Óskarsverðlaunin
Jump to navigation
Jump to search
Óskarsverðlaunin (á ensku: Academy Award eða óformlega Oscar) eru veitt kvikmyndagerðarmönnum og öðrum sem starfa við kvikmyndir. Verðlaunahátíðin er yfirleitt sú best kynnta og mest áberandi á Vesturlöndum, og verðlaunin af flestum talin þau eftirsóknarverðustu. Óskarsverðlaunin eru veitt af Bandarísku kvikmyndaakademíunni (Academy of Motion Picture Arts and Sciences), samtökum fólks sem starfar við kvikmyndagerð í Bandaríkjunum og er aðild að þeim einungis veitt í heiðursskyni.
Árið 2003 voru 5.816 meðlimir í akademíunni með kosningarétt við val á Óskarsverðlaunahöfum. Óskarsverðlaunin hafa verið veitt árlega frá 1929.
Íslenskar tilnefningar til Óskarsverðlauna[breyta | breyta frumkóða]
Eftirtaldir íslenskir aðilar eða myndir hafa fengið tilnefningu Bandarísku kvikmyndaakademíunnar til Óskarsverðlauna.
- Mynd Friðriks Þórs Friðrikssonar, Börn náttúrunnar hlaut tilnefningu í flokknum „Besta erlenda myndin“ árið 1991.
- Björk Guðmundsdóttir hlaut tilnefningu í flokknum „besta lagið“ fyrir „I've seen it all“ úr mynd Lars von Triers, Myrkradansaranum árið 2000.
- Síðasti bærinn eftir Rúnar Rúnarsson og Þór S. Sigurjónsson var tilnefnd í flokknum „Besta leikna stuttmyndin“ árið 2005.
- Jóhann Jóhannsson hlaut tilnefningu í flokknum „besta frumsamda tónlist“ úr mynd James Marsh, The theory of everything árið 2015.
