Nawal El Saadawi
Nawal El Saadawi | |
|---|---|
 | |
| Fædd | 27. október 1931 |
| Dáin | 21. mars 2021 (89 ára) |
| Störf | Læknir, rithöfundur |
| Maki | Sherif Hatata (g. 1964; skilin 2010) |
| Börn | 2 |
Nawal El Saadawi (27. október 1931 – 21. mars 2021) var egypskur kvenréttindasinni, rithöfundur, aðgerðasinni, og læknir.
Æviágrip
[breyta | breyta frumkóða]Nawal El Saadawi fæddist árið 1931, næstelst af níu systkinum í smáþorpinu Kafr Tahla.[1] Fjölskylda hennar hafði bæði hefðbundin og framsækin gildi: þegar Saadawi var sex ára gömul var hún umskorin, en samt sá faðir hennar til þess að öll börnin sín fengu menntun.[1] Báðir foreldrar hennar létust á ungum aldri svo Saadawi þurfti ein að sjá fyrir fjölskyldu sinni.[1][2]
Ferill
[breyta | breyta frumkóða]Árið 1955 útskrifaðist Saadawi sem læknir frá Háskólanum í Kairó. Sem læknir í þorpinu sínu Kafr Tahla varð hún vitni af líkamlegum og andlegum kvillum margra kvenna og tengdi það við þá menningarlegu kúgun sem konur í Egyptalandi upplifðu.[3] Shaadawi flutti síðar aftur til Kaíró og starfaði þar hjá heilbrigðisráðuneyti Egyptalands.[2]
Árið 1972 var bókin hennar Konur og kynlíf gefin út. Í bókinni gerði Saadawi grein fyrir því ofbeldi sem framið var gegn konum og gegn líkömum þeirra í Egyptalandi, og ræddi meðal annars um umskurð. Vegna umdeildra skoðana sinna missti Saadawi starf sitt hjá heilbrigðistráðuneytinu.[3]
Árið 1981 átti Saadawi þátt í útgáfu kvenréttindatímarits. Eftir það sat hún í fangelsi í tvo mánuði.
Tilvísanir
[breyta | breyta frumkóða]- 1 2 3 „Nawal El Saadawi“. faculty.webster.edu. Afrit af upprunalegu geymt þann 2 júní 2017. Sótt 25. september 2015.
- 1 2 „Exile and Resistance“. Afrit af upprunalegu geymt þann 27 október 2009. Sótt 23 júní 2010.
- 1 2 Feminism in a nationalist century Geymt 19 apríl 2010 í Wayback Machine