Þórdís Björnsdóttir

Þórdís Björnsdóttir (f. 7. ágúst 1978 í Reykjavík) er íslenskt ljóðskáld. Haustið 2004 gaf hún út sína fyrstu ljóðabók, Ást og appelsínur, sem hlaut mjög góðar viðtökur bæði lesenda og gagnrýnanda.

Skömmu eftir útgáfu bókarinnar var verkið sett á svið á Akureyri í leikstjórn Arnars Inga Gíslasonar. Þar flutti höfundur verkið utanbókar, en aðrir sem að verkinu komu voru dansarar, leikarar, tónlistar- og fimleikafólk. Sýningar voru alls fjórar.

Árið 2006 kom út ljóðabókin Og svo kom nóttin hjá Nýhil. Ári síðar sendi Þórdís frá sér ljóðabókina Í felum bak við gluggatjöldin og í kjölfarið fylgdi skáldsagan Saga af bláu sumri sem Bókaútgáfan Bjartur gaf út.

Verk

Ljóðabækur

• 2004 - Ást og appelsínur
• 2006 - Og svo kom nóttin
• 2007 - Í felum bakvið gluggatjöldin
• 2012 - Nötur gömlu nútíðarinnar (undir höfundarnafninu Emmalyn Bee)

Leikgerðir

• 2004 - Ást og appelsínur

Prósar

• 2006 - Vera & Linus (ásamt Jesse Ball)

Skáldsögur

• 2007 - Saga af bláu sumri
• 2009 - Sónata fyrir svefninn

Tenglar

• Ljóð á vefsíðu Nýhil
• Stutt lýsing á höfundi eftir bandaríska skáldið Jesse Ball.
• Vefsíða
• Bókmenntavefurinn
• Um verk hennar (á spænsku og frönsku)