Ásmundur Einar Daðason
| Ásmundur Einar Daðason (ÁsmD) | |
| Fæðingardagur: | 29. október 1982 |
|---|---|
| Fæðingarstaður: | Reykjavík |
| 9. þingmaður Norðvesturkjördæmis | |
| Flokkur: |  Framsóknarflokkurinn
|
| Nefndir: | Umhverfis- og samgöngunefnd |
| Þingsetutímabil | |
| 2009- | í Norðvest. fyrir B. |
| ✽ = stjórnarsinni | |
| Embætti | |
| 2017- | Félags- og jafnréttismálaráðherra |
| Tenglar | |
| Æviágrip á vef Alþingis – Vefsíða | |
Ásmundur Einar Daðason (fæddur 29. október 1982) er félags- og barnamálaráðherra Íslands, alþingismaður Framsóknarflokksins í Norðvesturkjördæmi og formaður félags sauðfjárbænda í Dalasýslu.[1] Áður en Ásmundur Einar var kjörinn á þing starfaði hann sem sauðfjárbóndi á Lambeyrum í Dalasýslu og rak hann þar innflutnings- og sölufyrirtæki með vörur fyrir landbúnað til 2011.
Ásmundur er menntaður sem búfræðingur frá Landbúnaðarháskólanum á Hvanneyri 2002 og árið 2007 lauk hann B.Sc.-próf í almennum búvísindum frá Landbúnaðarháskóla Íslands.
Ásmundur Einar sat í stúdentaráði Landbúnaðarháskóla Íslands, Hvanneyri, 2001-2002, var formaður þess 2004-2005. Formaður Félags sauðfjárbænda í Dalasýslu 2005-2010 og Formaður svæðisfélags Vinstri hreyfingarinnar - græns framboðs í Dölum 2005-2007. Þá sat hann í háskólaráði Landbúnaðarháskóla Íslands 2009.[2]
Ásmundur var þann 15. nóvember 2009 kosinn formaður Heimssýn, hreyfingar sjálfstæðissinna í Evrópumálum.
Ásmundur Einar var kjörinn á þing fyrir Vinstrihreyfinguna-grænt framboð en sagði sig svo úr þingflokki þeirra þegar hann studdi vantrauststillögu á ríkisstjórnina 13. apríl 2011. Sagði Ásmundur að hann studdi ríkistjórnina ekki í mörgum málum þar á meðal Evrópumálunum.[3]
Ásmundur Einar var einn þeirra þingmanna Vinstri hreyfingarinnar sem hafði miklar efasemdir við Icesave samkomulagið og sat meðal annars í fjárlaganefnd á þeim tíma, var hann beittur miklum þrýstingi að samþykkja málið. [4]
Þann 1. júní 2011 gekk Ásmundur Einar til liðs við Framsóknarflokkinn. [5]
Ásmundur Einar var kjörin aftur á þing vorið 2013 þá fyrir Framsóknarflokkinn. Skipaði hann annað sæti lista Framsóknarmanna í Norðvesturkjördæmi.[6]
Tenglar[breyta | breyta frumkóða]
Heimildir[breyta | breyta frumkóða]
- ↑ „Sex karlar og fimm konur“, RÚV, 30. nóvember 2017.
- ↑ http://www.althingi.is/altext/cv.php4?nfaerslunr=707
- ↑ http://www.visir.is/asmundur-einar-haettur-i-thingflokki-vg/article/2011110419505
- ↑ Sigurður Már Jónsson, Icesave samningarnir - afleikur aldarinnar? Almenna Bókfélagið, Reykjavík, 2011
- ↑ http://www.visir.is/asmundur-einar-genginn-i-framsokn/article/2011110609923
- ↑ http://stjornartidindi.is/Advert.aspx?ID=160ff3e8-5045-42e3-b408-b2ded48fef32
Þetta Núverandi ráðherrar í ríkisstjórn Íslands | ||||||
|---|---|---|---|---|---|---|
