Neskaupstaður

Úr Wikipediu, frjálsa alfræðiritinu
Neskaupstaður.
Norðfjörður.
Neskaupstaður

Neskaupstaður

Neskaupstaður er 1.469 manna (2019) bær við Norðfjörð á Austfjörðum og sá fjölmennasti í sveitarfélaginu Fjarðabyggð.

Bærinn var gerður að sérstökum hreppi, Neshreppi, árið 1913 en hafði fram að því heyrt undir Norðfjarðarhrepp. Neshreppur fékk kaupstaðarréttindi 1. janúar 1929 og hét eftir það Neskaupstaður. Norðfjarðarhreppur sameinaðist Neskaupstað á ný 11. júní 1994, að þessu sinni undir merkjum Neskaupstaðar. Hinn 7. júní 1998 sameinaðist Neskaupstaður Eskifjarðarkaupstað og Reyðarfjarðarhreppi undir nafninu Fjarðabyggð.

Bæjarstæðið er merkilegt fyrir þær sakir að vera mjög langt, það er bærinn liggur meðfram sjónum og nær um það bil 100 metra upp í hlíðina fyrir ofan á 6 km löngum kafla.

Í bænum er Boltafélag Norðfjarðar, íþróttafélagið Þróttur sem hefur náð hvað bestum árangri í blaki. Fjarðabyggð er með sameiginlegt lið í 2. deild karla í knattspyrnu. Þar er einnig golfklúbburinn GN (Golfklúbbur Norðfjarðar). Klúbburinn starfrækir 9 holu golfvöll, Grænanesvöll. Völlurinn er á Grænanesbökkum við Norðfjarðará. Fjórðungssjúkrahúsið í bænum sinnir Austurlandi.

Tengt efni[breyta | breyta frumkóða]

Eitt og annað[breyta | breyta frumkóða]

Víðmynd.

Tilvísanir[breyta | breyta frumkóða]

  1. Hörður Kristinsson (1972). Additions to the lichen flora of Iceland I. Acta Botanica Islandica 1, 43-50.