Miðflokkurinn (Ísland)

Miðflokkurinn;
	Merki flokksins frá 2017
Fylgi	12,1%¹
Formaður	Sigmundur Davíð Gunnlaugsson
Varaformaður	Snorri Másson
Stofnár	október 2017
Stjórnmálaleg; hugmyndafræði	Lýðhyggja
Einkennislitur	blágrænn
Sæti á Alþingi
Listabókstafur	M
Vefsíða	midflokkurinn.is
	¹Fylgi í síðustu Alþingiskosningum

Miðflokkurinn er stjórnmálaflokkur sem Sigmundur Davíð Gunnlaugsson stofnaði árið 2017 eftir að hann yfirgaf Framsóknarflokkinn. Stefna hans byggist á hægrisinnaðri lýðhyggju.

Í fyrstu könnun sem mældi fylgi flokksins hlaut hann um 7%.^[1] Flokkurinn bauð sig fram í Alþingiskosningunum 2017 og fékk 10,87% atkvæða sem svarar til sjö þingmanna.^[2] Flokkurinn fékk níu sveitarstjórnarmenn kjörna í sveitarstjórnarkosningunum 2018. Tveir þingmenn til viðbótar, þeir Karl Gauti Hjaltason og Ólafur Ísleifsson, gengu til liðs við Miðflokkinn í febrúar 2019 eftir að hafa verið reknir úr Flokki fólksins í kjölfar Klaustursmálsins árið 2018.^[3] Með inngöngu þeirra í flokkinn varð Miðflokkurinn stærsti þingflokkur í stjórnarandstöðunni. Flokkurinn bauð síðan aftur fram í alþingiskosingunum 2021 og fékk 5,4% fylgi og misstu þeir sex þingmenn, en þeir Sigmundur Davíð Gunnlaugsson, Bergþór Ólason og Birgir Þórarinsson voru einu sem komust á þing það árið. Birgir gekk svo til liðs við Sjálfstæðisflokkinn tveimur vikum eftir kosningar.

Miðflokkurinn fékk sex sveitarstjórnarmenn kjörna í sveitarstjórnarkosningunum 2022. Árið 2020 ákvað flokkurinn að leggja niður embætti varaformanns eftir að Vigdís Hauksdóttir hafði áður lýst yfir framboði. Flokkurinn bætti við sig sjö prósentustigum og sex þingsætum í alþingiskosningunum 2024, eftir að hafa verið oft í öðru sæti í könnunum um nokkra mánuði. Snorri Másson var kjörinn varaformaður árið 2025 þegar flokkurinn tók embættið aftur upp í slag við Ingibjörgu Davíðsdóttur og fyrrum þingflokksformanninum Bergþóri Ólasyni sem að dró framboð sitt til baka nokkrum dögum fyrir landsfund flokksins.

Alþjóðatengsl

Miðflokkurinn hefur sótt um aðild að Evrópuflokknum Evrópskum íhaldsmönnum og umbótasinnum, sem Sjálfstæðisflokkurinn átti áður aðild að frá 2011 til 2021.^[4] Fulltrúar á vegum Miðflokksins hafa sótt ýmsar ráðstefnur og fundi á vegum hægrisinnaðra hugveita og þrýstihópa á borð við Turning Point Action, Heritage Foundation og New Direction.^[5]