1978

Árþúsund:	2. árþúsundið
Aldir:	19. öldin; 20. öldin ; 21. öldin;
Áratugir:	1951–1960; 1961–1970; 1971–1980; 1981–1990; 1991–2000;
Ár:	1975; 1976; 1977; 1978; 1979; 1980; 1981;

Árið 1978 (MCMLXXVIII í rómverskum tölum) var 78. ár 20. aldar sem hófst á sunnudegi.

Atburðir

Janúar

1. janúar - Bandarísku höfundalögin 1976 tóku gildi.
1. janúar - 213 manns fórust, þegar Boeing 747-flugvél sprakk skömmu eftir flugtak í Bombay á Indlandi.
5. janúar - Nýlistasafnið var stofnað í Reykjavík.
5. janúar - Bülent Ecevit varð forsætisráðherra Tyrklands.
6. janúar - Bandaríkin skiluðu Stefánskórónunni til Ungverjalands, en hún hafði verið í Bandaríkjunum frá lokum Síðari heimsstyrjaldar.
10. janúar - Leiðtogi andstöðunnar gegn stjórn Somozas í Níkaragva, Pedro Joaquín Chamorro Cardenal, var myrtur.
14. janúar - Johnny Rotten hætti í Sex Pistols.
18. janúar - Mannréttindadómstóll Evrópu komst að því að breska ríkisstjórnin hefði gerst sek um illa meðferð fanga á Norður-Írlandi, en ekki pyntingar.
23. janúar - Svíþjóð bannaði notkun á gasi í þrýstihylkjum, sem talið er að skaði ósonlagið.
24. janúar - Sovéski gervihnötturinn Kosmos 954 brann upp í gufuhvolfinu og dreifðist yfir Norðvesturhéruð Kanada.
25.-27. janúar - 70 létust í stórhríð í Ohio-dal og við Vötnin miklu.
25. janúar - Fyrrverandi borgarstjóri Barselóna, Joaquín Viola, var myrtur.
28. janúar - Bandaríski raðmorðinginn Richard Chase var handtekinn.

Febrúar

1. febrúar - Kvikmyndaleikstjórinn Roman Polanski flúði frá Bandaríkjunum eftir að hafa játað að hafa haft kynmök við 13 ára stúlku.
2. febrúar - Listahátíð í Reykjavík var sett. Kvikmyndahátíð í Reykjavík var í fyrsta sinn hluti af hátíðinni.
2. febrúar - Dyrhólaey var friðlýst.
5. febrúar - Ingemar Stenmark varð heimsmeistari í svigi og stórsvigi í Garmisch-Partenkirchen, Þýskalandi.
5.-7. febrúar - Um 100 létust í snjóhríð á Nýja Englandi.
11. febrúar - Alþýðulýðveldið Kína aflétti banni á bókum Aristótelesar, William Shakespeare og Charles Dickens.
13. febrúar - Sprengjutilræðið við Hilton-hótelið í Sydney: Þrír létust og margir særðust.
15. febrúar - Bandaríski raðmorðinginn Ted Bundy náðist í Flórída.
15. febrúar - Leon Spinks varð nýr þungavigtarmeistari í hnefaleikum þegar hann sigraði Muhammad Ali í Las Vegas öllum að óvörum.
16. febrúar - Fyrsta upplýsingatöflukerfið, CBBS, var sett upp í Chicago.
19. febrúar - Egyptalandsher réðist á alþjóðaflugvöllinn í Larnaca á Kýpur til að reyna að hindra flugrán.
21. febrúar - Rafveitumenn uppgötvuðu leifar píramídans mikla í Tenochtitlan undir miðri Mexíkóborg.

Mars

1. mars - Jarðneskum leifum Charlie Chaplin var rænt úr kirkjugarði í Corsier-sur-Vevey í Sviss.
2. mars - Skemmtistaðurinn Hollywood var opnaður í Ármúla í Reykjavík.
2. mars - Sovéska geimfarið Sojús 28 hélt af stað til geimstöðvarinnar Saljút 6.
3. mars - Ródesía gerði árás á Sambíu.
6. mars - Bandaríski klámblaðakóngurinn Larry Flint var skotinn í Lawrenceville í Georgíu.
11. mars - Palestínskir hryðjuverkamenn réðust á rútu á þjóðvegi 2 í Ísrael og myrtu 38 manns, þar af 13 börn.
14. mars - Borgarastyrjöldin í Líbanon: Ísraelsher réðist inn í Suður-Líbanon.
15. mars - Stríð Sómalíu og Eþíópíu: Sómalía og Eþíópía undirrituðu friðarsamninga.
16. mars - Rauðu herdeildirnar rændu Aldo Moro í Róm. Hann fannst síðar myrtur í farangursgeymslu fólksbifreiðar.
16. mars - Olíuskipið Amoco Cadiz steytti á skerjum í Ermarsundi og brotnaði í tvennt með þeim afleiðingum að úr varð eitt alvarlegasta umhverfisslys sögunnar.
18. mars - Fyrrum forsætisráðherra Pakistan, Zulfikar Ali Bhutto, var dæmdur til dauða fyrir að hafa fyrirskipað morð á pólitískum andstæðingi.
22. mars - Loftfimleikamaðurinn Karl Wallenda lést þegar hann féll af línu sem hann gekk á á milli hótela í San Juan, Púertó Ríkó.
26. mars - 2 fórust í snjóflóði við Norðfjörð.
28. mars - Íslenski söngvarinn Vilhjálmur Vilhjálmsson lést í umferðarslysi í Lúxemborg.

Apríl

2. apríl - Bandaríska sjónvarpsþáttaröðin Dallas hóf göngu sína á CBS.
8. apríl - Leikskólinn Furugrund hóf starfsemi í Kópavogi.
20. apríl - Sænska þingið samþykkti breytingar á erfðalögum sem gerði Viktoríu að krónprinsessu.
22. apríl - Ísrael sigraði Söngvakeppni evrópskra sjónvarpsstöðva með laginu „A-Ba-Ni-Bi“.
26. apríl - Kvikmyndasjóður Íslands og Kvikmyndasafn Íslands voru stofnuð.
27. apríl - Daoud Khan, forseti Afganistan, var myrtur í valdaráni hersins. Afganska borgarastyrjöldin hófst í kjölfarið.
30. apríl - Nur Muhammad Taraki lýsti yfir stofnun Alþýðulýðveldisins Afganistan.

Maí

1. maí - Sprengjumaðurinn frá Gladsaxe særðist af eigin sprengju í Kaupmannahöfn og var tekinn höndum.
1. maí - Japanski ævintýramaðurinn Naomi Uemura komst fyrstur manna einn á Norðurpólinn.
4. maí - Kassingablóðbaðið átti sér stað í suðurhluta Angóla.
7. maí - Jarðgöng undir Oddsskarð á milli Eskifjarðar og Neskaupstaðar voru vígð. Göngin eru í um 630 metra hæð og eru um 630 metra löng.
9 mai 1978. Eftir margra ára tilraunir tókst Herði Torfasyni, leikara, leikstjóra og söngvaskáldi, að stofna baráttusamtök fyrir réttindum samynhneigðra á Íslandi á heimili sínu í Reykjavík. Þar með var hafin formlega barátta fyrir lagalegum réttindum samkynhneigðra á Íslandi. Fyrsti formaður S´78 var Guðni Baldursson.
8. maí - Reinhold Messner (Ítalía) og Peter Habeler (Austurríki) urðu fyrstir til að fara á tind Everestfjalls án súrefnistanka.
9. maí - Sundurskotið lík fyrrum forsætisráðherra Ítalíu, Aldo Moro, fannst í skotti bíls í Róm.
12.-13. maí - Hópur málaliða undir stjórn Bob Denard framdi valdarán á Kómoreyjum.
17. maí - Líkkista Charlie Chaplin fannst við Genfarvatn.
18. maí - Sovéski eðlisfræðingurinn Júrí Orlov var dæmdur til þrælkunarvinnu.
25. maí - Fyrsta árás Unabomber átti sér stað í Northwestern University í Illinois.
26. maí - Fyrsta löglega spilavítið á austurströnd Bandaríkjanna var opnað í Atlantic City.
28. maí - Sveitarstjórnarkosningar voru haldnar á Íslandi. Sjálfstæðisflokkurinn missti þann meirihluta sem hann hafði haft í borgarstjórn Reykjavíkur í áratugi í kosningum, en náði honum svo aftur fjórum árum síðar.

Júní

Júní - Tölvuleikurinn Space Invaders kom út í Japan.
1. júní - Heimsmeistaramót landsliða í knattspyrnu karla 1978 hófst í Argentínu.
8. júní - Intel sendi frá sér Intel 8086-örgjörvann, fyrsta örgjörvann sem byggði á x86-hönnun.
10. júní - Keflavíkurganga á vegum herstöðvaandstæðinga var gengin frá hliði herstöðvarinnar í Keflavík til Reykjavíkur.
12. júní - Bandaríski fjöldamorðinginn David Berkowitz („sonur Sams“) var dæmdur í 365 ára fangelsi.
15. júní - Hussein Jórdaníukonungur giftist Lisa Halaby sem tók sér nafnið Noor drottning.
15. júní - Forseti Ítalíu, Giovanni Leone, sagði af sér eftir að hafa verið bendlaður við Lockheed-hneykslið.
16. júní - Kvikmyndin Grease var frumsýnd.
19. júní - Fyrsta myndasagan um köttinn Gretti birtist.
24. júní - Forseti Arabíska lýðveldisins Jemen, Ahmad al-Ghashmi, var myrtur.
25. júní - Alþingiskosningar voru haldnar á Íslandi.
25. júní - Argentína varð heimsbikarmeistari í knattspyrnu karla eftir 3-1 sigur á Hollendingum.
26. júní - Versalir urðu fyrir miklum skemmdum vegna sprengju sem bretónskir aðskilnaðarsinnar komu fyrir.

Júlí

7. júlí - Salómonseyjar fengu sjálfstæði frá Bretlandi.
11. júlí - Yfir 200 ferðamenn létust þegar tankbíll sprakk á tjaldstæði í Costa Daurada á Spáni.
13. júlí - Græningjaflokkurinn var stofnaður í Vestur-Þýskalandi.
25. júlí - Fyrsta glasabarn heims, Louise Brown, fæddist í Bretlandi.
28. júlí - Regnbogafáninn var notaður í fyrsta sinn í gleðigöngunni San Francisco Pride.

Ágúst

6. ágúst - Páll 6. páfi lést í Castel Gandolfo.
7. ágúst - Kókaínvaldaránið átti sér stað í Hondúras.
17. ágúst - Loftbelgurinn Double Eagle II náði til Miserey í Frakklandi og varð þar með fyrsti loftbelgurinn til að fljúga yfir Atlantshaf.
18. ágúst - Á eyjunni Cavallo hleypti Viktor Emmanúel af Savoja af skotum á eftir gúmmíbátaþjófum. Eitt skot hafnaði í 19 ára syni þýska auðkýfingsins Ryke Geerd Hamer sem svaf í bát þar nærri með þeim afleiðingum að hann lést. Viktor Emmanúel var síðar sýknaður af ákæru fyrir morð en dæmdur fyrir ólöglegan vopnaburð.
22. ágúst - Sandínistar hertóku þinghúsið í Níkaragva.
26. ágúst - Albino Luciani varð Jóhannes Páll 1. páfi.
31. ágúst - Líbanski trúarleiðtoginn Musa al-Sadr hvarf sporlaust í Líbýu.

September

1. september - Síðari ríkisstjórn Ólafs Jóhannessonar tók við völdum. Að henni stóðu Framsóknarflokkurinn, Alþýðuflokkurinn og Alþýðubandalagið. Þessi stjórn sat til 15. október 1979.
1. september - Matvælafyrirtækið Sómi var stofnað í Kópavogi.
5. september - Camp David-samningurinn var undirritaður af Anwar Sadat og Menachem Begin.
8. september - Íransher hóf skothríð á mótmælendur í Teheran með þeim afleiðingum að 122 létust.
10. september - Sjóíþróttafélagið Sæfari var stofnað á Ísafirði.
11. september - Sænski ökuþórinn Ronnie Peterson lést í árekstri við upphaf keppni í Formúlu 1-kappakstri á Grand Prix Italia.
19. september - Fatlaðir fóru í kröfugöngu í Reykjavík og kröfðust jafnréttis. Gangan var skipulögð af Sjálfsbjörgu.
20. september - Sænska lögreglan réðist inn í Mullvaden-hverfið í Stokkhólmi sem ungmenni höfðu haldið í eitt ár til að mótmæla niðurrifi húsa.
25. september - 144 létust þegar Boeing 727-farþegaþota, PSA flug 182, rakst á litla einkaflugvél og hrapaði við San Diego í Kaliforníu.
27. september - August Sabbe, síðasti Skógarbróðirinn í Eistlandi, drukknaði á flótta undan KGB.
28. september - Jóhannes Páll 1. páfi lést eftir aðeins 33 daga í embætti.
30. september - Fyrsta skráða ferð Ferðafélags Íslands eftir Laugaveginum.

Október

1. október - Víetnam gerði innrás í Kambódíu.
5. október - Thorbjörn Fälldin sagði af sér forsætisráðherraembætti í Svíþjóð.
6. október - Ruhollah Khomeini var rekinn frá Írak. Hann flúði til Frakklands.
10. október - Daniel arap Moi varð forseti Kenýa.
13. október - Sovétstjórn hóf rússneskuvæðingarátak í öllum sovétlýðveldum.
13. október - Ola Ullsten varð forsætisráðherra Svíþjóðar.
14. október - Heimabruggun bjórs var heimiluð í Bandaríkjunum með lagabreytingu.
16. október - Karol Józef Wojtyła varð Jóhannes Páll 2. páfi.
20. október - Sydney Gay and Lesbian Mardi Gras fór fram í fyrsta sinn.
27. október - Menachem Begin og Anwar Sadat fengu friðarverðlaun Nóbels.

Nóvember

3. nóvember - Megas hélt fræga tónleika í Menntaskólanum við Hamrahlíð undir heitinu Drög að sjálfsmorði.
3. nóvember - Dóminíka fékk sjálfstæði frá Bretlandi.
8. nóvember - Friðrik Ólafsson var kjörinn forseti Alþjóða skáksambandsins FIDE og gegndi þeirri stöðu í fjögur ár.
11. nóvember - Maumoon Abdul Gayoom varð forseti Maldíveyja.
15. nóvember - Áfengisauglýsingar voru bannaðar í Svíþjóð.
15. nóvember - Flug Loftleiða LL 001: Farþegaþotan Leifur Eiríksson í eigu Loftleiða fórst í aðflugi á Colombo á Srí Lanka og fórust með henni 197 manns.
17. nóvember - Danska þingið samþykkti að Grænland fengi heimastjórn.
18. nóvember - Fylgjendur Jim Jones og Peoples Temple frömdu fjöldasjálfsmorð í Jonestown í Gvæjana.
19. nóvember - Fyrsta Take Back the Night-gangan fór fram í San Francisco.
27. nóvember - Verkamannaflokkur Kúrda (PKK) var stofnaður í Tyrklandi.

Desember

5. desember - Chris Curry og Hermann Hauser stofnuðu breska tölvufyrirtækið Cambridge Processor Unit Ltd sem síðar varð Acorn Computers.
5. desember - Aðildarlönd Evrópubandalagsins, utan Bretland, samþykktu evrópska myntkerfið.
6. desember - Spænska stjórnarskráin 1978 kvað á um endurreisn lýðræðis í landinu.
11. desember - Lufthansaránið: Sex menn rændu um fimm milljónum dala úr flutningavél á Kennedyflugvelli í New York.
15. desember - Kvikmyndin Superman var frumsýnd.
22. desember - Bandaríski raðmorðinginn John Wayne Gacy var handtekinn í Chicago.
25. desember - Víetnam hóf stórsókn gegn Rauðum kmerum í Kambódíu.
27. desember - Ný stjórnarskrá var samþykkt í þjóðaratkvæðagreiðslu á Spáni.