Flokkur fólksins
| Flokkur fólksins | |
|---|---|
 | |
| Fylgi |  13,8%¹ |
| Formaður | Inga Sæland |
| Stofnár | 2016 |
| Stjórnmálaleg hugmyndafræði |
Réttindi fatlaðra, aldraðra og öryrkja, lýðhyggja |
| Einkennislitur | Gulur |
| Sæti á Alþingi |  |
| Listabókstafur | F |
| Vefsíða | flokkurfolksins |
| ¹Fylgi í síðustu Alþingiskosningum | |
 |
Þessi grein þarfnast hreingerningar svo hún hæfi betur sem grein hér á Wikipediu. Mögulega er vandamálið við síðuna skráð á Wikipedia:Stílviðmið og þar að auki: Má skipta í kafla. |
Flokkur fólksins er íslenskur stjórnmálaflokkur sem bauð fram í fyrsta sinn til Alþingiskosninganna 2016. Inga Sæland er fyrsti formaður flokksins.[1] Flokkurinn hlaut 3,5% atkvæða í kosningunum 2016, engan þingmann, en nóg til að fá ríkisstyrk. Síðla sumars árið 2017 mældist flokkurinn með 8,4% og tæplega 11% fylgi í könnunum.[2] Flokkurinn fundaði í fullum sal í Háskólabíói og fór í mál við ríkið fyrir hönd eldri borgara. Í kosningunum 2017 náði flokkurinn hins vegar fjórum mönnum á þing og hlaut 6,9% atkvæða.
Inga Sæland ætlaði að leiða lista flokksins í Reykjavík í borgarstjórnarkosningnum 2018,[3] en þegar boðað var til Alþingiskosninga haustið 2017 bauð hún sig fram í þeim. Kolbrún Baldursdóttir leiddi lista Flokks fólksins og var hún kjörin í borgarstjórn, þar sem flokkurinn hlaut alls 4,3% greiddra atkvæða. Kolbrún er því fyrsti fulltrúi flokksins í sveitarstjórn á Íslandi, en flokkurinn bauð ekki fram annars staðar en í Reykjavík vorið 2018.[4] Í sveitarstjórnarkosningunum 2022 hlaut flokkurinn svipað fylgi og var Kolbrún enn eini borgarfulltrúi flokksins.[5] Sama ár bauð Flokkur fólksins einnig fram á Akureyri og hlaut einn fulltrúa, Brynjólf Ingvarsson.[6] Í sveitarstjórnarkosningunum 2026 fékk hann engan fulltrúa kjörinn.[7]
Fulltrúar flokksins hafa reglulega verið hluti af hneykslismálum þar á meðal vegna áreitni í þingveislu, tengsla við dýraníðsmál og kvennfyrirlitningu í flokknum á Akureyri.[8]
Í kjölfar Klaustursupptakanna sem birtar voru í lok ársins 2018 voru tveir af þingmönnum flokksins, Karl Gauti Hjaltason og Ólafur Ísleifsson, reknir úr flokknum vegna „alvarlegs trúnaðarbrests“.[9] Flokkurinn taldi eftir það aðeins tvo þingmenn til sín, Ingu Sæland og Guðmund Inga Kristinsson.
Flokkurinn hlaut svo 8,8% atkvæða í Alþingiskosningum 2021 og fékk sex þingmenn kjörna, einn í hverju kjördæmi. Ásthildi Lóu Þórsdóttur, Eyjólf Ármannsson, Guðmund Inga Kristinsson, Ingu Sæland, Jakob Frímann Magnússon og Tómas A. Tómasson.
Flokkur fólksins fékk 13.8% atkvæða í Alþingiskosningum 2024. Tók hann þátt í meirihlutasamstarfi með Samfylkingunni og Viðreisn í ráðuneyti Kristrúnar Frostadóttur í lok desember 2024.[10]
Í janúar 2025 vakti Inga Sæland, þá félags- og húsnæðismálaráðherra athygli fyrir að hafa hringt í skólastjóra barnabarns síns vegna týnds skópars. Átti hún að hafa hellt sér yfir þáverandi skólastjóra borgarholtsskóla og vitnað í ítök sín í lögreglunni.[11] Símtalið þótti óviðeigandi og jafnvel brjóta siðareglur ráðherra. Inga baðst síðar afsökunar.[12] Skólastjóranum var sagt nokkrum mánuðum síðar að skipunartími hans yrði ekki framlengdur þvert á allar hefðir, hann hóf dómsmál í kjölfarið.[13][14]
Í mars 2025 sagði ráðherra flokksins Ásthildur Lóa Þórsdóttir af sér embætti mennta- og barnamálaráðherra eftir að kom í ljós að hún átti í ástarsambandi við 15 ára dreng þegar hún var sjálf 22 ára. Hún eignaðist barn með honum og sakaði barnsfaðir hennar hana um tálmun.[15]
Guðmundur Ingi Kristinsson sagði sig úr þingflokki Flokks fólksins í apríl 2026 og sagði ástæðuna vera persónulegan trúnaðarbrest innan flokksins.[16]
Kjörfylgi í alþingiskosningum
[breyta | breyta frumkóða]| Kosningar | Atkvæði | % | Þingsæti | +/– | Sæti | Stjórnarþátttaka |
|---|---|---|---|---|---|---|
| 2016 | 6.707 | 3,5 | 0 / 63 |
 0 |
8. |
Utan þings |
| 2017 | 13.502 | 6,9 | 4 / 63 |
4 |
7. |
Stjórnarandstaða |
| 2021 | 17.672 | 8,9 | 6 / 63 |
2 |
5. |
Stjórnarandstaða |
| 2024 | 29.288 | 13,8 | 10 / 63 |
4 |
4. |
Í stjórnarsamstarfi |
Tilvísanir
[breyta | breyta frumkóða]- ↑ „Um Flokks fólksins“. Afrit af upprunalegu geymt þann 18 október 2016. Sótt 2 október 2016.
- ↑ Flokkur fólksins fengi fimm þingsæti.
- ↑ Segir fylgið ákall um breytingar og réttlæti Rúv, skoðað 3. sept, 2017
- ↑ http://www.visir.is/g/2018180529010/rynt-i-urslit-borgarstjornarkosninga-vidreisn-i-lykilstodu
- ↑ „Reykjavík 2022“. kosningasaga. 24 janúar 2022. Sótt 26 janúar 2024.
- ↑ „Akureyri 2022“. kosningasaga. 24 janúar 2022. Sótt 26 janúar 2024.
- ↑ „Kosningar - RÚV.is“. RÚV. 29 apríl 2024. Sótt 29 maí 2026.
- ↑ Sigurðsson, Bjarki (15. september 2022). „Enn fjölgar hneykslismálum í sex ára sögu Flokks fólksins - Vísir“. visir.is. Sótt 29 maí 2026.
- ↑ „Karl Gauti og Ólafur Ísleifsson reknir úr Flokki fólksins“. DV. 30. nóvember 2018. Sótt 1. desember 2018.
- ↑ Hrólfsson, Ragnar Jón; Gunnarsdóttir, Þorgerður Anna (21. desember 2024). „Ríkisstjórn Kristrúnar Frostadóttur er tekin við völdum - RÚV.is“. RÚV. Sótt 29 maí 2026.
- ↑ Daðason, Jakob Bjarnar,Kolbeinn Tumi (27 janúar 2025). „Ráðherra hringdi í skólastjóra vegna týnds skópars - Vísir“. visir.is. Sótt 29 maí 2026.
- ↑ Helgadóttir, Ragnhildur (28 janúar 2025). „Týndu Nike-skórnir og afsökunarbeiðni ráðherra“. Heimildin. Sótt 29 maí 2026.
- ↑ Gunnarsson, Oddur Ævar (12. mars 2025). „Fær ekki framlengingu í Borgó „þvert á allar hefðir" - Vísir“. visir.is. Sótt 29 maí 2026.
- ↑ Andrésdóttir, Iðunn (15 janúar 2026). „Ríkið mótmælir kröfu um vitnaleiðslur yfir ráðherrum í máli skólameistara - RÚV.is“. RÚV. Sótt 29 maí 2026.
- ↑ Kristjánsson, Alexander; Magnúsdóttir, Ásta Hlín (20. mars 2025). „Ásthildur Lóa segir af sér ráðherraembætti - RÚV.is“. RÚV. Sótt 29 maí 2026.
- ↑ Sæberg, Árni (13 apríl 2026). „Guðmundur Ingi segir sig úr Flokki fólksins - Vísir“. visir.is. Sótt 29 maí 2026.