Áslaug Arna Sigurbjörnsdóttir
| Áslaug Arna Sigurbjörnsdóttir | |||||||||||||
|---|---|---|---|---|---|---|---|---|---|---|---|---|---|
 | |||||||||||||
| Háskóla–, iðnaðar– og nýsköpunarráðherra Íslands | |||||||||||||
| Í embætti 28. nóvember 2021 – 21. desember 2024 | |||||||||||||
| Forsætisráðherra | Katrín Jakobsdóttir Bjarni Benediktsson | ||||||||||||
| Forveri | Nýtt ráðuneyti | ||||||||||||
| Eftirmaður | Logi Einarsson | ||||||||||||
| Dómsmálaráðherra Íslands | |||||||||||||
| Í embætti 6. september 2019 – 28. nóvember 2021 | |||||||||||||
| Forsætisráðherra | Katrín Jakobsdóttir | ||||||||||||
| Forveri | Þórdís Kolbrún Reykfjörð Gylfadóttir | ||||||||||||
| Eftirmaður | Jón Gunnarsson | ||||||||||||
| Alþingismaður | |||||||||||||
| |||||||||||||
| Persónulegar upplýsingar | |||||||||||||
| Fædd | 30. nóvember 1990 Reykjavík | ||||||||||||
| Stjórnmálaflokkur | Sjálfstæðisflokkurinn | ||||||||||||
| Æviágrip á vef Alþingis | |||||||||||||
Áslaug Arna Sigurbjörnsdóttir (f. 30. nóvember 1990) er íslenskur lögfræðingur og fyrrum stjórnmálamaður. Hún starfar nú fyrir fyrirtækið Fenris Creations [1]
Áslaup gegndi embætti dómsmálaráðherra frá 2019 til 2021 og embætti háskóla-, iðnaðar- og nýsköpunarráðherra Íslands frá 2021 til 2024. Hún er einnig fyrrum ritari Sjálfstæðisflokksins og gegndi embætti varaformanns flokksins tímabundið eftir fráfall Ólafar Nordal frá 2017 til 2018.[2] Hún var þingmaður fyrir Reykjavíkurkjördæmi norður frá 2016 til 2021, og var fyrsti þingmaður Reykjavíkurkjördæmis suðurs frá 2021 til 2026.
Hún bauð sig fram til formanns Sjálfstæðisflokksins árið 2025, en laut naumlega í lægra haldi fyrir Guðrúnu Hafsteinsdóttur. Hún hætti þingmennsku á miðju kjörtímabili árið 2026.
Æviágrip
[breyta | breyta frumkóða]Áslaug fór fram gegn sitjandi ritara flokksins Guðlaugi Þór Þórðarsyni á landsfundi flokksins sumarið 2016. Guðlaugur dró í framhaldi framboð sitt til baka og hlaut Áslaug kosningu á fundinum. Fyrir óvæntar Alþingiskosningar 2016 tók Áslaug þátt í sameiginlegu prófkjöri Sjálfstæðisflokksins í Reykjavík 3. september, þar sem hún hafnaði í 4. sæti. Í kjölfar árangursins skipaði Áslaug Arna 2. sætið hjá Sjálfstæðisflokknum í Reykjavíkurkjördæmi norður. Hún hlaut kjör til þings og var skipuð formaður allsherjar- og menntamálanefndar Alþingis. Áslaug var yngsti þingmaður sem kjörinn var á þing í Alþingiskosningunum 2016.
Áslaug skipaði sama sæti hjá Sjálfstæðisflokknum í Alþingiskosningum 2017. Í september árið 2019 var Áslaug útnefnd nýr dómsmálaráðherra Íslands og tók hún við því embætti þann 6. september af Þórdísi Kolbrúnu Reykfjörð Gylfadóttur, sem hafði gegnt embættinu til bráðabirgða samhliða því að vera ferðamála-, iðnaðar- og nýsköpunarráðherra frá afsögn Sigríðar Andersen dómsmálaráðherra, fyrr á árinu.[3][4]
Í sameiginlegu prófkjöri Sjálfstæðisflokksins í Reykjavík 4.-5. júní 2021, óskaði Áslaug eftir oddvitasæti flokksins en laut í lægra haldi fyrir Guðlaugi Þór. Lenti Áslaug hlaut 2. sætið, en aðeins 182 atkvæði skildu þau að í prófkjöri þar sem þar sem 7493 flokksmenn tóku þátt.[5] Þau skipuðu hvort um sig oddvitasæti í sitthvoru Reykjarvíkurkjördæminu eftir uppskiptingu lista fyrir Alþingiskosningar 2021. Áslaug leiddi Reykjavíkurkjördæmi suður og fór svo að Sjálfstæðisflokkurinn bætti við sig kjördæmakjörnum þingmanni í kjördæminu. Áslaug var í kjölfarið skipuð háskóla-, iðnaðar- og nýsköpunarráðherra við myndun annarar ríkisstjórnar Katrínar Jakobsdóttur.[6] Hún hlaut athygli fyrir að gagnrýna samráðherra sinn Svandísi Svavarsdóttur í október 2023, með því að varpa mynd af henni upp á skjá.[7]
Bjarni Benediktsson, forsætisráðherra, baðst lausnar fyrir sig og ráðuneyti sitt á fundi með Höllu Tómasdóttur, forseta lýðveldisins, á fundi þann 15. október 2024. Í kjölfarið ákvað forsetinn að þing skildi rofið og boðað yrði til kosninga í lok nóvember.[8] Sökum þess hve stutt var til stefnu ákvað Sjálfstæðisflokkurinn að sömu oddvitar myndu leiða kjördæmi sín í Reykjavík, en stillt yrði annars upp á lista. Áslaug leiddi því áfram Reykjavíkurkjördæmi suður í Alþingiskosningunum 2024.
Áslaug bauð sig fram til embættis formanns Sjálfstæðisflokksins, á fjölmennum fundi í Sjálfstæðissalnum við Austurvöll, sunnudaginn 26. janúar 2025.[9] En Bjarni Benediktsson hafði gefið það út þann 6. janúar 2025 að hann myndi ekki sækjast eftir endurkjöri formanns á komandi landsfundi flokksins, né taka sæti á Alþingi í kjölfar Alþingiskosninganna 2024.[10] Áslaug laut í lægra haldi í formannskjöri gegn Guðrúnu Hafsteinsdóttur á 45. landsfundi Sjálfstæðisflokksins þann 2. mars 2025.[11]
Hún vakti athygli eftir að hafa verið sökuð um að vera undir áhrifum áfengis í miðri ræðu á Alþingi í maí 2025.[12] Eftir að hafa tapað í formannskosningunum, fór hún í eins árs leyfi frá þingstörfum til þess að sækja nám í New York-borg. Í júní 2026 eftir að hafa snúið aftur frá námi, sagði hún af sér þingmennsku með yfirlýsingu í pontu Alþingis.
Tilvísanir
[breyta | breyta frumkóða]- ↑ Áslaug Arna ráðin til Fenris Creations Rúv, sótt 7. ágúst, 2026
- ↑ „Áslaug Arna verður varaformaður Sjálfstæðisflokksins“. Kjarninn. 23. september 2017. Sótt 29 janúar 2025.
- ↑ Þór Steinarsson (5. september 2019). „Áslaug Arna næsti dómsmálaráðherra“. mbl.is. Sótt 7. september 2019.
- ↑ Birgir Þór Harðarson (5. september 2019). „Áslaug Arna verður dómsmálaráðherra“. RÚV. Sótt 7. september 2019.
- ↑ Ingvar (6 júní 2021). „Lokatölur: Guðlaugur Þór efstur“. Sjálfstæðisflokkurinn. Sótt 27 október 2021.
- ↑ „Annað ráðuneyti Katrínar Jakobsdóttur skipað“. www.stjornarradid.is. Sótt 29 nóvember 2021.
- ↑ Gunnarsson, Oddur Ævar (10 maí 2023). „Varpaði mynd af Svandísi á skjá og skaut föstum skotum - Vísir“. visir.is. Sótt 3 júní 2026.
- ↑ „Bjarni og Halla funda síðar í dag“. www.mbl.is. Sótt 29 janúar 2025.
- ↑ Sigurðsson, Grétar Þór (26 janúar 2025). „Áslaug Arna býður sig fram til formannsembættis í Sjálfstæðisflokknum - RÚV.is“. RÚV. Sótt 28 janúar 2025.
- ↑ „Bjarni hættir á þingi og fer ekki í formannskjör“. www.mbl.is. Sótt 28 janúar 2025.
- ↑ Þór, Tómas (2. mars 2025). „Guðrún Hafsteinsdóttir nýr formaður Sjálfstæðisflokksins - Sjálfstæðisflokkurinn“. Sótt 30 október 2025.
- ↑ Bjarnar, Jakob (23 maí 2025). „Fólk veltir fyrir sér hvort Áslaug Arna hafi verið slompuð í ræðustól - Vísir“. visir.is. Sótt 3 júní 2026.
| Fyrirrennari: Þórdís Kolbrún Reykfjörð Gylfadóttir |
|
Eftirmaður: Jón Gunnarsson | |||
| Fyrirrennari: Þórdís Kolbrún Reykfjörð Gylfadóttir |
|
Eftirmaður: Logi Einarsson | |||