Vala Flosadóttir
Vala Flosadóttir (f. í Reykjavík 16. febrúar 1978) er íslensk frjálsíþróttakona og keppti í stangarstökki. Árið 2000 varð hún í þriðja sæti á Ólympíuleikunum í Sydney með stökki upp á 4,50 metra, sem jafnframt er persónulegt met.
Árið 1998 setti Vala tvívegis heimsmet í stangarstökki innanhúss og hún setti einnig fimm unglingaheimsmet á árunum 1995–1997. Hún varð Evrópumeistari í stangarstökki innanhúss 1996, en það var í fyrsta skipti sem keppt var í stangarstökki kvenna á stórmóti, og hafnaði í þriðja sæti á Evrópumeistaramótinu árið 1998. Hún vann Evrópumeistaramót 22 ára og yngri 1999 og varð önnur á evrópska unglingameistaramótinu 1997.
Vala hætti keppni árið 2005. Hún var tekin inn í heiðurshöll ÍSÍ árið 2012.
Heimildir
[breyta | breyta frumkóða]- „„Stund sem líður mér aldrei úr minni"“. Morgunblaðið. 26. september 2000. bls. 1. Sótt 25. september 2025.
- „„Maður situr með tárin í augunum"“. Morgunblaðið. 26. september 2000. bls. 36–37. Sótt 25. september 2025.
- Benediktsson, Ívar (10 júní 2005). „Vala hættir stangarstökki“. Morgunblaðið C. bls. 1. Sótt 25. september 2025.
- Ásgeirsdóttir, Ásdís (27. september 2020). „Hvar er Vala Flosa nú?“. Morgunblaðið. Sótt 25. september 2025.
- Sigurbjörnsson, Þorkell Gunnar (25. september 2025). „Aldarfjórðungur frá bronsi Völu Flosa“. ruv.is. Sótt 25. september 2025.