Haukur Ingi Guðnason

Úr Wikipediu, frjálsa alfræðiritinu
Jump to navigation Jump to search

Haukur Ingi Guðnason (fæddur 8. september 1978 í Keflavík) er íslenskur knattspyrnumaður sem leikur með Keflavík.

Knattspyrnuferill[breyta | breyta frumkóða]

Haukur Ingi byrjaði ferill sinn með Keflavík árið 1995 en komast á samning hjá enska úrvalsdeildarliðinu Liverpool árið 1997. Hann var með Liverpool í þrjú ár, án þess að komast í aðalliðið. Hann sneri aftur heim árið 2000. Hann spilaði um stund með KR áður en hann kom aftur til Keflavíkur. Hann fór til liðs við Fylki árið 2003 og spilaði með þeim í um fimm ár. Hann sneri svo aftur til Keflavíkur árið 2009, þar sem hann spilar í treyju númer 4. Hann spilar sem framherji eða miðjumaður.

Landsliðið[breyta | breyta frumkóða]

Haukur Ingi hefur leikið átta leiki með íslenska landsliðinu. Hann spilaði fyrst með landsliðinu í vináttulandsleik á móti Suður-Afríku 6. júní 1998, sá leikur fór 1-1. Haukur Ingi var í byrjunarliðinu og var í treyju númer 10.

Einkalíf[breyta | breyta frumkóða]

Faðir Hauks Inga er Guðni Kjartansson, sem er fyrrum leikmaður og þjálfari bæði Keflavíkur og íslenska landsliðsins. Haukur Ingi er trúlofaður Ragnhildi Steinunni Jónsdóttur og eignuðust þau dóttur hinn 28. júní 2010.

Tenglar[breyta | breyta frumkóða]