Guðrún Hafsteinsdóttir
| Guðrún Hafsteinsdóttir (GHaf) | |||||||
|---|---|---|---|---|---|---|---|
 | |||||||
| Dómsmálaráðherra Íslands | |||||||
| Í embætti 19. júní 2023 – 21. desember 2024 | |||||||
| Forsætisráðherra | Katrín Jakobsdóttir Bjarni Benediktsson | ||||||
| Forveri | Jón Gunnarsson | ||||||
| Eftirmaður | Þorbjörg Sigríður Gunnlaugsdóttir | ||||||
| Formaður Sjálfstæðisflokksins | |||||||
Núverandi | |||||||
| Tók við embætti 2. mars 2025 | |||||||
| Forveri | Bjarni Benediktsson | ||||||
| Alþingismaður | |||||||
| |||||||
| Persónulegar upplýsingar | |||||||
| Fædd | 9. febrúar 1970 Selfoss | ||||||
| Stjórnmálaflokkur | Sjálfstæðisflokkurinn | ||||||
| Maki | Hans Kristján Einarsson Hagerup | ||||||
| Menntun | Mannfræði | ||||||
| Háskóli | Háskóli Íslands | ||||||
| Æviágrip á vef Alþingis | |||||||
Guðrún Hafsteinsdóttir (f. 9. febrúar 1970) er íslensk stjórnmálakona sem hefur verið formaður Sjálfstæðisflokksins frá 2025. Hún hefur setið á Alþingi frá 2021 fyrir Suðurkjördæmi. Hún var dómsmálaráðherra frá 2023 til 2024. Áður en hún fór í stjórnmál starfaði hún hjá fjölskyldufyrirtækinu, Kjörís, auk þess að gegna ýmsum trúnaðarstörfum í atvinnulífinu.
Fjölskylda
[breyta | breyta frumkóða]Foreldrar Guðrúnar eru Hafsteinn Kristinsson (1933-1993) forstjóri og stofnandi Kjöríss og Laufey Valdimarsdóttir (f. 1940). Guðrún er næstyngst fjögurra systkina, þ.á m. er Aldís Hafsteinsdóttir bæjarstjóri Hveragerðis til 16 ára og núverandi sveitarstjóri í Hrunamannahreppi. Maki Guðrúnar er Hans Kristján Einarsson Hagerup gullsmiður og eiga þau samtals sex börn.[1]
Menntun og fyrri störf
[breyta | breyta frumkóða]Guðrún lauk stúdentsprófi frá Fjölbrautaskóla Suðurlands, BA-prófi í mannfræði frá Háskóla Íslands og diplómagráðu í jafnréttisfræðum frá Háskóla Íslands. Hún hefur lengst af starfað í Kjörís, tók þar við stöðu framkvæmdastjóra 23 ára gömul þegar faðir hennar lést[2] en frá 2008-2021 var hún markaðsstjóri Kjöríss.
Guðrún var formaður Samtaka iðnaðarins frá 2014 til 2020. Hún hefur setið stjórn Samtaka atvinnulífsins, Háskólans í Reykjavík, Bláa Lónsins og Lífeyrissjóðs verzlunarmanna[1]. Hún var formaður Landsamtaka lífeyrissjóða frá árinu 2018 til 2021.
Stjórnmál
[breyta | breyta frumkóða]Gúðrún sigraði í prófkjöri Sjálfstæðisflokksins í Suðurkjördæmi árið 2021 og leiddi lista flokksins í kjördæminu í alþingiskosningunum í september 2021.[3]
Hún var kjörin formaður Sjálfstæðisflokksins á landsfundi í mars 2025. Guðrún hafði betur gegn Áslaugu Örnu Sigurbjörnsdóttur, með einungis nítján atkvæða mun.[4]
Gagnrýni
[breyta | breyta frumkóða]Guðrún ákvað í september 2024, þrátt fyrir harða gagnrýni, að framfylgja ákvörðun Útlendingastofnunar og kærunefndar útlendingamála um brottvísun Yazan Tamimis og foreldra hans.[5][6][7] Að beiðni Guðmundar Inga Guðbrandssonar, félags- og vinnumálaráðherra Íslands ákvað hún síðar að afturkalla brottvísunina.[8]
Yazan Tamimi og foreldrar hans eru nú með alþjóðlega vernd á Íslandi.[9]
Tilvísanir
[breyta | breyta frumkóða]- ↑ 1,0 1,1 Visir.is, „Guðrún Hafsteinsdóttir vill fyrsta sætið í Suðurkjördæmi“ (skoðað 30. maí 2021)
- ↑ „Framkvæmdastjóri Kjöríss hf, Guðrún Hafsteinsdóttir er ekki nema 24 ára“, Morgunblaðið, 8. maí 1994 (skoðað 30. maí 2021)
- ↑ Jónsdóttir, Hallgerður Kolbrún E. (30 maí 2021). „Guðrún hafði betur í Suðurkjördæmi - Vísir“. visir.is. Sótt 5. mars 2025.
- ↑ Iðunn Andrésdóttir (03 2025). „Guðrún Hafsteinsdóttir nýr formaður Sjálfstæðisflokksins“. Sótt 2025 03.
- ↑ Schram, Höskuldur Kári (16. september 2024). „Segir að ákvörðun um brottvísun Yazans standi þrátt fyrir frestun - RÚV.is“. RÚV. Sótt 17. september 2024.
- ↑ Jósefsdóttir, Sólrún Dögg (29 júní 2024). „Boða til samstöðufundar með Yazan - Vísir“. visir.is. Sótt 17. september 2024.
- ↑ „Stakur úrskurður“. www.stjornarradid.is. Sótt 22 október 2024.
- ↑ Árni Sæberg; Heimir Már Pétursson (17. september 2024). „„Þó að það hafi verið mér þvert um geð"“. visir.is. Sótt 21 október 2024.
- ↑ Schram, Höskuldur Kári (8 október 2024). „Yazan Tamimi kominn með vernd á Íslandi - RÚV.is“. RÚV. Sótt 26 október 2024.
| Fyrirrennari: Jón Gunnarsson |
|
Eftirmaður: Þorbjörg Sigríður Gunnlaugsdóttir | |||