2021

Árþúsund:	3. árþúsundið
Aldir:	20. öldin 21. öldin 22. öldin
Áratugir:	2001–2010 2011–2020 2021–2030 2031–2040 2041–2050
Ár:	2018 2019 2020 2021 2022 2023 2024

Árið 2021 (MMXXI í rómverskum tölum) er í gregoríanska tímatalinu almennt ár sem byrjar á föstudegi.

Atburðir

Janúar

Stuðningsfólk Trumps á tröppum þinghússins í Washington.

• 1. janúar - Fríverslunarsvæði á meginlandi Afríku gekk í gildi.
• 1. janúar - Kúba tók upp einn gjaldmiðil í stað tveggja áður.
• 4. janúar - Breskur dómstóll hafnaði framsalskröfu Bandaríkjanna á hendur Julian Assange.
• 4. janúar - Landamæri Sádi-Arabíu og Katar voru opnuð á ný.
• 5. janúar – Aukakosningar fóru fram um tvö sæti á öldungadeild Bandaríkjaþings í Georgíufylki. Frambjóðendur Demókrataflokksins unnu bæði sætin og skiluðu flokknum þannig naumum þingmeirihluta á öldungadeildinni.
• 6. janúar – Stuðningsmenn Donalds Trump Bandaríkjaforseta réðust á þinghúsið í Washington til að koma í veg fyrir staðfestingu á sigri Joe Biden í forsetakosningunum 2020.
• 9. janúar - Boeing 737-500-flugvél á leið til Vestur-Kalimantan hrapaði í Jövuhaf. Allir 62 um borð fórust.
• 10. janúar - Kim Jong-un var kjörinn aðalritari Kóreska verkamannaflokksins.
• 13. janúar – Guðmundur Felix Grétarsson fékk græddar hendur á sig í Frakklandi, 23 árum eftir slys.
• 14. janúar - Fulltrúadeild Bandaríkjaþings samþykkti vantraust á Donald Trump vegna árásarinnar á þinghúsið.
• 14. janúar - Danska þingið samþykkti að kalla saman landsdóm til að rétta yfir Inger Støjberg, fyrrverandi innflytjendaráðherra, fyrir brot í embætti.
• 15. janúar - Andlát vegna Covid-19 náðu 2 milljónum á heimsvísu.
• 20. janúar – Joe Biden tók við embætti forseta Bandaríkjanna. Kamala Harris tók við embætti varaforseta, fyrst kvenna.
• 22. janúar – Sáttmálinn um bann við kjarnavopnum tók gildi.
• 26. janúar - Kaja Kallas varð forsætisráðherra Eistlands.
• 31. janúar - Nguyễn Phú Trọng var kjörinn aðalritari Víetnamska kommúnistaflokksins í þriðja sinn.

Febrúar

• 1. febrúar – Herinn í Mjanmar framdi valdarán gegn ríkisstjórn Aung San Suu Kyi.
• 13. febrúar – Mario Draghi tók við embætti forsætisráðherra Ítalíu sem leiðtogi þjóðstjórnar til að taka á kórónaveirufaraldrinum.
• 13. febrúar – Öldungadeild Bandaríkjaþings sýknaði fyrrum Bandaríkjaforsetann Donald Trump af kæru til embættismissis fyrir þátt hans í árásinni á Bandaríkjaþing í janúar.

Mars

• 19. mars – Eldgos hófst við Fagradalsfjall á Reykjanesskaga

Apríl

• 25. apríl – Stúlknakór frá Húsavík kom fram í myndbandi sem spilað var við afhendingu Óskarsverðlaunanna. Stúlkurnar fluttu lagið Húsavík – My Home Town úr kvikmyndinni Eurovision Song Contest: The Story of Fire Saga ásamt sænsku söngkonunni Molly Sandén.

Maí

• 22. maí – Eldfjallið Nyiragongo í Lýðstjórnarlýðveldinu Kongó hóf eldgos. Hundruð þúsunda íbúa hafa flúið heimili sín, á fjórða tug látist og hús orðið undir hraunflæmi.
• 23. maí – Manchester City fagnaði 7. Englandstitili sínum.
• 23. maí – Ríkisstjórn Hvíta-Rússlands neyddi farþegaflugvél Ryanair á leið til Litháen til að lenda í Hvíta-Rússlandi til þess að geta handtekið stjórnarandstæðinginn Raman Pratasevitsj.
• 24. maí – Evrópusambandið bannaði Hvíta-Rússlandi að fljúga til landa sambandsins vegna handtöku Ramans Pratasevitsj.

Júní

• 12. júní – Christian Eriksen, lykilmaður í danska knattspyrnulandsliðinu, hneig niður í miðjum leik vegna hjartaáfalls
• 13. júní – Naftali Bennett tók við embætti forsætisráðherra Ísraels af Benjamin Netanyahu.
• 18. júní – Ebrahim Raisi var kjörinn forseti Írans.

Júlí

• 7. júlí – Jovenel Moïse, forseti Haítí, var myrtur á heimili sínu.

Ágúst

• 14. ágúst – Jarðskjálfti að stærð 7,2 skall á Haítí og olli að minnsta kosti 1.941 dauðsföllum.
• 15. ágúst – Stríðið í Afganistan: Talíbanar hertóku Kabúl, höfuðborg Afganistans.
• 30. ágúst – Stjórn Knattspyrnusambands Íslands sagði af sér eftir að hafa hlotið harða gagnrýni fyrir að hafa þagað um og reynt að hylma yfir ofbeldisbrot leikmanna karlalandsliðsins.

September

• 13. september – Þingkosningar fóru fram í Noregi. Vinstriblokkin með Verkamannaflokk Jonasar Gahr Støre í fararbroddi vann sigur á hægristjórn Ernu Solberg.
• 14. september – Kosið var í Kaliforníu um það hvort Gavin Newsom fylkisstjóra yrði vikið úr embætti. Rúmur meirihluti kaus að leyfa Newsom að sitja áfram.
• 20. september – Snemmbúnar þingkosningar voru haldnar í Kanada. Frjálslyndi flokkurinn undir stjórn Justins Trudeau forsætisráðherra hélt flestum sætum á kanadíska þinginu en endurheimti ekki meirihluta.
• 20. september – Rúandski stjórnarandstæðingurinn Paul Rusesabagina var dæmdur í 25 ára fangelsi fyrir hryðjuverkastarfsemi.
• 22. september – Grímseyjarkirkja brann til grunna. Kirkjan var reist árið 1867. Ekkert manntjón varð í eldsvoðanum.
• 25. september – Alþingiskosningar voru haldnar á Íslandi. Ríkisstjórn Vinstri grænna, Sjálfstæðisflokksins og Framsóknarflokksins hélt þingmeirihluta og Framsóknarflokkurinn bætti við sig fimm þingmönnum.
• 26. september – Þingkosningar voru haldnar í Þýskalandi. Jafnaðarmannaflokkurinn undir forystu Olafs Scholz vann flest sæti.

Nóvember

• 28. nóvember - Önnur ríkisstjórn Katrínar Jakobsdóttur tók við völdum. Vinstri hreyfingin grænt framboð, Sjálfstæðisflokkur og Framsóknarflokkur eiga aðild að ríkisstjórninni en flokkarnir hafa setið í stjórn frá 2017.

Dáin

• 5. janúar – Jonas Neubauer, bandarískur Tetris-spilari (f. 1981).
• 11. janúar – Stacy Title, bandarísk leikkona, leikstjóri, og framleiðandi (f. 1964).
• 13. janúar – Sigfried Fischbacher, þýsk-bandarískur töframaður (f. 1939).
• 16. janúar – Phil Spector, bandarískur upptökustjóri og útgefandi (f. 1939).
• 18. janúar – Svavar Gestsson, íslenskur stjórnmálamaður (f. 1944).
• 23. janúar – Hal Holbrook, bandarískur leikari (f. 1925).
• 24. janúar – Jóhannes Eðvaldsson, íslenskur knattspyrnumaður (f. 1950).
• 3. febrúar – Birgir Lúðvíksson, fv. formaður Knattspyrnufélagsins Fram (f. 1937).
• 14. febrúar – Carlos Menem, fyrrum forseti Argentínu (f. 1930).
• 17. febrúar – Rush Limbaugh, bandarískur útvarpsmaður (f. 1951).
• 7. mars – Lars Göran Petrov, sænskur tónlistarmaður (f. 1972).
• 17. mars – John Magufuli, forseti Tansaníu (f. 1959).
• 21. mars – Nawal El Saadawi, egypsk kvenréttindakona (f. 1931).
• 23. mars – Edmund Gettier, bandarískur heimspekingur (f. 1927).
• 7. apríl – Kai Nielsen, kanadískur heimspekingur (f. 1926).
• 9. apríl – Filippus prins, hertogi af Edinborg (f. 1921).
• 16. apríl – Guðmundur St. Steingrímsson, íslenskur djasstrommuleikari (f. 1929).
• 19. apríl – Walter Mondale, fyrrum varaforseti Bandaríkjanna (f. 1928).
• 28. apríl – Michael Collins, bandarískur geimfari (f. 1930).
• 27. maí – Poul Schlüter, fyrrum forsætisráðherra Danmerkur (f. 1929).
• 14. júní – Gunnar Ingi Birgisson, íslenskur stjórnmálamaður (f. 1947).
• 24. júní – Benigno Aquino III, fyrrum forseti Filippseyja (f. 1960).
• 26. júní – Mike Gravel, bandarískur stjórnmálamaður (f. 1930).
• 29. júní – Donald Rumsfeld, fyrrum varnarmálaráðherra Bandaríkjanna (f. 1932).
• 7. júlí – Jovenel Moïse, forseti Haítí (f. 1968).
• 9. júlí – Þórunn Egilsdóttir, íslensk stjórnmálakona (f. 1964).
• 19. ágúst – Raoul Cauvin, belgískur myndasöguhöfundur (f. 1938).
• 20. ágúst – Styrmir Gunnarsson, íslenskur ritstjóri (f. 1938).
• 24. ágúst – Charlie Watts, enskur trommari (f. 1941).
• 2. september – Mikis Þeódórakis, grískt tónskáld (f. 1925).
• 6. september – Jean-Paul Belmondo, franskur leikari (f. 1933).
• 10. september – Jorge Sampaio, fyrrum forseti Portúgals (f. 1939).
• 10. september – Jón Sigurðsson, íslenskur stjórnmálamaður (f. 1946).
• 15. september – Álfrún Gunnlaugsdóttir, íslenskur rithöfundur og bókmenntafræðingur (f. 1938).
• 16. september – Vilborg Dagbjartsdóttir, íslenskur rithöfundur (f. 1930).
• 17. september – Abdelaziz Bouteflika, fyrrum forseti Alsír (f. 1937).
• 18. október – Colin Powell, fyrrum utanríkisráðherra Bandaríkjanna (f. 1937).
• 20. október – Mihaly Csikszentmihalyi, ungverskur og bandarískur sálfræðingur (f. 1934).
• 26. október – Mort Sahl, bandarískur leikari (f. 1927).
• 11. nóvember – Frederik Willem de Klerk, fyrrum forseti Suður-Afríku (f. 1936).
• 23. nóvember – Chun Doo-hwan, fyrrum forseti Suður-Kóreu (f. 1931).

Nóbelsverðlaunin

• Bókmenntir: Abdulrazak Gurnah
• Efnafræði: Benjamin List og David MacMillan
• Eðlisfræði: Syukuro Manabe, Klaus Hasselmann og Giorgio Parisi
• Friðarverðlaun: Maria Ressa og Dimitrí Múratov
• Hagfræði: David Card, Joshua Angrist og Guido Imbens
• Lífeðlis- og læknisfræði: David Julius og Ardem Patapoutian