Dóra Þórhallsdóttir

Úr Wikipediu, frjálsa alfræðiritinu
Jump to navigation Jump to search

Dóra Þórhallsdóttir (23. febrúar 189310. september 1964) var forsetafrú Íslands og eiginkona Ásgeirs Ásgeirssonar forseta Íslands.

Dóra fæddist í Reykjavík og var dóttir hjónanna Þórhalls Bjarnarsonar biskups Íslands og konu hans Valgerðar Jónsdóttur. Á meðal systkina Dóru var Tryggvi Þórhallsson forsætisráðherra. Dóra ólst upp í húsinu Laufás við Laufásveg 48 í Reykjavík.

3. október 1917 giftist Dóra, Ásgeiri Ásgeirssyni, guðfræðingi, alþingismanni, forsætisráðherra og öðrum forseta Íslands. Börn Dóru og Ásgeirs voru Þórhallur Ásgeirsson ráðuneytisstjóri, Vala Ásgeirsdóttir Thoroddsen forsætisráðherrafrú og Björg Ásgeirsdóttir sendiherrafrú.

Dóra sótti fundi ungmennafélaga á æskuárum sinum, sat í stjórn Lestrarfélags kvenna, í skólanefnd Kvennaskólans í Reykjavík og sóknarnefnd Dómkirkjunnar. Kirkjusókn var henni hugleikin sem og málefni Þjóðkirkjunnar. Dóra lagði gjarnan áherslu á að rækt yrði lögð við söngkennslu í skólum og var auk þess mikil hannyrðakona og lætur eftir sig fjölda fallegra muna.[1]

Tilvísun[breyta | breyta frumkóða]

  1. „Forsetafrúin er látin“. Tíminn. 11. september 1964.