Chris Cornell

Úr Wikipediu, frjálsa alfræðiritinu
Stökkva á: flakk, leita
Chris Cornell.

Chris Cornell (fæddur Christopher John Boyle; 20. júlí 1964 - látinn 18. maí 2017[1]) var tónlistarmaður frá Seattle, Bandaríkjunum.

Fyrstu kynni Cornells af tónlist voru Bítlarnir sem varð til þess að hann lærði á píanó. Á unglingsárum var hann einfari, kvíðinn og með víðáttufælni. Eftir að hafa hætt í skóla keypti hann trommusett og hóf að spila með hljómsveitum í Seattle. Hann kynntist Hiro Yamamoto og Kim Thayil [2] og stofnaði grugghljómsveitina Soundgarden árið 1984 sem starfaði til 1997. Hann hóf síðar sólóferil og var um tíma í hljómsveitinni Audioslave (2001-2007) en gekk aftur til liðs við Soundgarden árið 2010. Árið 1991 tók hann þátt í tónlistarverkefninu Temple of the dog sem meðlimum Pearl Jam til minningar um sameiginlegan vin, Andrew Wood.

Árið 2006 samdi Cornell lagið You Know My Name, sem kom fram í James Bond myndinni, Casino Royale.

Cornell spilaði á Íslandi árið 2007 (Laugardalshöll)[3] og í mars árið 2016 í Hörpu.

Einkalíf[breyta | breyta frumkóða]

Cornell skildi við eiginkonu sína, Susan Silver (sem var umboðsmaður Soundgarden og Alice in Chains) árið 2004 og fór um svipað leyti í meðferð vegna áfengis og vímuefna. Hann á með Susan eina dóttur. Hann kynntist nýrri konu, Vicky og eignaðist með henni 2 börn. Chris átti 5 systkini; 2 eldri bræður og 3 yngri systur. Hann vann um tíma sem kokkur.

Andlát[breyta | breyta frumkóða]

Cornell lést óvænt þann 18. maí árið 2017, aðeins nokkrum klukkustundum eftir að hafa spilað á tónleikum í Detroit.[1][4] Cornell fannst látinn á baðherbergi hótels og hafði hengt sig. [5]

Sólóplötur[breyta | breyta frumkóða]

  • Euphoria Morning (1999)
  • Carry On (2007)
  • Scream (2009)
  • Songbook (2011)
  • Higher Truth (2015)

Temple of the Dog[breyta | breyta frumkóða]

  • Temple of the Dog (1991)

Tilvísanir[breyta | breyta frumkóða]

  1. 1,0 1,1 Berman, Taylor. „Chris Cornell Police Report Details the Hours Before Singer's Death". Spin.
  2. Chris Cornell - so much more than a grunge starBBC, skoðað 19. maí, 2017
  3. Chris Cornell með hita og áritar ekki í dag Vísir. Skoðað 31 janúar , 2016.
  4. Chris Cornell látinn Rúv, skoðað 18. maí 2017.
  5. Chris Cornell: Soundgarden star dies of 'hanging by suicide' BBC. skoðað 19. maí 2017.