Pantera

Úr Wikipediu, frjálsa alfræðiritinu
Jump to navigation Jump to search
Meðlimir Pantera frá 1987-2003.

Pantera var bandarísk þungarokkshljómsveit sem stofnuð var í Arlington, Texas.

Hljómsveitin var stofnuð árið 1981 af bræðrunum Vinnie Paul og Dimebag Darrell Abbott og spilaði fyrstu árin glysþungarokk. Árið 1986 vildi hljómsveitin breyta um stíl þar sem þeir voru hrifnir af nýjum straumum í þungarokki: þrassi. Kynntist hljómsveitin Phil Anselmo, söngvara frá Louisiana sem varð nýr söngvari Pantera. Darrell fékk tilboð um að ganga í Megadeth en hafnaði því af þeirri ástæðu að bróðir hans yrði að spila með.

Pantera naut vinsælda með plötunum Cowboys from Hell og Vulgar Display of Power með sínum þunga, nýja groove metal stíl sem blandaðist áhrifum úr þrassi. Bandið varð eitt stærsta þungarokksband 10. áratugarins í Bandaríkjunum og platan Far Beyond Driven náði toppnum á Billboard listanum.[1]

En upp úr 1996 varð spenna innan Pantera eftir að Anselmo varð háður heróíni og lést næstum af of stórum skammti. Samskiptaörðugleikar plöguðu hljómsveitina eftir það. Anselmo fór að einbeita sér að hliðarböndum sínum eins og Down. [2]

Abbott bræður ákváðu að leysa upp bandið árið 2003 og stofnuðu nýja hljómsveit Damageplan og gáfu út plötuna New Found Power árið 2004. Sú hljómsveit varði ekki lengi því á fyrsta tónleikaferðalagi sínu var Darrell skotinn til bana ásamt þremur öðrum á tónleikum bandsins í Columbus, Ohio. Ódæðismaðurinn, Nathan Gale, var skotinn til bana af lögreglu. Hann átti við alvarleg geðræn veikindi að stríða. [3]

Samkvæmt Vinnie Paul var enginn möguleiki á að endurreisa hljómsveitina. [4] Hann spilaði síðast með sveitinni Hellyeah. Vinnie lést árið 2018 úr hjartaáfalli.

Meðlimir 1987-2003[breyta | breyta frumkóða]

Phil Anselmo – Söngur
"Dimebag" Darrell Abbott – gítar
Rex Brown – Bassi
Vinnie Paul – Trommur

Plötur[breyta | breyta frumkóða]

  • Metal Magic (1983)
  • Projects in the Jungle (1984)
  • I Am the Night (1985)
  • Power Metal (1988)
  • Cowboys from Hell (1990)
  • Vulgar Display of Power (1992)
  • Far Beyond Driven (1994)
  • The Great Southern Trendkill (1996)
  • Reinventing the Steel (2000)

Tilvísanir[breyta | breyta frumkóða]

  1. Metal band Damageplan's journey BBC. Skoðað 28. apríl, 2016.
  2. Pantera -biography Allmusic. Skoðað 28. apríl, 2016.
  3. Morðingi Dimebags með Pantera á heilanum. Mbl.is. Skoðað 28. apríl, 2016.
  4. Engin Pantera Mbl.is. Skoðað 28. apríl, 2016.