á vegum Hamas í Ísrael.
31. ágúst - 10 létust í sjálfsmorðssprengjuárás í Moskvu.

September

1. september - Gíslatakan í Beslan: Téténskir hryðjuverkamenn tóku skólabörn í gíslingu í Beslan í Rússlandi.
1. september - Norðurlandasamningur um almannatryggingar tók gildi.
2. september - Öryggisráð Sameinuðu þjóðanna samþykkti Ályktun Öryggisráðs Sameinuðu þjóðanna nr. 1559 þar sem kveðið var á um brottför erlends herliðs frá Líbanon.
3. september - Gíslatakan í Beslan: Rússneskar hersveitir gerðu innrás í grunnskóla í Beslan þar sem hryðjuverkamenn héldu starfsfólki og börnum í gíslingu. 344 féllu í árásinni, þar af 172 börn.
4. september - Endurgerða víkingaskipið Havhingsten fra Glendalough var sjósett í Hróarskeldu.
9. september - 9 létust þegar bílsprengja sprakk utan við ástralska sendiráðið í Jakarta.
16. september - Danska hirðin tilkynnti að Jóakim Danaprins og Alexandra prinsessa hygðust skilja.
20. september - Wikipedia náði milljón greinum á 100 tungumálum og var þá orðin stærsta alfræðirit veraldar.
20. september - Verkfall grunnskólakennara 2004 hófst en það stóð í 39 daga og er eitt það lengsta í sögu íslenskra skóla.
20. september - Bandaríkin afnámu viðskiptabann gegn Líbýu.
21. september - Bygging hæsta turns heims, Burj Khalifa, hófst.
28. september - Olíuverð náði yfir 50 dali á tunnu í fyrsta sinn frá upphafi 9. áratugarins.
28. september - Yfir 3000 fórust þegar fjórir fellibylir gengu yfir Karíbahaf og suðurhluta Bandaríkjanna.

Október

1. október - Háskólinn í Manchester hóf starfsemi.
3. október - Bandaríska sjónvarpsþáttaröðin Aðþrengdar eiginkonur hóf göngu sína á ABC.
4. október - Bandaríska geimfarið SpaceShipOne hlaut Ansari X-verðlaunin þegar þau voru veitt í fyrsta sinn.
6. október - Þriðja lestarslysið varð á Íslandi þegar farþegalest og vöruflutningalest skullu saman við Kárahnjúkavirkjun.
8. október - Yfir 30 létust þegar sjálfsmorðssprengjumenn sprengdu tvær sprengjur í Taba við Rauða hafið í Egyptalandi.
14. október - Norodom Sihamoni var krýndur konungur Kambódíu.
17. október - Netfrelsi, félag um frjáls samskipti á Internetinu, var stofnað á Íslandi.
19. október - Hópur könnuða náði botni dýpsta hellis heims, Kruberahellisins, sem er 2080 metra djúpur.
20. október - Fyrsta útgáfa stýrikerfisins Ubuntu, sem byggir á Linux, leit dagsins ljós.
21. október - Morgunþátturinn Zúúber hóf göngu sína á FM957.
22. október - Tímaritið Nature sagði frá uppgötvun nýrrar manntegundar, Homo floresiensis, á eyjunni Flores í Indónesíu.
28. október - Samráð olíufélaganna: Samkeppniseftirlitið dæmdi fjögur íslensk olíufélög til hárra sekta.
29. október - Tölvuleikurinn Grand Theft Auto: San Andreas kom út.
29. október - Samningur um stjórnarskrá fyrir Evrópu var undirritaður. Honum var síðar hafnað í þjóðaratkvæðagreiðslum í Frakklandi og Hollandi.

Nóvember

1. nóvember - Eldgos hófst í Grímsvötnum um kl. 10 að kvöldi.
2. nóvember - George W. Bush sigraði forsetakosningar í Bandaríkjunum.
7. nóvember - Phantom Fury-aðgerðin hófst þegar bandarískt herlið réðist á borgina Fallujah í Írak.
9. nóvember - Útgáfa 1.0 af vafranum Mozilla Firefox kom út.
13. nóvember - Lög voru sett á verkfall grunnskólakennara sem staðið hafði í 2 mánuði.
13. nóvember - Geimkönnunarfarið SMART-1 frá Geimferðastofnun Evrópu fór á braut um Tunglið.
16. nóvember - Hljóðfráa þotan NASA X-43 setti hraðamet, 10.617 km/klst eða Mach 9,6.
21. nóvember - Leikjatölvan Nintendo DS kom út.
22. nóvember - Appelsínugula byltingin í Úkraínu hófst með mótmælum eftir kosningasigur Viktors Janúkóvitsj.
23. nóvember - Fjölspilunarleikurinn World of Warcraft kom út í Bandaríkjunum.
28. nóvember - Kísiliðjan við Mývatn hætti kísilgúrvinnslu.

Desember

Flóðbylgjan í Indlandshafi ríður yfir strönd á Taílandi.

1. desember - Þórólfur Árnason sagði af sér embætti borgarstjóra í Reykjavík vegna olíusamráðsmálsins.
3. desember - Appelsínugula byltingin: Hæstiréttur Úkraínu ógilti forsetakosningarnar vegna kosningasvindls.
7. desember - Hamid Karzai tók við embætti sem fyrsti lýðræðislega kjörni forseti Afganistan.
8. desember - Nathan Gale skaut gítarleikara Pantera, Dimebag Darrell, ásamt fjórum öðrum til bana á tónleikum í Columbus, Ohio.
12. desember - Appelsínugula byltingin: Læknar í Austurríki staðfestu að eitrað hefði verið fyrir Viktor Júsjenkó með díoxíni fyrir kosningarnar.
14. desember - Hæsta brú heims, Millau-dalbrúin, var opnuð í Frakklandi.
15. desember - Bandaríska skákmanninum Bobby Fischer var veitt landvistarleyfi á Íslandi.
15. desember - Íslenska ríkið keypti tíu þúsund skopteikningar eftir Sigmund Johanson Baldvinsen sem áður höfðu birst í Morgunblaðinu.
21. desember - Íraskir uppreisnarmenn gerðu árás á herstöð Bandaríkjamanna í Mósúl. 22 létust í árásinni.
26. desember - Stór flóðbylgja skall á ströndum við Indlandshaf. Um 200.000 manns létu lífið í Taílandi, Indlandi, Srí Lanka, Maldíveyjum, Malasíu, Mjanmar, Bangladess og Indónesíu.
31. desember - Hæsti skýjakljúfur heims, Taipei 101, var opnaður.
31. desember - Appelsínugula byltingin: Viktor Janúkóvitsj sagði af sér embætti forseta Úkraínu.

Ódagsettir atburðir

Landssamband æskulýðsfélaga var stofnað.
Hvestuvirkjun var gangsett á Vestfjörðum.
Kerahnjúkavirkjun var gangsett í Ólafsfirði.
Djúpadalsárvirkjun var gangsett í Eyjafirði.
Textaforsniðið Markdown var búið til.
Íslenska hljómsveitin Bermuda var stofnuð.
Íslenska hljómsveitin Hjaltalín var stofnuð.
Sænska hljómsveitin Le Sport var stofnuð.
Enska hljómsveitin The Ting Tings var stofnuð.
Íslenska hljómsveitin Severed Crotch var stofnuð.
Íslensku samtökin Snarrót voru stofnuð.
Stórsveit Nix Noltes var stofnuð.
Íslenska tímaritið Vamm var stofnað.
Íslenska hljómsveitin Jeff Who? var stofnuð.
Íslenska knattspyrnuliðið Dýnamó Höfn var stofnað.
Íslenska hljómsveitin Jakobínarína var stofnuð.

Fædd

21. janúar - Ingiríður Alexandra Noregsprinsessa.
29. janúar - Gugusar, íslensk söngkona.
7. apríl - Hrafnhildur Haraldsdóttir, íslensk fyrirsæta.
29. ágúst - Orri Steinn Óskarsson, íslenskur knattspyrnumaður

Dáin

13. janúar - Arne Næss yngri, norskur fjallgöngugarpur og viðskiptajöfur (f. 1937).
13. janúar - Harold Shipman, breskur raðmorðingi (f. 1946).
23. janúar - Vasílíj Mítrokhín, rússneskur leyniþjónustumaður (f. 1922).
23. janúar - Helmut Newton, ástralskur ljósmyndari (f. 1920).
24. janúar - Leônidas da Silva, brasilískur knattspyrnumaður (f. 1913).
2. febrúar - Bernard McEveety, bandarískur leikstjóri (f. 1924).
3. febrúar - Matthías Viðar Sæmundsson, íslenskur bókmenntafræðingur (f. 1954).
15. febrúar - Hasse Ekman, sænskur leikari og leikstjóri (f. 1915).
17. febrúar - José López Portillo, forseti Mexíkó (f. 1920).
17. febrúar - Cameron Todd Willingham, bandarískur meintur morðingi (f. 1968).
21. febrúar - Svava Jakobsdóttir, íslenskur rithöfundur (f. 1930).
26. febrúar - Boris Trajkovski, fyrrum forseti Makedóníu (f. 1956).
9. mars - Albert Mol, hollenskur leikari (f. 1917).
20. mars - Júlíana Hollandsdrottning (f. 1909).
22. mars - Ahmed Jassin, leiðtogi Hamas (f. 1937).
14. apríl - Haraldur Blöndal, hæstaréttarlögmaður (f. 1946).
18. apríl - Ratu Sir Kamisese Mara, fyrsti forsetisráðherra Fídjieyja (f. 1920).
27. apríl - Jónas Svafár, íslenskt skáld (f. 1925).
14. maí - Jesús Gil, spænskur stjórnmálamaður og forseti Atlético Madrid (f. 1933).
5. júní - Ronald Reagan, fyrrverandi forseti Bandaríkjanna (f. 1911).
10. júní - Ray Charles, bandarískur tónlistarmaður (f. 1930).
1. júlí - Marlon Brando, bandarískur leikari (f. 1924).
23. júlí - Piero Piccioni, ítalskur píanóleikari (f. 1921).
28. júlí - Francis Crick, enskur líffræðingur (f. 1916).
14. ágúst - Czesław Miłosz, pólskur rithöfundur (f. 1911).
1. ágúst - Sidney Morgenbesser, bandarískur heimspekingur (f. 1921).
18. ágúst - Gylfi Þ. Gíslason, íslenskur stjórnmálamaður (f. 1917).
3. september - Pétur Kristjánsson, íslenskur tónlistarmaður (f. 1951).
12. september - Max Abramovitz, bandarískur arkitekt (f. 1908).
14. september - John Seymour, enskur búfræðingur (f. 1914).
3. október - Janet Leigh, bandarísk leikkona (f. 1927).
5. október - Maurice Wilkins, breskur eðlisfræðingur og Nóbelsverðlaunahafi (f. 1916).
8. október - Jacques Derrida, franskur heimspekingur (f. 1930).
10. október - Christopher Reeve, bandarískur leikari (f. 1952).
11. nóvember - Yasser Arafat, forseti palestínsku heimastjórnarinnar (f. 1929).
28. nóvember - Sigurður Geirdal, bæjarstjóri Kópavogs (f. 1939).
28. desember - Jerry Orbach, bandarískur leikari (f. 1935).

Nóbelsverðlaunin

Hagfræði: Finn E. Kydland og Edward C. Prescott.
Friðarverðlaunin: Wangari Maathai.
Bókmenntaverðlaunin: Elfriede Jelinek.
Efnafræði: Aaron Ciechanover, Avram Hershko og Irwin Rose.
Eðlisfræði: David J. Gross, H. David Politzer og Frank Wilczek.
Læknisfræði: Richard Axel og Linda B. Buck.