Reykjavíkurkjördæmi norður

Reykjavíkurkjördæmi norður

Þingmenn  • Kjördæmakjörnir  • Jöfnunarmenn  • Alls	9 2 11
Mannfjöldi	136.894 (Í Reykjavík allri, 2024)
Sveitarfélög	1 (að hluta)
Kjósendur  • Á kjörskrá  • Á hvert þingsæti	45.368 (2021) 4.124
Kjörsókn	78,8% (2021)
Núverandi þingmenn
1.  Guðlaugur Þór Þórðarson  D  2.  Steinunn Þóra Árnadóttir  V  3.  Halldóra Mogensen  P  4.  Jóhann Páll Jóhannsson  S  5.  Ásmundur Einar Daðason  B  6.  Diljá Mist Einarsdóttir  D  7.  Eva Dögg Davíðsdóttir  V  8.  Þorbjörg Sigríður Gunnlaugsdóttir  C  9.  Tómas A. Tómasson  F  10.  Andrés Ingi Jónsson  P  11.  Dagbjört Hákonardóttir  S

Reykjavíkurkjördæmi norður er eitt af kjördæmum Íslands. Það hefur 11 sæti á Alþingi, þar af tvö jöfnunarsæti. Kjördæmið var búið til með nýrri kjördæmaskipan árið 2000 með því að skipta upp Reykjavíkurkjördæmi. Fyrst var kosið samkvæmt þessari nýju kjördæmaskipan í Alþingiskosningum 2003.

Kort af skiptingu Reykjavíkur í norður- og suðurkjördæmi.

Í stjórnarskrá Íslands er mælt fyrir um að mörk kjördæma eigi að skilgreina í lögum en að heimilt sé að fela Landskjörstjórn afmörkun á kjördæmamörkum í Reykjavík og nágrenni. Í kosningalögunum er mælt fyrir um að skipta skuli Reykjavíkurborg frá austri til vesturs í norðurkjördæmi og suðurkjördæmi. Landskjörstjórn afmarkar kjördæmin og miðar þar við þjóðskrá fimm vikum fyrir kjördag, reynt er að gæta þess að álíka margir búi í hvoru kjördæmi og að þau myndi sem samfelldasta heild. Mörk kjördæmanna liggja í grófum dráttum meðfram Hringbraut, Miklubraut og Vesturlandsvegi og svo um Grafarholtshverfi þar sem skiptingin hefur færst lítillega til við hverjar kosningar eftir því hvernig íbúaþróun er í hverfum borgarinnar. Grafarholt var þannig allt í norðurkjördæminu við kosningarnar 2003 en við kosningarnar 2021 var hverfið að mestu komið yfir í suðurkjördæmið. Hinn forni Kjalarneshreppur fellur innan marka norðurkjördæmisins þannig að það er mun víðfeðmara en suðurkjördæmið þó að íbúafjöldi sé sambærilegur.

Þrátt fyrir skiptingu Reykjavíkur í tvö kjördæmi hafa flestir stjórnmálaflokkar áfram skipulagt starf sitt í Reykjavík sem einni heild. Þeir flokkar sem halda prófkjör hafa t.d. iðulega haldið sameiginlegt prófkjör fyrir bæði Reykjavíkurkjördæmin þar sem sigurvegari prófkjörsins tekur fyrsta sætið á lista í öðru kjördæminu og sá sem lendir í öðru sæti tekur fyrsta sætið í hinu kjördæminu.

Í þeim sjö kosningum sem haldnar hafa verið frá því að núgildandi kjördæmaskipan var tekin upp hefur Sjálfstæðisflokkurinn fimm sinnum átt fyrsta þingmann kjördæmisins en Samfylkingin tvisvar.

Kosningatölfræði

Kosningar	Kjósendur á kjörskrá	Breyting	Greidd atkvæði	Kjörsókn	Utankjörfundar- atkvæði		Þingsæti	Kjósendur á hvert þingsæti	Vægi[1]
					Fjöldi	Hlutfall greiddra
2003	42.812	á ekki við	36.615	85,5%	3.971	10,8%	11	3.892	86%
2007	43.756	944	35.625	81,4%	4.942	13,9%	11	3.978	88%
2009	43.767	11	36.440	83,3%	4.938	13,6%	11	3.979	91%
2013	45.523	1.756	35.969	79,0%	6.424	17,9%	11	4.138	91%
2016	46.051	528	35.864	77,9%	5.807	16,2%	11	4.186	93%
2017	46.073	22	36.744	79,8%	6.473	17,6%	11	4.188	94%
2021	45.368	705	35.728	78,8%	8.319	23,3%	11	4.124	98%
2024	47.486	2.118	37.500	79,0%	-	-	11	4.317	99%
[1] Vægi atkvæða í þessu kjördæmi miðað við vægi atkvæða á landsvísu.
Heimild: Hagstofa Íslands

Þingmenn kjörnir úr kjördæminu

Þingmenn kjörnir úr kjördæminu

Kosningar	1.	2.	3.	4.	5.	6.	7.	8.	9.	10.	11.
2003	Össur Skarphéðinsson  S	Davíð Oddsson  D	Bryndís Hlöðversdóttir  S	Björn Bjarnason  D	Guðrún Ögmundsdóttir  S	Guðlaugur Þór Þórðarson  D	Halldór Ásgrímsson  B	Kolbrún Halldórsdóttir  V	Helgi Hjörvar  S	Sigurður Kári Kristjánsson  D	Árni Magnússon  B
2007	Guðlaugur Þór Þórðarson  D	Össur Skarphéðinsson  S	Guðfinna Bjarnadóttir  D	Katrín Jakobsdóttir  V	Jóhanna Sigurðardóttir  S	Pétur Blöndal  D	Helgi Hjörvar  S	Sigurður Kári Kristjánsson  D	Árni Þór Sigurðsson  V	Steinunn Valdís Óskarsdóttir  S	Ellert B. Schram  S
2009	Jóhanna Sigurðardóttir  S	Katrín Jakobsdóttir  V	Illugi Gunnarsson  D	Helgi Hjörvar  S	Árni Þór Sigurðsson  V	Valgerður Bjarnadóttir  S	Pétur Blöndal  D	Sigmundur Davíð Gunnlaugsson  B	Þráinn Bertelsson  O	Álfheiður Ingadóttir  V	Steinunn Valdís Óskarsdóttir  S
2013	Illugi Gunnarsson  D	Frosti Sigurjónsson  B	Katrín Jakobsdóttir  V	Össur Skarphéðinsson  S	Brynjar Níelsson  D	Björt Ólafsdóttir  A	Sigrún Magnúsdóttir  B	Árni Þór Sigurðsson  V	Birgir Ármannsson  D	Helgi Hrafn Gunnarsson  P	Valgerður Bjarnadóttir  S
2016	Guðlaugur Þór Þórðarson  D	Katrín Jakobsdóttir  V	Birgitta Jónsdóttir  P	Áslaug Arna Sigurbjörnsdóttir  D	Þorsteinn Víglundsson  C	Steinunn Þóra Árnadóttir  V	Björn Leví Gunnarsson  P	Birgir Ármannsson  D	Björt Ólafsdóttir  A	Andrés Ingi Jónsson  V	Halldóra Mogensen  P
2017	Guðlaugur Þór Þórðarson  D	Katrín Jakobsdóttir  V	Helgi Hrafn Gunnarsson  P	Helga Vala Helgadóttir  S	Áslaug Arna Sigurbjörnsdóttir  D	Steinunn Þóra Árnadóttir  V	Þorsteinn Víglundsson  C	Birgir Ármannsson  D	Andrés Ingi Jónsson  V	Ólafur Ísleifsson  F	Halldóra Mogensen  P
2021	Guðlaugur Þór Þórðarson  D	Katrín Jakobsdóttir  V	Halldóra Mogensen  P	Helga Vala Helgadóttir  S	Ásmundur Einar Daðason  B	Diljá Mist Einarsdóttir  D	Steinunn Þóra Árnadóttir  V	Þorbjörg S. Gunnlaugsdóttir  C	Tómas A. Tómasson  F	Andrés Ingi Jónsson  P	Jóhann Páll Jóhannsson  S

Tengill

• Lög um kosningar til Alþingis nr. 24 16. maí 2000