Serbía og Svartfjallaland

Úr Wikipediu, frjálsa alfræðiritinu
Stökkva á: flakk, leita
Државна заједница
Србија и Црна Гора
Državna zajednica
Srbija i Crna Gora
Fáni Serbíu og Svartfjallalands Skjaldarmerki Serbíu og Svartfjallalands
Fáni Serbíu og Svartfjallalands Skjaldarmerki Serbíu og Svartfjallalands
Kjörorð ríkisins: Ekkert
LocationSerbiaAndMontenegro.png
Opinbert tungumál Serbneska rituð með kyrilísku letri
Höfuðborgir Belgrad & Podgorica
Flatarmál
 - Heildar
 - Þar af vötn
105. sæti
102.350 km²
0,25%
Mannfjöldi


 - Heildar(2000)
 - á km²

70. sæti


10.662.087
104/km²

Stofnun 23. apríl 1992
Upplausn 3. júní 2006
Gjaldmiðill Í Serbíu: dínari (fyrir utan Kosovo sem notar evru).
Í Svartfjallalandi: evra
Tímabelti UTC+1
Þjóðsöngur Hej Sloveni
Þjóðarlén .yu
Landsnúmer +381

Serbía og Svartfjallaland var samband tveggja fyrrum lýðvelda Júgóslavíu: Serbíu og Svartfjallalands. Þessi tvö voru þau einu af 6 lýðveldum Sósíalíska sambandslýðveldisins Júgóslavíu sem ekki höfðu sagt skilið við það á árunum 1991-1992 en hin fjögur voru Slóvenía, Króatía, Bosnía og Hersegóvína og Makedónía. Upphaflega hét ríkið Sambandslýðveldið Júgóslavía en því var breytt með nýrri stjórnarskrá sem tók gildi 2003.

Með nýju stjórnarskránni var samstarf Serbíu og Svartfjallalands takmarkað við afmörkuð svið (t.d. varnarmál) en þau ráku sjálfstæða efnahagsstefnu og notuðu mismunandi gjaldmiðla. Í stjórnarskránni voru einnig ákvæði um að bæði ríkin gætu farið fram á að sambandinu yrði slitið ef það væri samþykkt í þjóðaratkvæðagreiðslu sem hægt væri að halda í fyrsta lagi árið 2006. Slík atkvæðagreiðsla fór fram í Svartfjallalandi 21. maí það ár og lýsti Svartfjallaland formlega yfir sjálfstæði 3. júní og batt þannig enda á sambandið við Serbíu. Serbneska þingið lýsti því svo yfir 5. júní að Lýðveldið Serbía væri arftaki sambandsins.