Karl Gauti Hjaltason
| Karl Gauti Hjaltason | |||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|
 | |||||||||||||||||||||
| Alþingismaður | |||||||||||||||||||||
| |||||||||||||||||||||
| Persónulegar upplýsingar | |||||||||||||||||||||
| Fæddur | 31. maí 1959 Reykjavík | ||||||||||||||||||||
| Stjórnmálaflokkur | Miðflokkurinn | ||||||||||||||||||||
| Menntun | Lögfræði | ||||||||||||||||||||
| Háskóli | Háskóli Íslands | ||||||||||||||||||||
| Æviágrip á vef Alþingis | |||||||||||||||||||||
Karl Gauti Hjaltason (fæddur í Reykjavík 31. maí 1959) er íslenskur lögreglustjóri og þingmaður fyrir Miðflokkinn.
Karl er lögfræðingur að mennt. Hann hefur gegnt ýmsum störfum, verið sýslumaður í Vestmannaeyjum, Árnessýslu, Hólmavík og skólastjóri Lögregluskóla ríkisins. Hann hefur komið að ýmsu íþrótta- og félagsstarfi: Stofnaði karatefélagið Þórshamar árið 1979 og var fyrsti formaður þess, formaður Taflfélags Vestmannaeyja og fyrsti formaður Stjörnufræðifélags Vestmannaeyja og hvatamaður að stofnun þess. Hann er með svarta beltið í karate. [1] Karl var kjörinn á Alþingi fyrir Flokk fólksins í Alþingiskosningum árið 2017. Hann var einn þeirra þingmanna sem náðist upptaka af á Klausturbarnum þann 20. nóvember 2018. Í kjölfarið á Klaustursmálinu var honum vikið úr Flokki fólksins ásamt Ólafi Ísleifssyni.[2] Þeir Karl og Ólafur gengu síðar til liðs við Miðflokkinn.[3]
Karl Gauti datt út af þingi í Alþingiskosningunum 2021. Árið 2023 var hann skipaður lögreglustjóri á Vestmannaeyjum af Jóni Gunnarssyni dómsmálaráðherra. Íris Róbertsdóttir, bæjarstjóri í Vestmannaeyjum, gagnrýndi skipun hans vegna kvenfyrirlitningar sem henni og fleirum hefði verið sýnd í umræðunum á Klausturbar 2017.[4]
Karl Gauti leiddi lista Miðflokksins í Suðurkjördæmi í Alþingiskosningunum 2024 og náði kjöri á þing á ný.
Heimildir
[breyta | breyta frumkóða]- ↑ Karl Gauti HjaltasonHeimaslóð, skoðað 5. ágúst, 2019.
- ↑ „Karl og Ólafur reknir úr flokknum“. mbl.is. 30. nóvember 2018. Sótt 5. ágúst 2019.
- ↑ „Karl Gauti og Ólafur ganga í Miðflokkinn - nú stærstur í stjórnarandstöðu“. Stundin. 22. febrúar 2019. Sótt 5. ágúst 2019.
- ↑ Þórður Snær Júlíusson (29. mars 2023). „Bæjarstjóri gagnrýnir skipun Klausturmanns í starf lögreglustjóra í Vestmannaeyjum“. Heimildin. Sótt 14. desember 2024.
