Björt framtíð
| Björt framtíð | |
|---|---|
 | |
| Fylgi |  1,2%¹
|
| Formaður | Theodóra Sigurlaug Þorsteinsdóttir |
| Stofnár | 2012 |
| Höfuðstöðvar | Austurstræti 8–10 |
| Stjórnmálaleg hugmyndafræði |
Frjálslyndi umhverfisvernd víðsýni Evrópustefna |
| Einkennislitur | fjólublár |
| Sæti á Alþingi |  |
| Listabókstafur | A |
| Vefsíða | bjortframtid.is |
| ¹Fylgi í Alþingiskosningum 2017. | |
Björt framtíð var íslenskur stjórnmálaflokkur, stofnaður árið 2012. Að stofnun flokksins komu Guðmundur Steingrímsson, sem áður hafði verið í Samfylkingunni og Framsóknarflokknum og Heiða Kristín Helgadóttir, sem hefur komið að Besta flokknum.[1] Óttarr Proppé var kjörinn formaður Bjartrar framtíðar í september 2015.[2] Listabókstafur Bjartrar framtíðar var A.[3]
Stofnun[breyta | breyta frumkóða]
Björt framtíð bauð í fyrsta skipti fram í Alþingiskosningunum 2013 og fékk 8,2% og 6 þingmenn. Veturinn 2013 sameinaðist Besti flokkurinn Bjartri framtíð. Guðmundur Steingrímsson var formaður Bjartrar framtíðar fyrstu 3 árin, en hætti sem formaður árið 2015, meðal annars vegna slæms gengis í skoðanakönnunum.[4] Óttar Proppé var sjálfkjörinn formaður flokksins í september 2015.[2] Brynhildur S. Björnsdóttir var sömuleiðis kjörin stjórnarformaður Bjartrar framtíðar í september 2015. [5]
Ríkisstjórnarsamstarf[breyta | breyta frumkóða]
Í Alþingiskosningum 2016 hlaut Björt framtíð 7,2% atkvæða og fékk fjóra menn kjörna. Björt framtíð myndaði ríkisstjórn með Sjálfstæðisflokkinum og Viðreisn í janúar 2017.[6] Í september sama ár ákvað Björt framtíð að slíta ríkisstjórnarsamstarfinu þar sem þau töldu Bjarna Benediktsson, forsætisráðherra, hafa gerst sekan um trúnaðarbrest þegar hann upplýsti ríkisstjórnina ekki um bréf sem faðir hans hafði skrifað og varðaði uppreisn æru dæmds barnaníðings.[7] Í kjölfarið var þing rofið og kosið á ný í október 2017. Björt framtíð hlaut 1,2% greiddra atkvæða og féll af þingi. Óttarr Proppé hætti sem formaður flokksins eftir kosningarnar[8] og Björt Ólafsdóttir tók við formennsku í flokknum.[9] Theodóra Sigurlaug Þorsteinsdóttir tók síðar við formennsku en flokksstarfið lá niðri eftir kosningarnar 2017.[10] Flokkurinn bauð ekki fram neina lista í þingkosningunum 2021.
Tilvísanir[breyta | breyta frumkóða]
- ↑ http://www.visir.is/bjort-framtid-stofnud-i-dag/article/2012120209520
- ↑ 2,0 2,1 http://www.mbl.is/frettir/innlent/2015/09/05/ottarr_sjalfkjorinn_formadur/
- ↑ „Geymd eintak“. Afrit af upprunalegu geymt þann 31. október 2016. Sótt 29. október 2016.
- ↑ http://www.mbl.is/frettir/innlent/2015/08/22/haettir_sem_formadur/
- ↑ Merkið, af Bjortframtid.is
- ↑ http://www.vb.is/frettir/bjort-framtid-og-vidreisn-samthykkja/134597/?q=Björt%20framtíð
- ↑ http://www.ruv.is/frett/rikisstjornin-fallin-og-kosninga-krafist
- ↑ https://kjarninn.is/frettir/2017-10-31-ottarr-proppe-haettur-sem-formadur-bjartrar-framtidar/
- ↑ https://www.mbl.is/frettir/innlent/2017/11/25/bjort_nyr_formadur_bjartrar_framtidar/
- ↑ https://www.visir.is/g/20191955114d
Tenglar[breyta | breyta frumkóða]
- Heimasíða Bjartrar framtíðar Geymt 2016-06-24 í Wayback Machine
- Björt framtíð með formann og stjórnarformann. Fyrrverandi framsóknarmenn í stjórninni Geymt 2016-06-24 í Wayback Machine
- Björt framtíð Grein eftir Heiðu Kristínu Helgadóttur og Guðmund Steingrímsson.
,_2017_logo.svg){kind=logo}
.png){kind=logo}