Jóhann Páll Jóhannsson
| Jóhann Páll Jóhannsson (JPJ) | |||||||||||||
|---|---|---|---|---|---|---|---|---|---|---|---|---|---|
 | |||||||||||||
| Umhverfis-, orku- og loftslagsráðherra Íslands | |||||||||||||
Núverandi | |||||||||||||
| Tók við embætti 21. desember 2024 | |||||||||||||
| Forsætisráðherra | Kristrún Frostadóttir | ||||||||||||
| Forveri | Guðlaugur Þór Þórðarson | ||||||||||||
| Alþingismaður | |||||||||||||
| |||||||||||||
| Persónulegar upplýsingar | |||||||||||||
| Fæddur | 31. maí 1992 Reykjavík | ||||||||||||
| Stjórnmálaflokkur | Samfylkingin | ||||||||||||
| Maki | Anna Bergljót Gunnarsdóttir | ||||||||||||
| Faðir | Jóhann G. Jóhannsson | ||||||||||||
| Menntun | Heimspeki, sagnfræði, stjórnmálahagfræði | ||||||||||||
| Æviágrip á vef Alþingis | |||||||||||||
Jóhann Páll Jóhannsson (f. 31. maí 1992) er íslenskur alþingismaður fyrir Samfylkinguna og Umhverfis-, orku- og loftslagsráðherra.
Hann fæddist í Reykjavík og foreldrar hans eru Jóhann G. Jóhannsson (1955) tónskáld og Bryndís Pálsdóttir (1963) fiðluleikari.
Nám og störf
[breyta | breyta frumkóða]Jóhann lauk stúdentsprófi í Menntaskólanum í Reykjavík árið 2012, lauk BA-prófi í heimspeki með lögfræði sem aukagrein í Háskóla Íslands árið 2015, 2017 lauk hann MS-prófi í sagnfræði frá Edinborgarháskóla og árið 2020 MS-prófi í evrópskri stjórnmálahagfræði frá London School of Economics and Political Science.
Hann var blaðamaður á DV á árunum 2012 til 2015 og eftir það blaðamaður hjá Stundinni frá 2015 - 2019.
Sem blaðamaður hjá DV varð Jóhann þekktur fyrir umfjöllun sína um lekamálið svokallaða árið 2014, sem stuðlaði að því að Hanna Birna Kristjánsdóttir innanríkisráðherra sagði af sér og aðstoðarmaður hennar, Gísli Freyr Valdórsson, var dæmdur í fangelsi. Jóhann hlaut blaðamannaverðlaun Íslands árið 2015 ásamt Jóni Bjarka Magnússyni fyrir umfjöllun þeirra um lekamálið.[1] Að sögn Jóhanns reyndi Hanna Birna að fá þá Jón Bjarka rekna frá DV á meðan fjallað var um málið.[2] Jóhann Páll sagði upp störfum hjá DV í janúar 2015 eftir að Björn Ingi Hrafnsson keypti meirihluta í blaðinu og réð Eggert Skúlason sem nýjan ritstjóra. Jóhann sagði öfl tengd Framsóknarflokknum hafa staðið fyrir yfirtöku Björns á DV í því skyni að þagga niður umfjöllun á borð við greinarnar um lekamálið.[3]
Hann bauð sig fram fyrir Samfylkinguna í Reykjavíkurkjördæmi norður í Alþingiskosningunum 2021 og náði kjöri.[4]
Jóhann Páll tók við embætti umhverfis-, orku- og loftslagsráðherra í ráðuneyti Kristrúnar Frostadóttur þann 21. desember 2024.[5]
Tilvísanir
[breyta | breyta frumkóða]- ↑ „Jón Bjarki og Jóhann Páll hlutu blaðamannaverðlaun ársins“. Kjarninn. 5. janúar 2015. Sótt 22. desember 2024.
- ↑ Nanna Elísa Jakobsdóttir (3. ágúst 2014). „Blaðamaður DV tjáir sig: Hvetur ráðherra til að líta sér nær við ásakanir um pólitíska leiki“. Vísir. Sótt 22. desember 2024.
- ↑ „„Sá hlær best sem á spilltustu vinina"“. mbl.is. 5. janúar 2015. Sótt 22. desember 2024.
- ↑ Alþingi, Æviágripi - Jóhann Páll Jóhannsson (skoðað 10. september 2023)
- ↑ Ragnar Jón Hrólfsson; Þorgerður Anna Gunnarsdóttir (21. desember 2024). „Ríkisstjórn Kristrúnar Frostadóttur er tekin við völdum“. RÚV. Sótt 21. desember 2024.
| Fyrirrennari: Guðlaugur Þór Þórðarson |
|
Eftirmaður: Enn í embætti | |||
Þetta æviágrip sem tengist stjórnmálum er stubbur. Þú getur hjálpað til með því að bæta við greinina.