Bergþór Pálsson
Bergþór Pálsson | |
|---|---|
 Bergþór Pálsson með karlakórinn Hreim í bakgrunni | |
| Fæddur | Ragnar Hjálmarsson 22. október 1957 |
| Störf | Baritónsöngvari og skólastjóri |
| Maki | Albert Eiríksson (g. 2016) |
| Foreldrar | Hulda Baldursdóttir Páll Bergþórsson |
Bergþór Pálsson (fæddur 22. október 1957) er íslenskur baritónsöngvari og fyrrum skólastjóri Tónlistarskóla Ísafjarðar.[1]
Hann fæddist í Reykjavík og foreldrar hans voru Hulda Baldursdóttir (1923-2013) ritari og Páll Bergþórsson (1923-2024) fyrrverandi veðurstofustjóri. Eiginmaður Bergþórs er Albert Eiríksson. Bergþór á einn son.
Bergþór lauk stúdentsprófi frá Menntaskólanum við Sund árið 1978 og BA gráðu í tónlist frá Indiana háskóla í Bandaríkjunum árið 1985, MA gráðu í tónlist frá sama skóla árið 1987 og útskrifaðist sem leikari frá Drama Studio í London árið 1997.
Hann var óperusöngvari við Óperuna í Kaiserslautern í Þýskalandi frá 1988-1991 og hefur sungið í fjölda verka sem Íslenska óperan hefur sett upp.[2] Bergþór var ráðinn skólastjóri Tónlistarskóla Ísafjarðar árið 2020.[1]
Bergþór var lengi orðaður við forsetaframboð í forsetakosningunum 2016[3] en í kjölfarið af því að Ólafur Ragnar Grímsson, sitjandi forseti, tilkynnti að hann myndi sækjast eftir endurkjöri ákvað Bergþór að bjóða sig ekki fram.[4]
Tilvísanir
[breyta | breyta frumkóða]- 1 2 Mbl.is. „Bergþór Pálsson ráðinn skólastjóri“ (skoðað 6. febrúar 2021)
- ↑ Pétur Ástvaldsson, Samtíðarmenn A-Í bls. 91 (Reykjavík, 2003)
- ↑ „Bergþór Pálsson hefur velt forsetaembættinu mikið fyrir sér“. Vísir. Sótt 24. apríl 2016.
- ↑ „Kosningabaráttunni snúið á haus“. Kjarninn. Sótt 24. apríl 2016.