Gitanas Nausėda

Úr Wikipediu, frjálsa alfræðiritinu
Jump to navigation Jump to search
Gitanas Nausėda
Gitanas Nauseda (cropped).png
Forseti Litháen
Núverandi
Tók við embætti
12. júlí 2019
Persónulegar upplýsingar
Fæddur19. maí 1964 (1964-05-19) (55 ára)
Klaipėda, Lýðveldinu Litháen, Sovétríkjunum
ÞjóðerniLitháískur
StjórnmálaflokkurÓflokksbundinn
MakiDiana Nausėdienė (g. 1990)
Börn2
HáskóliHáskólinn í Vilníus
Undirskrift

Gitanas Nausėda (f. 19. maí 1964) er litháískur stjórnmálamaður og núverandi forseti Litháen.

Menntun[breyta | breyta frumkóða]

Nausėda nam við iðnaðarhagfræðideild Háskólans í Vilníus frá 1982 til 1987 og við hagfræðideild skólans frá 1987 til 1989.[1] Hann var skiptinemi við Mannheim-háskóla í Þýskalandi frá 1990 til 1992. Hann varði doktorsritgerð sína, „Tekjustefna í verðbólgu og kreppuverðbólgu“ árið 1993.[2] Hann hefur verið dósent í viðskiptadeild Háskólans í Vilníus frá árinu 2009.[3]

Starfs- og stjórnmálaferil[breyta | breyta frumkóða]

Að loknu námi vann Nausėda hjá rannsóknarstofnun fyrir hagfræði og einkavæðingu frá 1992 til 1993. Frá 1993 til 1994 vann hann fyrir litháíska Samkeppnisráðinu sem formaður markaðsdeildarinnar. Frá 1994 til 2000 vann hann hjá litháíska seðlabankanum, fyrst í deild sem vaktaði fjárfestingabanka landsins og síðar sem framkvæmdastjóri peningastefnudeildar seðlabankans. Frá 2000 til 2008 var hann hagfræðingur og fjármálaráðgjafi hjá bankanum AB Vilniaus Bankas. Frá 2008 til 2018 var hann fjármálasérfræðingur, aðalráðgjafi og aðalhagfræðingur bankastjóra SEB Bankas.[4]

Árið 2004 studdi Nausėda kosningaherferð fyrrum forsetans Valdas Adamkus.

Nausėda lýsti því yfir þann 17. september árið 2018 að hann hygðist gefa kost á sér í forsetakosningum landins næsta ár. Hann vann kosningarnar í annarri umferð þann 26. maí árið 2019.[5] Hann tók við embætti þann 12. júlí sama ár.[6]

Einkalíf[breyta | breyta frumkóða]

Árið 1990 giftist hann Diönu Nausėdienė. Hjónin eiga tvær dætur.[7] Auk litháísku talar Nausėda ensku, þýsku og rússnesku.[8]

Tilvísanir[breyta | breyta frumkóða]

  1. „Download Limit Exceeded“. citeseerx.ist.psu.edu.
  2. „LIETUVOS MOKSLO POTENCIALAS“. www.mokslas.mii.lt.
  3. „Gitanas Nausėda - Biografija“. Nauseda 2019.
  4. „Bloomberg - Are you a robot?“. www.bloomberg.com.
  5. Lithuanian opposition party names favorites for presidential election Xinhua, 18. september 2018.
  6. https://www.foreignbrief.com/daily-news/gitanas-nauseda-to-be-inaugurated-as-next-president-of-lithuania/
  7. D. Nausėdienė: Gitanas man pateikė viliojantį pasiūlymą, kurio negalėjau atsisakyti Delfi, 31. október 2015
  8. G.Nausėdos kelias į ekonomiką aplaistytas ašaromis Delfi, 24. febrúar 2010


Fyrirrennari:
Dalia Grybauskaitė
Forseti Litháen
(12. júlí 2019 – )
Eftirmaður:
Enn í embætti