Giuseppe Conte

Úr Wikipediu, frjálsa alfræðiritinu
Jump to navigation Jump to search
Giuseppe Conte
Giuseppe Conte Official.jpg
Forsætisráðherra Ítalíu
Núverandi
Tók við embætti
1. júní 2018
Persónulegar upplýsingar
Fæddur8. ágúst 1964 (1964-08-08) (54 ára)
Volturara Appula, Ítalíu
ÞjóðerniÍtalskur
StjórnmálaflokkurÓflokksbundinn
MakiValentina Fico (skilin); Olivia Paladino
Börn1
BústaðurPalazzo Chigi, Róm
HáskóliSapienza-háskólinn
StarfLögfræðiprófessor, stjórnmálamaður

Giuseppe Conte (f. 8. ágúst 1964) er ítalskur lögfræðingur og stjórnmálamaður sem er 58. og núverandi forsætisráðherra Ítalíu. Hann tók við embætti þann 1. júní 2018.[1]

Conte starfaði sem prófessor í einkarétti áður en hann hóf þátttöku í stjórnmálum. Hann var lítið þekktur þar til 21. maí 2018 en þá var stungið upp á honum sem forsætisráðherraefni samsteypustjórnar Fimmstjörnuhreyfingarinnar og Norðurbandalagsins.[2] Í fyrstu neitaði Sergio Mattarella forseti Ítalíu að staðfesta þessa ríkisstjórn þar sem hann kunni ekki við val þeirra á evruandstæðingnum Paolo Savona sem fjármálaráðherra[3] Þann 31. maí var leyst úr ágreiningnum og Giovanni Tria var gerður að fjármálaráðherra. Conte sór embættiseið sem forsætisráðherra næsta dag.[4]

Ýmsir fjölmiðlar líta á ríkisstjórn Conte sem fyrstu popúlísku ríkisstjórn í Vestur-Evrópu.[5][6][7] Conte er annar maðurinn sem hefur gerst forsætisráðherra Ítalíu án fyrri reynslu í ríkisstjórnarstörfum á eftir Silvio Berlusconi. Hann er jafnframt fyrsti forsætisráðherrann frá Suður-Ítalíu síðan Ciriaco De Mita var ráðherra árið 1989.[8][9]

Þar sem Conte er ekki hátt settur í stjórnmálaflokkunum sem mynda ríkisstjórn hans eru persónuleg völd hans sem forsætisráðherra nokkuð takmörkuð. Formenn Fimmstjörnuhreyfingarinnar og Norðurbandalagsins, Luigi Di Maio og Matteo Salvini, eru hver um sig ráðherra fjárhagsþróunar og innanríkisráðherra í ríkisstjórninni. Auk þess eru Di Maio og Salvini báðir varaforsætisráðherrar.

Tilvísanir[breyta | breyta frumkóða]

  1. "Raggiunto l'accordo per un governo M5S-Lega con Conte premier"
  2. „Novice to lead Italian populist cabinet“. 23. maí 2018. Sótt 13. júlí 2018 – gegnum bbc.com.
  3. „Italian president faces impeachment call“. 28. maí 2018. Sótt 13. júlí 2018 – gegnum www.bbc.com.
  4. „Giuramento governo: alle 16 Conte e i ministri al Quirinale“. Sótt 13. júlí 2018.
  5. "Italia primo governo populista in Europa occidentale". adnkronos.com. Sótt 13. júlí 2018.
  6. „Giuseppe Conte: Italy's next PM to form western Europe's first populist government“. Sótt 13. júlí 2018.
  7. „Opinion – The Populists Take Rome“. 24. maí 2018. Sótt 13. júlí 2018 – gegnum NYTimes.com.
  8. „Da Renzi a Conte: ecco chi sono i presidenti del Consiglio non eletti in parlamento“. 25. maí 2018. Sótt 13. júlí 2018.
  9. „Da De Mita a Conte, l'incarico torna a sud di Roma dopo trent'anni“. Sótt 13. júlí 2018.


Fyrirrennari:
Paolo Gentiloni
Forsætisráðherra Ítalíu
(1. júní 2018 – )
Eftirmaður:
Enn í embætti