Courteney Cox

Courteney Cox
Courteney Cox árið 2009
Upplýsingar
Fædd	Courteney Bass Cox 15. júní 1964 (1964-06-15)
Helstu hlutverk
Monica Geller í Friends

Courteney Bass Cox (f. 15. júní 1964) er bandarísk leikkona. Hún er þekktust fyrir hlutverk sitt sem Monica Geller í gamanþátaröðinni Vinir (e. Friends), Gale Weathers í hryllingsmyndunum Scream og Jules Cobb í gamanþáttaröðinni Cougar Town, en hún fékk sína fyrstu Golden Globe tilnefningu fyrir hlutverkið. Cox hefur einnig leikið í þáttaröðinni Dirt sem framleidd var af Couqette Productions, framleiðslufyrirtæki í eigu hennar og þáverandi eiginmanns hennar, David Arquette.

Æska

Courteney Cox ólst upp í úthverfi Birmingham, Mountain Brook í Alabama og er dóttir viðskiptamannsins Richard Lewis Cox (28. janúar 1931 - 3. september 2001) og eiginkonu hans, Courteney (áður Bass, síðar Copeland). Hún á tvær eldri systur, Virginu og Dottie, og einnig eldri bróðir, Richard Jr. Foreldrar hennar skildu árið 1974 og móðir hennar giftist viðskiptamanninum Hunter Copeland. Eftir að hafa útskrifast úr menntaskólanum í Mountain Brooke, fór Cox í Mount Vernon háskólann í Washington, D.C., en kláraði ekki arkitektanám sitt þar og ákvað heldur að láta reyna á það að verða leikkona og fyrirsæta.

Ferill

Fyrstu árin

Árið 1984 lék Cox í tónlistarmyndbandi við lag Bruce Springsteen, „Dancing in the Dark“, þar sem hún lék konu sem var dregin upp á svið til að dansa við Springsteen. Cox varð fyrsta manneskjan til að nota orðið „blæðingar“ í bandarísku sjónvarpi árið 1985 í auglýsingaherferð fyrir Tampax-túrtappa. Á fyrstu árum sjónvarpsferils síns lék hún m.a. í skammlífu þáttaröðinni Misfit of Science (1985), en hún fór einnig með aukahlutverk (1987-89) í sjónvarpsþáttaröðinni Family Ties þar sem hún lék Lauren Miller, kærustu Alex P. Keaton (Michael J. Fox). Fyrstu kvikmyndirnar sem hún lék í eru m.a. Masters of the Universe (1987) og Cocoon: The Return (1988). Hún fór með hlutverk Jewel í myndinni Mr. Destiny árið 1990. Árið 1994, stuttu áður en hún byrjaði að leika í Friends lék Cox á móti Jim Carrey í kvikmyndinni Ace Ventura: The Pet Detective og í Seinfeld þar sem hún fór með hlutverk kærustu Jerry sem hét Meryl.

Cox árið 1995

Friends

Seinna árið 1994 var Cox beðin um að koma í áheyrnaprufu fyrir hlutverk Rachel Green í nýjum gamanþætti, Friends, en hún var ráðin í hlutverk Monicu Geller í staðinn. Í fyrstu var hún frægasti meðlimur leikaraliðs nýja þáttarins, gekk Cox til liðs við Jennifer Aniston (Rachel Green), Lisu Kudrow (Phoebe Buffay), Matt LeBlanc (Joey Tribbiani), Matthew Perry (Chandler Bing) og David Schwimmer (Ross Geller), en hlutverkið átti eftir að verða hennar frægasta og voru gerðar 10 þáttaraðir, fram til 2004. Samkvæmt Heimsmetabók Guinnes (2005) er Cox (ásamt meðleikkonum sínum) hæst launaða sjónvarpsleikkona allra tíma, en hún fékk 1 milljón dollara í laun fyrir hvern þátt, síðustu tvær þáttaraðirnar af Friends.

Milli þáttaraða fimm og sex giftist Cox leikaranum David Arquette, og breytti nafni sínu í Courteney Cox Arquette. Í gríni var eftirnafni Davids, Arquette, bætt fyrir aftan eftirnöfn allra leikaranna í þættinum "The One After Vegas". Þátturinn var einnig tileinkaður "Courteney og David, sem giftu sig" - sem var vísun í ákvörðun Monicu og Chandlers að giftast ekki í þættinum.

Kvikmyndaferill

Á meðan Cox lék í Friends lék hún einnig í stóru Hollywood kvikmyndunum Scream (1996), Scream 2 (1997) og Scream 3 (2000) þar sem hún fór með hlutverk Gale Weathers. Hún hitti eiginmann sinn, David Arquette, sem lék ástmann hennar, Dwight "Dewey" Riley" í myndinni, á meðan tökur á fyrstu Scream myndinni stóðu yfir. Bæði Cox og Arquette endurtóku hlutverk sín úr Scream þríleiknum í kvikmyndnni Scream 4 árið 2011. Myndin kom í kvikmyndahús þann 15. apríl 2011.

Aðrar myndir sem hún hefur leikið í eru m.a. The Runner, 3000 Miles to Graceland og The Shrink Is In. Seinni hluta árs 2003 framleiddu Cox og Arquette eina þáttaröð af raunveruleikaþættinum Mix It Up. Lífstílsþátturinn, sem sýndur var á We cable-stöðinni, glímdi við lágar áhorfstölur og var ekki endurnýjaður fyrir aðra þáttaröð.

Önnur vinna

Eftir hlutverk sitt í Friends, var Cox fyrsta val framleiðandans Marc Cherry við val á leikkonu í hlutverk Susan Mayer í Aðþrengdum eiginkonum. Cox var hins vegar ekki laus þar sem hún var ólétt og fékk Teri Hatcher því hlutverkið. Nokkrum árum seinna skrifaði Cox undir samning við ABC-stöðina um að leika í sinni eigin þáttaröð. Eftir Friends lék Cox í óháðu kvikmyndinni November (2005) sem fór í fá kvikmyndahús; og lék einnig á móti Tim Allen í Zoom. Hún talaði einnig inn á teiknimyndina Barnyard.

Árið 2007 lék Cox Lucy Spiller, ritstjóra slúðurblaðs, í þættinum Dirt. Cox og eiginmaður hennar, David Arquette, voru aðalframleiðendur þáttaraðarinnar. Þáttaröðin endaði eftir aðra þáttaröðina árið 2008. Í júlí 2008 tilkynnti Entertainment Weekly að Cox hefði skrifað undir þriggja þátta samning við þáttaröðina Nýgræðingar (e. Scrubs). Í þriðja þættinum sagði hún við Dr. Cox að henni fyndist Cox "fáranlegt nafn", sem var vísun í hennar eigið nafn.

Árið 2009 byrjaði Cox að leika í þáttunum Cougar Town sem sýndir eru á ABC stöðinni og fer hún með hlutverk nýlega fráskildrar fertugrar konu sem er í leit að nýjum ævintýrum. Sýningar á þriðju þáttaröðinni hófust í febrúar 2012 í Bandaríkjunum.

Einkalíf

Cox hefur átt nokkra kærasta í gegnum tíðina, þ.á m. Ian Copeland, og hún átti í löngu sambandi við leikarann Michael Keaton á árunum 1989-1995. Cox átti einnig í ástarsambandi við söngvarann Adam Duritz í hljómsveitinni Counting Crows.

Cox giftist leikaranum David Arquette þann 12. júní 1999. Þann 13. júní 2004 fæddi Cox dótturina Coco Riley Arquette. Jennifer Aniston er guðmóðir Coco. Þann 11. október 2010 var tilkynnt að Cox og Arquette væru skilin að borði og sæng, þó að þau haldi enn góðu sambandi, bæði sem vinir og vinnufélagar. Hvorugt þeirra hefur þó sótt um lögskilnað.

Hlutverk

Kvikmyndir

Ár	Kvikmynd	Hlutverk	Athugasemd
1987	Down Twisted	Tarah
	Masters of the Universe	Julia "Julie" Winston
1988	Cocoon: The Return	Sara
1990	Mr. Destiny	Jewel Jagger
1991	Blue Desert	Lisa Roberts
1992	Shaking the Tree	Kathleen
	The Opposite Sex and How To Live With Them	C "Carrie" Davenport
1994	Ace Ventura: Pet Detective	Melissa Robinson
1996	Scream	Gale Weathers
1997	Commandments	Rachel Luce
	Scream 2	Gale Weathers
1999	The Runner	Karina
	Alien Love Triangle	Alice Connor	Stuttmynd
2000	Scream 3	Gale Weathers
2001	3000 Miles to Graceland	Cybil Waingrow
	The Shrink Is In	Samantha Crumb
	Get Well Soon	Lily "Lillian"
2004	November	Sophie Jacobs
2005	The Longest Yard	Lena	Kemur ekki fram í kreditlista
2006	Barnyard: The Original Party Animals	Kýrin Daisy	Rödd
	Zoom	Marsha Holloway
	The Tripper	Cynthia	Einnig Framleiðandi
2008	The Monday Before Thanksgiving	Cece	Stuttmynd
2008	Bedtime Stories	Wendy
2011	Scream 4	Gale Weathers Riley

Sjónvarp

Ár	Titll	Hlutverk	Athugasemd
1984	As the World Turns	Bunny
1985	Code Name: Foxfire	Flugfreyja	Kemur ekki fram í kreditlista Sjónvarpsmynd NBC
1985-1986	Misfits of Science	Gloria Dinallo	16 þættir
1986	The Loveboat		1 þáttur
	Sylvian in Paradise	Lucy Apple	1 þáttur á NBC
	Murder, She Wrote	Carol Bannister	1 þáttur
1987	If It's Tuesday, It Still Must Be Belgium	Hana Wyshocki	Sjónvarpsmynd NBC
1987-1989	Family Ties	Lauren Miller	21 þættir
1988	I'll Be Home For Christmas	Nora Bundy	Sjónvarpsmynd NBC
1989	Roxanne: The Prize Pulitzer	Jacquie Kimberly	Sjónvarpsmynd
	Judith Krantz's Till We Meet Again	Marie-Frederique "Freddy" de Lancel	Lítil þáttaröð á CBS-stöðinni
1990	Curiosity Kills	Gwen	Sjónvarpsmynd NBC
1991	Morton & Hayes	Lucy "Lucielle" Prinsessa	1 þáttur
1992	Battling For Baby	Katherine	Sjónvarpsmynd CBS
	Dream On	Alisha	1 þáttur
1993	The Trouble With Larry	Gabriella Easden
1994	Seinfeld	Meryl	1 þáttur
1994-2004	Friends	Monica Geller	236 þættir
1995	Sketch Artist II: Hands that See	Emmy	Sjónvarpsmynd
	Saturday Night Live	Kynnir	1 þáttur
1999	Happily Ever After: Fairy Tales for Every Child	Emerald Salt Pork	Rödd 1 þáttur
2007-2008	Dirt	Lucille "Lucy" Spiller	20 þættir
2009	Scrubs	Taylor Maddox	3 þættir
	Web Therapy	Serena Duvall	3 þættir
2009 -	Cougar Town	Jules Cobb	Aðalhlutverk
2011	Private Pratctice	Sjúklingur	1 þáttur

Heimildir

Fyrirmynd greinarinnar var „Courteney Cox“ á ensku útgáfu Wikipedia. Sótt maí 2012.