Margarete Buber-Neumann
Margarete Buber-Neumann | |
|---|---|
.jpg) Buber-Neumann ca. 1930. | |
| Fædd | Margarete Thüring 21. október 1901 |
| Dáin | 6. nóvember 1989 (88 ára) |
| Þjóðerni | Þýsk |
| Ríkisfang | Vestur-Þýskaland |
| Verk | Konur í einræðisklóm |
| Flokkur | Kommúnistaflokkur Þýskalands (1926–1937) Kristilegi demókrataflokkurinn (1975–1988) |
| Maki | Rafael Buber, Helmuth Faust, Heinz Neumann |
| Börn | Barbara Goldschmidt og Judith Buber Agassi |
Margarete Buber-Neumann (f. 21. október 1901 í Potsdam, d. 6. nóvember 1989 í Frankfurt am Main) var þýskur kommúnisti og gift kommúnistaleiðtoganum Heinz Neumann. Eftir að þau hjónin flýðu undan nasismanum til Sovétríkjanna, voru þau handtekin í hreinsunum Stalíns. Heinz var skotinn, en Margarete send í fangabúðir í Karaganda í Kasakstan.
Skömmu eftir griðasáttmála Stalíns og Hitlers í ágúst 1939 var hún afhent nasistum ásamt mörgum öðrum þýskum kommúnistum og send í fangabúðir í Ravensbrück.
Buber-Neumann bar vitni í frægum réttarhöldum í París 1949, þegar flóttamaður frá Sovétríkjunum, Víktor Kravtsjenko, höfðaði meiðyrðamál gegn frönsku kommúnistatímariti og vann það. Þvertók tímaritið fyrir það, að í Sovétríkjunum væru menn geymdir af stjórnmálaástæðum í þrælkunarbúðum.
Bók Margarete Buber-Neumann um reynslu sína í þrælkunarbúðum Stalíns og Hitlers, Konur í einræðisklóm (Als Gefangene bei Stalin und Hitler), kom út á íslensku 1954.
Tengt efni
[breyta | breyta frumkóða]- Stéphane Courtois o. fl.: Svartbók kommúnismans, þýð. og ritstj. Hannes H. Gissurarson. Háskólaútgáfan, Reykjavík 2009. 828 bls.
