1964

Árþúsund:	2. árþúsundið
Aldir:	19. öldin; 20. öldin ; 21. öldin;
Áratugir:	1941–1950; 1951–1960; 1961–1970; 1971–1980; 1981–1990;
Ár:	1961; 1962; 1963; 1964; 1965; 1966; 1967;

1964 (MCMLXIV í rómverskum tölum) var 64. ár 20. aldar og hlaupár sem hófst á miðvikudegi samkvæmt gregoríska tímatalinu.

Atburðir

Janúar

1. janúar - Sambandsríki Ródesíu og Nýasalands var leyst upp.
4. janúar - Páll 6. páfi heimsótti Ísrael.
5. janúar - Páll 6. páfi og patríarkinn Aþenagóras 1. af Konstantínópel hittust á fyrsta fundi kirkjuleiðtoganna frá 15. öld.
8. janúar - Lyndon B. Johnson kynnti stríðið gegn fátækt í ræðu.
9. janúar - Dagur píslarvottanna: Átök leiddu til dauða 21 Panamabúa og 4 bandarískra hermanna við Panamaskurðinn.
11. janúar - Landlæknir Bandaríkjanna, Luther Terry, lýsti því yfir að reykingar væru hættulegar heilsu manna.
12. janúar - Soldán Sansibar, Jamshid bin Abdullah, var steypt af stóli. Þúsundir íbúa af arabískum og suðurasískum uppruna voru myrtir í uppþotum í kjölfarið.
16. janúar - Borgarstjórn Kaupmannahafnar bannaði reykingar í almenningsvögnum þar sem ekki væri hægt að aðskilja reykrými.
18. janúar - Sjónvarpsþættirnir Á Saltkráku hófu göngu sína í sænska ríkissjónvarpinu.
20. janúar - Meet the Beatles, önnur breiðskífa Bítlanna, kom út í Bandaríkjunum.
22. janúar - Kenneth Kaunda varð fyrsti forsætisráðherra Norður-Ródesíu.
28. janúar - Bandarísk herþota í æfingaflugi flaug yfir Austur-Þýskaland þar sem hún var skotin niður af sovésku herliði nálægt Erfurt.
29. janúar:
- Vetrarólympíuleikarnir 1964 hófust í Innsbruck, Austurríki.
- Sovétríkin skutu tveimur gervihnöttum, Elektron I og II, á loft með einni geimflaug.
- NASA sendi geimfarið Ranger 6 til tunglsins.
30. janúar - Herforinginn Nguyễn Khánh framdi valdarán í Víetnam.

Febrúar

25. febrúar - Cassius Clay (sem breytti skömmu síðar nafninu í Muhammad Ali) vann heimsmeistaratitillinn í hnefaleikum.

Mars

4. mars - Hljómsveitin Hljómar hélt tónleika í Háskólabíói og nutu mikilla vinsælda í kjölfarið.
11. mars - Tívolí í Reykjavík var lagt niður.
13. mars - Sextíu þjóðþekktir einstaklingar sendu frá sér áskorun til íslenskra stjórnvalda um að takmarka sjónvarpsútsendingar Kanasjónvarpsins.
21. mars - Ítalía vann Eurovision.
23. mars - Fyrsta Ráðstefna Sameinuðu þjóðanna um viðskipti og þróun var haldin.
27. mars - Gríðarstór jarðskjálfti, sá næststærsti sem mældur hefur verið, varð nálægt Anchorage, Alaska. 125 létust og eyðilagðist borgin mikið.
31. mars - 1. apríl - Valdarán í Brasilíu: Herforingjastjórn steypti af stóli lýðræðislega kjörnum stjórnvöldum.

Apríl

13. apríl - Sidney Poitier varð fyrsti þeldökki leikarinn til að vinna óskarsverðlaun fyrir aðalhlutverk í kvikmynd.
15. apríl - Verslunarfélagið Íslensk Ameríska var stofnað.
25. apríl - Hjarta- og æðaverndarfélag Reykjavíkur var stofnað.
26. apríl - Tanganjika og Sansibar sameinuðust í Tansaníu.

Maí

Hljómsveitin The Moody Blues var stofnuð.
9. maí - Verkamannasamband Íslands var stofnað.
27. maí - Kólumbísku skæruliðasamtökin FARC voru stofnuð sem „Suðurblokkin“.
28. maí - Frelsissamtök Palestínu voru stofnuð.

Júní

12. júní - Nelson Mandela og 7 aðrir voru dæmdir í fangelsi í Suður-Afríku.
17. - 21. júní - Evrópukeppnin í knattspyrnu fór fram.
21. júní - Keflavíkurganga á vegum hernámsandstæðinga var gengin frá hliði herstöðvarinnar til Reykjavíkur.

Júlí

5. júlí - Byggðasafn Árnesinga var opnað.
6. júlí - Malaví hlaut sjálfstæði frá Bretlandi.
16. júlí - Filippus prins, hertogi af Edinborg heimsótti Ísland.
27. júlí - Víetnamstríðið: Bandaríkin fjölguðu í herliði sínu um 5.000 hermenn og varð fjöldi þeirra 21.000.
30. júlí - Íslensk málnefnd var stofnuð.

Ágúst

13. ágúst - Síðustu aftökurnar fóru fram í Bretlandi.
17. ágúst - Liverpool FC spilaði við KR á Íslandi og vann 5-0.
27. ágúst - Kvikmyndin Mary Poppins var frumsýnd. Hún sló metsölu.

September

4. september - Brúin yfir Firth of Forth opnaði í Skotlandi.
21. september - Malta fékk sjálfstæði frá Bretlandi.

Október

1. október - Fyrsta háhraðalest heims, Shinkansen í Japan, hóf göngu sína milli Tókíó og Ósaka.
4. október - Hraðbrautin Autostrada del Sole (A1) var vígð í Flórens af Aldo Moro forsætisráðherra.
5. október
- Yfir 50 manns tókst að flýja Austur-Berlín í gegnum göng undir Berlínarmúrinn.
- Elísabet 2. hóf opinbera heimsókn sína til Kanada.
10. október - Sumarólympíuleikarnir 1964 voru settir í Tókíó, Japan. Þetta voru fyrstu ólympíuleikarnir í Asíulandi.
12. október:
- Sovétríkin sendu mannaða geimfarið Voskhod 1 út í geim með þremur geimförum.
- Robert Moog sýndi frumgerð Moog-hljóðgervilsins.
14. október
- Leoníd Brezhnev tók við sem leiðtogi Sovétríkjanna eftir að Níkíta Khrústsjov var steypt af stóli.
- Martin Luther King jr. varð yngsti handhafi friðarverðlauna Nóbels.
15. október - Breski verkamannaflokkurinn, undir forystu Harold Wilson, vann nauman sigur á Íhaldsflokknum sem hafði verið við völd í yfir 13 ár.
17. október - Alþýðulýðveldið Kína gerði sína fyrstu kjarnorkutilraun.
22. október - Jean-Paul Sartre hlaut Nóbelsverðlaun í bókmenntum sem hann hafnaði.
24. október - Norður-Ródesía fékk sjálfstæði frá Bretlandi sem Sambía.
26. október - Fjöldamorðinginn Eric Edgar Cooke var síðarsti maðurinn sem var tekinn af lífi í Vestur-Ástralíu.
27. október - Skæruliðaforinginn Christopher Gbenye tók 60 Bandaríkjamenn og 800 Belga í gíslingu í Lýðstjórnarlýðveldinu Kongó.
29. október - Fjölda gimsteina, þar á meðal Stjörnu Indlands, var stolið frá Bandaríska náttúrugripasafninu í New York-borg.

Nóvember

3. nóvember -
- Forsetakosningar í Bandaríkjunum: Lyndon B. Johnson sitjandi forseti vann sigur.
- Herinn framdi valdarán í Bólivíu.
4. nóvember - Bjarni Benediktsson fór í opinbera heimsókn til Ísraels.
21. nóvember - Verrazano-Narrows-brúin, stærsta hengibrú heims á þeim tíma, var opnuð í New York.

Desember

Fædd

6. janúar - Ólafur Gunnar Guðlaugsson, íslenskur hönnuður.
7. janúar - Nicolas Cage, bandarískur leikari.
12. janúar - Jeff Bezos, bandarískur athafnamaður.
17. janúar - Michelle Obama, fyrrverandi forsetafrú Bandaríkjanna.
4. febrúar - Oleh Protasov, úkraínskur knattspyrnumaður.
6. febrúar - Andrej Zvjagíntsev, rússneskur kvikmyndaleikstjóri.
11. febrúar - Adrian Hasler, stjórnmálamaður frá Liechtenstein.
15. febrúar - Chris Farley, bandarískur leikari og grínisti (d. 1997).
19. febrúar - Jennifer Doudna, bandarískur lífefnafræðingur.
30. mars - Vera Zimmermann, brasilísk leikkona.
6. apríl - David Woodard, bandarískur rithöfundur, tónskáld og hljómsveitarstjóri.
6. apríl - Tim Walz, bandarískur stjórnmálamaður.
20. apríl - Crispin Glover, bandarískur leikari.
20. apríl - Andy Serkis, breskur leikari.
25. apríl - Hank Azaria, bandarískur leikari og raddleikari.
26. apríl - Björn Zoëga, íslenskur læknir.
27. apríl - Þórir Hergeirsson, íslenskur handknattleiksmaður.
1. maí - Halla Signý Kristjánsdóttir, íslensk stjórnmálakona.
19. maí - Gitanas Nausėda, litáískur stjórnmálamaður.
30. maí - Tom Morello, bandarískur gítarleikari.
15. júní - Courteney Cox, bandarísk leikkona.
18. júní - Uday Hussein, íraskur leiðtogi, sonur Saddam Hussein (d. 2003).
19. júní - Ásgrímur Sverrisson, íslenskur kvikmyndagerðarmaður.
28. júní - Sabrina Ferilli, ítölsk leikkona.
16. júlí - Miguel Induráin, spænskur hjólreiðamaður.
20. júlí - Chris Cornell, bandarískur söngvari og tónlistarmaður (d. 2017).
20. júlí - Hermundur Sigmundsson, íslenskur sálfræðingur.
22. júlí - David Spade, bandarískur leikari og grínisti.
26. júlí - Sandra Bullock, bandarísk leikkona.
31. júlí - Jean-Paul Vonderburg, sænskur knattspyrnumaður.
6. ágúst - Adam Yauch, bandarískur rappari (d. 2012).
8. ágúst - Giuseppe Conte, ítalskur lögfræðingur.
24. ágúst - Dana Gould, bandarískur leikari.
24. ágúst - Svandís Svavarsdóttir, stjórnmálamaður.
2. september - Keanu Reeves, bandarískur leikari.
13. september - Mladen Mladenović, króatískur knattspyrnumaður.
15. september - Robert Fico, slóvakískur stjórnmálamaður.
16. september - Molly Shannon, bandarísk leikkona.
3. október - Clive Owen, breskur leikari.
9. október - Guillermo del Toro, mexíkóskur leikstjóri.
20. október - Kamala Harris, bandarískur stjórnmálamaður.
4. nóvember - Bjarni Elvar Pjetursson, íslenskur tannlæknir.
10. nóvember - Magnús Scheving, íþróttamaður, leikari og framleiðandi.
14. nóvember - Patrick Warburton, bandarískur leikari.
24. nóvember - Garret Dillahunt, bandarískur leikari.
25. nóvember - Mukhriz Mahathir, malasískur stjórnmálamaður.
29. nóvember - Don Cheadle, bandarískur leikari.
4. desember - Marisa Tomei, bandarísk leikkona.
4. desember - Sertab Erener, tyrknesk söngkona.
8. desember - Teri Hatcher, bandarísk leikkona.
18. desember - Steve Austin, bandarískur atvinnuglímukappi.
21. desember - Gísli Snær Erlingsson, íslenskur kvikmyndaleikstjóri.
23. desember - Eddie Vedder, bandarískur söngvari.

Dáin

7. janúar - Cesáreo Onzari, argentínskur knattspyrnumaður (f. 1903).
9. mars - Paul von Lettow-Vorbeck, þýskur herforingi (f. 1870).
5. apríl - Douglas MacArthur, bandarískur herforingi (f. 1880).
11. apríl - Guillermo Subiabre, síleskur knattspyrnumaður (f. 1903).
16. apríl - Sigvaldi Thordarson, íslenskur arkitekt (f. 1911).
24. apríl - Gerhard Domagk, þýskur örverufræðingur og nóbelsverðlaunahafi (f. 1895).
3. júní - Frans Eemil Sillanpää, finnskur rithöfundur og nóbelsverðlaunahafi (f. 1888).
2. ágúst - Olga Desmond, þýsk leikkona (f. 1890).
12. ágúst - Ian Fleming, breskur rithöfundur, best þekktur fyrir bækur sínar um James Bond (f. 1908).
10. september - Dóra Þórhallsdóttir, íslensk forsetafrú (f. 1893).
12. nóvember - Ólafur Friðriksson, íslenskur verkalýðsleiðtogi (f. 1886).
31. desember - Ólafur Thors, stjórnmálamaður (f. 1892).

Nóbelsverðlaunin

Eðlisfræði - Charles Hard Townes, Níkolaj Basov, Aleksandr Prokhorov
Efnafræði - Dorothy Crowfoot Hodgkin
Læknisfræði - Konrad Bloch, Feodor Lynen
Bókmenntir - Jean-Paul Sartre (afþakkaði verðlaunin)
Friðarverðlaun - Martin Luther King, Jr.