21. maí

21. maí er 141. dagur ársins (142. á hlaupári) samkvæmt gregoríska tímatalinu. 224 dagar eru eftir af árinu.

Atburðir

• 1481 - Hans konungur tók við af föður sínum Kristjáni 1. sem konungur Danmerkur og Noregs.
• 1502 - Portúgalar uppgötvuðu eyna Sankti Helenu.
• 1871 - Franskar hersveitir réðust inn í Parísarkommúnuna og götubardagar hófust.
• 1904 - Alþjóðaknattspyrnusambandið (FIFA) var stofnað í París.
• 1927 - Charles Lindbergh lenti flugvél sinni á Le Bourget-flugvelli við París og varð þar með fyrstur til að fljúga einn yfir Atlantshaf.

• 1929 - Stofnuð var fyrsta kvennastúka á Íslandi innan Oddfellowreglunnar.
• 1979 - Miklar verðhækkanir á bensíni urðu til þess að bifreiðaeigendur mótmæltu og þeyttu flautur í tvær mínútur.

• 1981 - François Mitterrand varð forseti Frakklands.
• 1982 - Falklandseyjastríðið: Bretar gengu á land á Falklandseyjum.

• 1983 - Safn Ásmundar Sveinssonar myndhöggvara, Ásmundarsafn, var formlega opnað við Sigtún í Reykjavík.
• 1991 - Rajiv Gandhi, fyrrverandi forsætisráðherra Indlands, beið bana í sjálfsmorðsárás.
• 1994 - Í grein í Lesbók Morgunblaðsins lagði Sturla Friðriksson til að Íslendingar veldu holtasóley sem þjóðarblóm.
• 1997 - Björn Ólafsson, Einar Stefánsson og Hallgrímur Magnússon urðu fyrstir Íslendinga til að stíga á tind Everestfjalls.
• 2005 - Grikkland sigraði Söngvakeppni evrópskra sjónvarpsstöðva í fyrsta sinn í Kíev með laginu „My Number One“.

• 2006 - Svartfellingar samþykktu aðskilnað frá Serbíu í þjóðaratkvæðagreiðslu.
• 2011 - Eldgos í Grímsvötnum hófst um klukkan sjö að kvöldi.

Fædd

• 1471 - Albrecht Dürer, þýskur listamaður (d. 1528).
• 1527 - Filippus 2. Spánarkonungur (d. 1598).
• 1688 - Alexander Pope, enskt skáld (d. 1744).
• 1763 - Joseph Fouché, franskur stjórnmálamaður (d. 1820).
• 1775 - Lucien Bonaparte, franskur stjórnmálamaður og fræðimaður (d. 1840).
• 1785 - August Immanuel Bekker, þýskur fornfræðingur (d. 1871).
• 1916 - Harold Robbins, bandarískur rithöfundur (d. 1997).
• 1920 - John Chadwick, enskur fornfræðingur (d. 1998).
• 1921 - Andrei Sakharov, rússneskur vísindamaður og handhafi friðarverðlauna Nóbels (d. 1989).
• 1944 - Mary Robinson, forseti Írlands.
• 1952 - Herra T, bandarískur leikari og hörkutól.
• 1952 - Hallmar Sigurðsson, íslenskur leikari.
• 1960 - Jeffrey Dahmer, bandarískur raðmorðingi (d. 1994).
• 1975 - Juuso Pykälistö, finnskur rallökumaður.

Dáin

• 987 - Loðvík 5. Frakklandskonungur (f. 967).
• 1254 - Konráð 4. Þýskalandskonungur (f. 1228).
• 1481 - Kristján 1. Danakonungur (f. 1426).
• 1865 - Christian Jürgensen Thomsen, danskur fornleifafræðingur og safnamaður (f. 1788).
• 1916 - Skúli Thoroddsen, íslenskur stjórnmálamaður (f. 1859).
• 1949 - Klaus Mann, þýskur rithöfundur (f. 1906).
• 1988 - Sammy Davis, Sr., bandarískur dansari og leikari (f. 1900).
• 1991 - Rajiv Gandhi, forsætisráðherra Indlands (f. 1944).
• 1994 - Giovanni Goria, ítalskur stjórnmálamaður (f. 1943).
• 2000 - Barbara Cartland, enskur rithöfundur (f. 1901).
• 2000 - Sir John Gielgud, breskur leikari (f. 1904).