Ásmundur Einar Daðason
| Ásmundur Einar Daðason | |||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|
 | |||||||||||||||||||||
| Mennta- og barnamálaráðherra Íslands | |||||||||||||||||||||
| Í embætti 28. nóvember 2021 – 21. desember 2024 | |||||||||||||||||||||
| Forsætisráðherra | Katrín Jakobsdóttir Bjarni Benediktsson | ||||||||||||||||||||
| Forveri | Lilja Alfreðsdóttir | ||||||||||||||||||||
| Eftirmaður | Ásthildur Lóa Þórsdóttir | ||||||||||||||||||||
| Félags- og barnamálaráðherra Íslands | |||||||||||||||||||||
| Í embætti 30. nóvember 2017 – 28. nóvember 2021 | |||||||||||||||||||||
| Forsætisráðherra | Katrín Jakobsdóttir | ||||||||||||||||||||
| Forveri | Þorsteinn Víglundsson | ||||||||||||||||||||
| Eftirmaður | Guðmundur Ingi Guðbrandsson | ||||||||||||||||||||
| Alþingismaður | |||||||||||||||||||||
| |||||||||||||||||||||
| Persónulegar upplýsingar | |||||||||||||||||||||
| Fæddur | 29. október 1982 Reykjavík | ||||||||||||||||||||
| Stjórnmálaflokkur | Framsóknarflokkurinn (2011–) Vinstrihreyfingin – grænt framboð (fyrir 2011) | ||||||||||||||||||||
| Maki | Sunna Birna Helgadóttir | ||||||||||||||||||||
| Börn | 3 | ||||||||||||||||||||
| Menntun | Búvísindi | ||||||||||||||||||||
| Háskóli | Landbúnaðarháskólinn á Hvanneyri Landbúnaðarháskóli Íslands | ||||||||||||||||||||
| Æviágrip á vef Alþingis | |||||||||||||||||||||
Ásmundur Einar Daðason (fæddur 29. október 1982) er íslenskur stjórnmálamaður sem gengdi embætti Félags- og barnamálaráðherra frá 2017 til 2021 og Mennta- og barnamálaráðherra frá 2021 til 2024 fyrir Framsóknarflokkinn. Hann sat í ríkisstjórnum Katrínar Jakobsdóttur og Bjarna Benediktssonar.[1] Hann var áður þingmaður Vinstri grænna frá 2009 til 2011 og síðan þingmaður Framsóknarflokksins frá 2011 til 2024. Hann datt út af þingi í Alþingiskosningunum 2024.
Ásmundur Einar kom yfirleitt vel út í könnunum um stuðning til ráðherra og í nokkrum könnunum var hann vinsælasti ráðherrann, til að mynda í könnunum frá 2021 og 2023.[2][3] Vinsældir Ásmundar Einars fóru að dala um mitt ár 2023 eftir ættardeilur hans komust í ljós um jörðina Lambeyrum í Dalasýslu.[4] Áður en Ásmundur Einar var kjörinn á þing starfaði hann sem sauðfjárbóndi á Lambeyrum í Dalasýslu og rak hann þar innflutnings- og sölufyrirtæki með vörur fyrir landbúnað til 2011, auk þess sem að ann var formaður félags sauðfjárbænda í Dalasýslu.
Menntun og fyrri störf
[breyta | breyta frumkóða]Ásmundur er menntaður sem búfræðingur frá Landbúnaðarháskólanum á Hvanneyri 2002 og árið 2007 lauk hann B.Sc.-próf í almennum búvísindum frá Landbúnaðarháskóla Íslands.
Ásmundur Einar sat í stúdentaráði Landbúnaðarháskóla Íslands, Hvanneyri, 2001-2002, var formaður þess 2004-2005. Formaður Félags sauðfjárbænda í Dalasýslu 2005-2010 og Formaður svæðisfélags Vinstri hreyfingarinnar - græns framboðs í Dölum 2005-2007. Þá sat hann í háskólaráði Landbúnaðarháskóla Íslands 2009.[5]
Stjórnmálaferill
[breyta | breyta frumkóða]Ásmundur var þann 15. nóvember 2009 kosinn formaður Heimssýn, hreyfingar sjálfstæðissinna í Evrópumálum.
Ásmundur Einar var kjörinn á þing fyrir Vinstrihreyfinguna-grænt framboð en sagði sig svo úr þingflokki þeirra þegar hann studdi vantrauststillögu á ríkisstjórnina 13. apríl 2011. Sagði Ásmundur að hann studdi ríkistjórnina ekki í mörgum málum þar á meðal Evrópumálunum.[6]
Ásmundur Einar var einn þeirra þingmanna Vinstri hreyfingarinnar sem hafði miklar efasemdir við Icesave samkomulagið og sat meðal annars í fjárlaganefnd á þeim tíma, var hann beittur miklum þrýstingi að samþykkja málið.[7]
Þann 1. júní 2011 gekk Ásmundur Einar til liðs við Framsóknarflokkinn. [8]
Ásmundur Einar var kjörinn aftur á þing vorið 2013 þá fyrir Framsóknarflokkinn. Skipaði hann annað sæti lista Framsóknarmanna í Norðvesturkjördæmi.[9] Ásmundur Einar sat á þingi frá 2013-2016 og settist svo aftur á þing eftir Alþingiskosningar haustið 2017.
Ættardeilur Ásmundar Einars um Lambeyri í Dalasýslu hlutu mikla athygli um mitt ár 2023. Þar sökuðu frænkur Ásmundar Einars bræður hans, föður og Ásmund sjálfan um skemmdarverk, innbrot og yfirgang.[10] Ásmundur hafnaði ásökunum og sagði ekki hafa komið nálægt málinu í eitt ár.[11]
Í alþingiskosningunum 2024 féll Ásmundur Einar af þingi þegar Framsóknarflokkurinn missti átta þingmenn.
Tenglar
[breyta | breyta frumkóða]- Heimasíða Ásmundar Geymt 10 desember 2013 í Wayback Machine
- Æviágrip Alþingis
Heimildir
[breyta | breyta frumkóða]- ↑ „Sex karlar og fimm konur“, RÚV, 30. nóvember 2017.
- ↑ Stjóri, Stóri (4 janúar 2023). „Ásmundur Einar nýtur mestrar hylli“. maskina.is. Sótt 10 júní 2025.
- ↑ „Ásmundur Einar er eini ráðherrann sem meirihluti þjóðarinnar treystir“. Kjarninn. 26 apríl 2022. Sótt 10 júní 2025.
- ↑ „Deilur um jörðina Lambeyrar - Vísir“. visir.is. Sótt 10 júní 2025.
- ↑ http://www.althingi.is/altext/cv.php4?nfaerslunr=707
- ↑ http://www.visir.is/asmundur-einar-haettur-i-thingflokki-vg/article/2011110419505
- ↑ Sigurður Már Jónsson, Icesave samningarnir - afleikur aldarinnar? Almenna Bókfélagið, Reykjavík, 2011
- ↑ http://www.visir.is/asmundur-einar-genginn-i-framsokn/article/2011110609923
- ↑ http://stjornartidindi.is/Advert.aspx?ID=160ff3e8-5045-42e3-b408-b2ded48fef32
- ↑ „Deilur um jörðina Lambeyrar - Vísir“. visir.is. Sótt 10 júní 2025.
- ↑ Kristinn Haukur Guðnason (22. júlí 2023). „Ásmundur Einar tjáir sig um Lambeyrardeiluna: Segist aldrei hafa verið ákærður eða yfirheyrður - Vísir“. visir.is.
