Keflavíkurflugvöllur

Úr Wikipediu, frjálsa alfræðiritinu
Þessi grein fjallar um alþjóðaflugvöllinn. Grein um herstöðina er að finna á Keflavíkurstöðin.
Keflavíkurflugvöllur
IATA: KEFICAO: BIKF
KEF er staðsett í Ísland
KEF
KEF
Staðsetning keflavíkurflugvallar á Íslandi
Yfirlit
Gerð flugvallar Almennings- og Hernaðarvöllur
Eigandi/Rekstraraðili Isavia
Þjónar Reykjavík, Íslandi
Staðsetning Sandgerði
Miðstöð fyrir
Hæð yfir sjávarmáli 52 m / 171 fet
Heimasíða www.kefairport.is
Flugbrautir
Stefna Lengd Yfirborð
m fet
02/20 3,054 10,020 Malbik
11/29 3,065 10,056 Malbik
Tölfræði
Farþegar 1,791,143
Fragt 34,708 t
Heimildir: Flugmálastjórn Íslands [1]
Tölfræði: Keflavíkurflugvöllur[2]
Boeing 757-200-flugvél Icelandair við Leifsstöð á Keflavíkurflugvelli.

Keflavíkurflugvöllur (IATA: KEF, ICAO: BIKF) er stærsti flugvöllur Íslands. Hann stendur á Miðnesheiði á Reykjanesskaga.

Saga vallarins[breyta | breyta frumkóða]

Upphaflega var flugvöllurinn lagður af Bandaríkjaher í seinni heimsstyrjöldinni og opnaður 23. mars 1943. Bandaríkjamenn nefndu hann Meeks Field í höfuðið á ungum flugmanni, George Meeks að nafni, sem fórst á Reykjavíkurfugvelli og var fyrsti Bandaríkjamaðurinn sem lést á Íslandi í styrjöldinni. Að styrjöldinni lokinni var flugvöllurinn og bækistöðin sem við hann stóð afhentur Íslendingum til eignar og var hann þá nefndur Keflavíkurflugvöllur eftir stærstu nágrannabyggð hans í Keflavík. Flugvellirnir við Keflavík voru reyndar tveir, Meeks og Pattersonflugvöllur ofan Njarðvíkurfitja, sem þjónaði orrustuflugsveit Bandaríkjahers til stríðsloka. Pattersonflugvöllur hefur stundum verið nefndur Njarðvíkurflugvöllur í daglegu tali en hann var ekki notaður eftir stríðslok. Keflavíkurflugvöllur var rekinn af bandarísku verktakafyrirtæki til ársins 1951 er Bandaríkjaher kom aftur til landsins samkvæmt varnarsamningi Íslands og Bandaríkjanna sem gerður var að tilstuðlan Norður-Atlantshafsbandalagsins NATO.

Bandaríkjaher (varnarliðið á Íslandi) reisti bækistöð sína við Keflavíkurflugvöll sem í daglegu tali er nefnd Keflavíkurstöðin. Þar var afgirtur bær sem hýsti allt að 5700 hermenn, starfsfólk og fjölskyldur þeirra allt til ársins 2006 þegar herstöðin var lögð niður. Í dag er herstöðin hverfi í Reykjanesbæ og gengur undir nafninu Ásbrú.

Fyrstu áratugina stóð flugstöðin fyrir flugvöllinn inni á varnarsvæði herstöðvarinnar en árið 1987 opnaði ný flugstöð, Flugstöð Leifs Eiríkssonar, norðan við flugvöllinn og þjónar hún allri farþegaumferð um völlinn.

Á flugvellinum hefur verið mönnuð veðurathugunarstöð Veðurstofunnar síðan 1952.

Tölfræði[breyta | breyta frumkóða]


Tilvísanir[breyta | breyta frumkóða]

  1. „BIKF – Keflavík“ (PDF). Icelandic Civil Aviation Administration. Afrit af upprunalegu (PDF) geymt þann 12. ágúst 2009.
  2. 2010 statistics

Tengt efni[breyta | breyta frumkóða]

Tengill[breyta | breyta frumkóða]