Kolbrún Halldórsdóttir

Úr Wikipediu, frjálsa alfræðiritinu
Stökkva á: flakk, leita
Kolbrún Halldórsdóttir (KolH)
Kolbrún Halldórsdóttir
Fæðingardagur: 31. júlí 1955 (1955-07-31) (61 árs)
Fæðingarstaður: Reykjavík
Flokkur: Merki Vinstri grænna Vinstrihreyfingin – grænt framboð
Þingsetutímabil
1999-2003 í Reykv. fyrir Vg.
2003-2007 í Reykv. n. fyrir Vg.
2007-2009 í Reykv. s. fyrir Vg.
2009 í Reykv. s fyrir Vg.
= stjórnarsinni
Embætti
2009 Umhverfisráðherra
Tenglar
Æviágrip á vef AlþingisVefsíða

Kolbrún Halldórsdóttir (fædd 31. júlí 1955) er fyrrverandi umhverfisráðherra í ríkisstjórn Jóhönnu Sigurðardóttur og var þingmaður Vinstrihreyfingarinnar - græns framboðs á árunum 1999-2009. Kolbrún náði ekki endurkjöri í kosningunum 2009. Varaþingmaður 18. október - 1. nóvember 2010.

Kolbrún fæddist og ólst upp í Reykjavík. Hún gekk í Melaskóla og Verslunarskóla Íslands og útskrifaðist þaðan með verslunarpróf 1973. Því næst nam hún leiklist við Leiklistarskóla Íslands og útskrifaðist 1978. Hún vann hjá Leikfélagi Reykjavíkur 1978-1979 og í Alþýðuleikhúsinu 1979-1983. Dagskrárgerðarmaður við Ríkisútvarpið, hljóðvarp og sjónvarp 1980-1990. Hún kom að stofnun leikfélagsins Svart og sykurlaust og var leikstjóri og leikari hjá því leikfélagi 1983-1986. Lausráðinn leikstjóri hjá Leikfélagi Akureyrar og hjá sjálfstætt starfandi atvinnuleikhópum 1980–1999, auk þess að hafa leikstýrt fjölda leiksýninga hjá skólaleikfélögum og áhugamannaleikfélögum um land allt. Framkvæmdarstjóri Bandalags íslenskra leikfélaga 1988-1993 og var samhliða því ritstjóri Leiklistarblaðsins. Fastráðinn leikstjóri við Þjóðleikhúsið 1995-1998. Kolbrún var kosin forseti Bandalags íslenskra listamanna 2010 og er forseti European Council of Artists (ECA).

Kolbrún hefur verið stjórnandi stórra menningarviðburða, m.a. Þjóðleiks á Þingvöllum á Lýðveldishátíðinni 1994 og dagskrárstjóri á Kristnihátíð á Þingvöllum 2000.

Tenglar[breyta | breyta frumkóða]


Fyrirrennari:
Þórunn Sveinbjarnardóttir
Umhverfisráðherra
(1. febrúar 200910. maí 2009)
Eftirmaður:
Svandís Svavarsdóttir


  Þetta æviágrip er stubbur. Þú getur hjálpað til með því að bæta við greinina.