Alma Möller
| Alma Möller (AMöll) | |||||||
|---|---|---|---|---|---|---|---|
 | |||||||
| Heilbrigðisráðherra Íslands | |||||||
Núverandi | |||||||
| Tók við embætti 21. desember 2024 | |||||||
| Forsætisráðherra | Kristrún Frostadóttir | ||||||
| Forveri | Willum Þór Þórsson | ||||||
| Landlæknir | |||||||
| Í embætti 1. apríl 2018 – 10. desember 2024 | |||||||
| Forveri | Birgir Jakobsson | ||||||
| Eftirmaður | Guðrún Aspelund (sett) María Heimisdóttir | ||||||
| Alþingismaður | |||||||
| |||||||
| Persónulegar upplýsingar | |||||||
| Fædd | 24. júní 1961 Siglufirði, Íslandi | ||||||
| Stjórnmálaflokkur | Samfylkingin | ||||||
| Maki | Torfi Fjalar Jónasson | ||||||
| Börn | 2 | ||||||
| Háskóli | Háskóli Íslands Lundarháskóli | ||||||
| Æviágrip á vef Alþingis | |||||||
Alma Dagbjört Möller (f. 24. júní 1961) er íslenskur svæfinga- og gjörgæslulæknir og núverandi heilbrigðisráðherra Íslands. Alma var áður landlæknir frá 2018 til 2024 og var fyrsta konan sem gegndi embættinu. Hún var kjörin á þing fyrir Samfylkinguna árið 2024 og tók í kjölfarið við embætti heilbrigðisráðherra.
Fjölskylda
[breyta | breyta frumkóða]Alma fæddist á Siglufirði og foreldrar hennar eru hjónin Jóhann Georg Möller (1918-1997) verkstjóri og bæjarfulltrúi Alþýðuflokksins á Siglufirði og Helena Sigtryggsdóttir húsmóðir (1923-2024). Alma er yngst sex systkina[1] og er gift Torfa Fjalari Jónassyni hjartalækni[2] og eiga þau tvö börn. Bróðir Ölmu er Kristján Möller fyrrverandi ráðherra.[3]
Menntun og starfsferill
[breyta | breyta frumkóða]Hún ólst upp á Siglufirði en lauk stúdentsprófi frá Menntaskólanum á Akureyri árið 1981, læknaprófi frá Háskóla Íslands árið 1988, sérfræðinámi í svæfingum og gjörgæslu við Háskólasjúkrahúsið í Lundi í Svíþjóð árið 1995 og prófi Evrópsku svæfingalæknasamtakanna árið 1996. Hún varði doktorsritgerð sína við Háskólann í Lundi árið 1999 og hefur einnig lokið meistaraprófi í stjórnun heilbrigðisþjónustu og lýðheilsu og hlotið sérfræðiviðurkenningu í heilbrigðisstjórnun.[4] Skömmu eftir að hún tók við embætti landlæknis lauk hún diplómanámi í opinberri stjórnsýslu frá Háskóla Íslands.
Alma starfaði sem sérfræðingur við Háskólasjúkrahúsið í Lundi í Svíþjóð frá 1993-2002. Árið 2002 fluttist hún til Íslands og tók við starfi yfirlæknis á gjörgæsludeildum Landspítala í Fossvogi og við Hringbraut. Frá árinu 2014-2018 var hún framkvæmdastjóri aðgerðasviðs Landspítala.[5] Þann 1. apríl 2018 tók Alma við embætti landlæknis og er fyrsta konan sem gegnir embættinu í 258 ára sögu þess.[6] Alma var einnig fyrsta konan sem starfaði sem þyrlulæknir Landhelgisgæslunnar en hún var þyrlulæknir frá 1990-1992.[7]
Alma var sæmd riddarakrossi Hinnar íslensku fálkaorðu fyrir störf í þágu heilbrigðismála þann 17. júní 2020.[8]
Frá 2020 til 2022 var Alma áberandi í fjölmiðlum og upplýsingafundum vegna Kórónaveirufaraldursins sem þá gekk yfir. Þau Alma, Víðir Reynisson og Þórólfur Guðnason hlutu viðurnefnið „þríeykið“ í fjölmiðlaumfjöllun á tíma faraldursins.[9]
Þingferill
[breyta | breyta frumkóða]Alma tilkynnti hinn 17. október 2024 að hún hygðist gefa kost á sér í alþingiskosningum sama ár fyrir Samfylkinguna.[10] Hún var kosin á þing og tók við embætti heilbrigðisráðherra í ráðuneyti Kristrúnar Frostadóttur 21. desember 2024.[11]
Tilvísanir
[breyta | breyta frumkóða]- ↑ „Minningagreinar: Jóhann Georg Möller“, Morgunblaðið, 5. júlí 1997 (skoðað 13. mars 2020)
- ↑ Mbl.is, „Landlæknir færði fálkaunganum Kríu rjúpu“ (skoðað 13. mars 2020)
- ↑ „Lítt þekkt ættartengsl - Landlæknir og ráðherra“. DV. 14. mars 2020. Sótt 25 október 2024.
- ↑ „Doktorsvörn í læknisfræði“, Morgunblaðið, 14. janúar 2000 (skoðað 31. júlí 2019)
- ↑ Siglfirðingur.is, „Alma skipuð landlæknir“ Geymt 31 júlí 2019 í Wayback Machine (skoðað 31. júlí 2019)
- ↑ Landlæknir.is, „Alma Dagbjört Möller tekin við embætti landlæknis“ Geymt 31 júlí 2019 í Wayback Machine (skoðað 31. júlí 2019)
- ↑ Mbl.is, „Notar læknagenin áfram“, (skoðað 13. mars 2020)
- ↑ Bjarni Pétur Jónsson (17. júní 2020). „Þríeykið fékk fálkaorðuna“. RÚV. Sótt 17. júní 2020.
- ↑ Andri Yrkill Valsson (14. apríl 2020). „Þríeykið fastur liður á óvissutímum - en ekki í dag“. RÚV. Sótt 19. október 2024.
- ↑ Kolbeinn Tumi Daðason (17. október 2024). „Alma Möller skellir sér í pólitíkina“. Vísir. Sótt 18. október 2024.
- ↑ Ragnar Jón Hrólfsson; Þorgerður Anna Gunnarsdóttir (21. desember 2024). „Ríkisstjórn Kristrúnar Frostadóttur er tekin við völdum“. RÚV. Sótt 21. desember 2024.