Þorgerður Katrín Gunnarsdóttir

Þorgerður Katrín Gunnarsdóttir (ÞKG)
Þorgerður Katrín Gunnarsdóttir (ÞKG)
Utanríkisráðherra Íslands
	Núverandi
	Tók við embætti ; 21. desember 2024
Forsætisráðherra	Kristrún Frostadóttir
Forveri	Þórdís Kolbrún Reykfjörð Gylfadóttir
Sjávarútvegs- og landbúnaðarráðherra Íslands
	Í embætti; 11. janúar 2017 – 30. nóvember 2017
Forsætisráðherra	Bjarni Benediktsson
Forveri	Gunnar Bragi Sveinsson
Eftirmaður	Kristján Þór Júlíusson
Menntamálaráðherra Íslands
	Í embætti; 31. desember 2003 – 1. febrúar 2009
Forsætisráðherra	Davíð Oddsson; Halldór Ásgrímsson; Geir Haarde
Forveri	Tómas Ingi Olrich
Eftirmaður	Katrín Jakobsdóttir
Formaður Viðreisnar
	Núverandi
	Tók við embætti ; 11. október 2017
Forveri	Benedikt Jóhannesson
Alþingismaður
Persónulegar upplýsingar
Fædd	4. október 1965 (59 ára); Reykjavík
Stjórnmálaflokkur	Viðreisn
Maki	Kristján Arason
Börn	Gunnar Ari ; Gísli Þorgeir; Katrín Erla
Faðir	Gunnar Eyjólfsson
Menntun	Lögfræði
Háskóli	Háskóli Íslands
	Æviágrip á vef Alþingis

Þorgerður Katrín Gunnarsdóttir (f. 4. október 1965) er íslensk stjórnmálakona sem hefur verið utanríkisráðherra frá 2024 og formaður Viðreisnar frá 2017. Hún var landbúnaðar- og sjávarútvegisráðherra árið 2017 og menntamálaráðherra frá 2003 til 2009. Hún var varaformaður Sjálfstæðisflokksins frá 2005 til 2010. Hún hefur setið á Alþingi fyrir Viðreisn frá 2016 í Suðvesturkjördæmi, en þar áður sat hún á þingi frá 1999 til 2013 fyrir Sjálfstæðisflokkinn, fyrst í Reykjaneskjördæmi frá 1999 til 2003 en 2003 til 2013 í Suðvesturkjördæmi. Hún er fyrrum forstöðumaður mennta- og nýsköpunarsviðs Samtaka atvinnulífsins

Fjölskylda, menntun og fyrri störf

Þorgerður er dóttir Gunnars H. Eyjólfssonar, leikara, og Katrínar Arason deildarstjóra hjá Flugmálastjórn. Þorgerður lauk stúdentsprófi frá Menntaskólanum við Sund árið 1985. Þar var hún Ármaður skólafélagsins á lokaári sínu, önnur kvenna til að vera kjörin sem ármaður í MS. Hún lauk lögfræðinámi frá Háskóla Íslands 1993. Þorgerður starfaði sem lögmaður í eitt ár og sem yfirmaður samfélags- og dægurmáladeildar Ríkisútvarpsins 1997-1999.

Hún er gift Kristjáni Arasyni, viðskiptafræðingi og fyrrum handboltakappa og eiga þau saman þrjú börn.

Stjórnmál

Þorgerður sat á Alþingi á árunum 1999-2013, fyrst fyrir Reykjaneskjördæmi en fyrir Suðvesturkjördæmi frá 2003. Hún var menntamálaráðherra á árunum 2003-2009 og var varaformaður Sjálfstæðisflokksins á árunum 2005-2010. Árið 2016 fór hún aftur á þing fyrir Viðreisn og hefur verið endurkjörin á þing fyrir síðan. Hefur hún verið formaður flokksins frá árinu 2017. Þorgerður Katrín var starfsaldursforseti Alþingis og stýrði fundum þess að loknum alþingiskosningunum 2021, þar sem deilt var um afgreiðslu kjörbréfa að lokinni umdeildri talningu atkvæða í Norðvesturkjördæmi.

Umfjöllun í skýrslu rannsóknarnefndar Alþingis

Í 2. bindi skýrslu rannsóknarnefndar Alþingis um fall íslenska bankakerfisins, er fjallað um þá stjórnmálamenn og maka þeirra sem höfðu heildarlánastöðu sem var hærri en 100 milljónir króna. Nafn Þorgerðar Katrínar og eiginmanns hennar er þar ofarlega á blaði en heildarlán hennar og eiginmanns hennar námu nærri 1700 milljónum króna. Þorgerður Katrín sagði af sér sem varaformaður Sjálfstæðisflokksins og tók sér tímabundið hlé frá þingstörfum þann 17. apríl 2010. Hún tók aftur sæti á Alþingi þann 13. september 2010 og sat á þingi út kjörtímabilið.

Tenglar

Fyrirrennari:
Tómas Ingi Olrich

Menntamálaráðherra
(31. desember 2003 – 1. febrúar 2009)

Eftirmaður:
Katrín Jakobsdóttir

Fyrirrennari:
Geir H. Haarde

Varaformaður Sjálfstæðisflokksins
(15. október 2005 – 17. apríl 2010)

Eftirmaður:
Ólöf Nordal

Fyrirrennari:
Gunnar Bragi Sveinsson

Sjávarútvegs- og landbúnaðarráðherra
(11. janúar 2017 – 30. nóvember 2017)

Eftirmaður:
Kristján Þór Júlíusson

Fyrirrennari:
Benedikt Jóhannesson

Formaður Viðreisnar
(2017 –)

Eftirmaður:
Enn í embætti

Fyrirrennari:
Þórdís Kolbrún Reykfjörð Gylfadóttir

Utanríkisráðherra
(21. desember 2024 –)

Eftirmaður:
Enn í embætti