Bítlarnir

Breyta tenglum
Úr Wikipediu, frjálsa alfræðiritinu
The Beatles
Bítlarnir árið 1964. Að ofan eru John Lennon, Paul McCartney og að neðan eru George Harrison, Ringo Starr
Bítlarnir árið 1964. Að ofan eru John Lennon, Paul McCartney og að neðan eru George Harrison, Ringo Starr
Upplýsingar
UppruniLiverpool, England
Ár1960 - 1970
StefnurRokk, popp
ÚtgefandiParlophone, Swan, Vee-Jay, Capitol, United Artists, Apple
Fyrri meðlimirGeorge Harrison
John Lennon
Paul McCartney
Ringo Starr
Vefsíðathebeatles.com

Bítlarnir (enska: The Beatles) voru ensk rokkhljómsveit.

Saga[breyta | breyta frumkóða]

Bítlarnir voru áhrifamikil popphljómsveit sem var stofnuð 1960. Hljómsveitin er í hópi þeirra vinsælustu sem uppi hafa verið. Meðlimir sveitarinnar koma frá Liverpool í Englandi og á rætur sínar að rekja til hljómsveitarinnar The Quarry Men, sem var stofnuð af John Lennon árið 1956. Árið 1957 gekk Paul McCartney til liðs við hana, og árið 1958 George Harrison seinna ganga Stuart Sutcliffe og Pete Best til liðs við hana. Hljómsveitin gekk undir ýmsum nöfnum næstu árin, t.d. Johnny and the Moondogs, The Silver Beetles og The Beetles þar sem þeir fengu inblásturinn frá Hljómsveit Buddy Holly, The Crickets og vorið 1960 voru hljómsveitarmeðlimir farnir að kalla sig Bítlana (The Beatles). Árið 1960 fóru þeir til Hamborgar þar sem Stuart Sutcliffe dó af heilahristingi og þeir hittu Ringo Starr sem var að spila með Rory Storm and the hurricanes en myndi síðan árið 1962 koma í staðinn fyrir Pete Best.

Merki Bítlanna.

Í upphafi voru The Quarry Men aðeins enn ein skiffle hljómsveitin í Liverpool en þroskaðist og þegar þeir slógu í gegn snemma á sjöunda áratugnum spiluðu þeir nýstárlega kraftmikla popptónlist. Fyrsta breiðskífa þeirra Please Please Me kom út árið 1963 og tónlist þeirra hélt áfram að þróast allt þar til yfir lauk 10, Apríl 1970, þegar síðasta plata þeirra kom út, Let it be, en samstarfi þeirra var þá þegar lokið og upptökurnar á plötunni voru gamlar. Margir segja að Yoko Ono, kona John Lennons hafi eitthvað að gera með það að Bítlarnir hættu.

Allt frá því að fyrsta platan kom út árið 1963 og þar til sú síðasta kom út árið 1970, samanstóð hljómsveitin af fjórum meðlimum, John Lennon, sem spilaði á gítar og söng, en spilaði líka á Munnhörpu eins og heyrist á Laginu Love Me Do, á fyrstu plötunni þeirra Please Please Me, Paul McCartney, sem spilaði á bassa og söng og einstaka sinnum spilaði á gítar, George Harrison, sem spilaði á gítar og söng stöku sinnum og spilaði einu sinni á Sítar á Norwegian Wood á 1965 plötunni Rubber Soul og svo trommaranum Ringo Starr (Richard Starkey), sem einnig söng örfá lög. Langflest lögin voru samin af frægasta lagahöfunda tvíeyki sögunnar Lennon/McCartney, eins og With a little help from my friends á plötuni Sgt Peppers lonely hearts club band 1967, Good Night á The Beatles(White Album), en hann samdi líka Octopus’s Garden á plötunni Abbey Road, sem er frægasta Bítla platan. Síðastliðin ár hafa átt sér stað miklar deilur á milli Paul McCartney og Yoko Ono (síðari eiginkona John Lennon) vegna þess að Paul hefur viljað breyta skráningu laga sem hann samdi í McCartney/Lennon.

Bítlaæðið hófst í kjölfar útgáfu fyrstu plötu þeirra í Bretlandi árið 1963, en snemma árs árið 1964 komu Bítlarnir fram í The Ed Sullivan Show í Bandaríkjunum. Bítlaæðið fór í kjölfarið eins og eldur í sinu um heiminn. Þegar Bítlarnir voru í Bandaríkjunum sagði John Lennon í Viðtali “The Beatles are bigger than Jesus” Og gerði allt brjálað. Aðdáendur þeirra myndi brenna plötur þeirra og voru með skilti sem á stóð “Go Home Beatles”. Það var orðið svo mikið að Brian Epstein, Framkvæmdarstjóri þeirra þurfti að biðja John Lennon að biðjast afsökunar.

Bítlarnir gerðu tilraunir með hugvíkkandi lyf eins og LSD á sjöunda áratugnum og gáfu út plötur sem unnar voru undir áhrifum lyfjanna. Ber þar helst að nefna „Magical Mystery Tour“ sem gerð var mynd úr og „Sgt. Peppers Lonely Hearts Club Band“. Sem var byrjunin á Psychedelic æðinu á sjöunda áratugnum.

Hljómsveitin framleiddi einnig nokkrar kvikmyndir, sú fyrsta nefndist Bítlarnir, eða A Hard Day's Night á móðurmálinu, og í kjölfarið fylgdu Help!, Magical Mystery Tour, Heimildarmyndin Let It Be og teiknimyndin Yellow Submarine, sem Bítlarnir komu nánast ekkert nálægt. Það líka verið gerðar ótal margar myndir um Bítlana sem þeir hafa ekkert að gera með eða myndir sem eru bara með tónlistinni eins og Sgt peppers lonley heart club band með ensku hljómsveitinni Bee Gees og Enska Gítarleikaranum Peter Frampton.

Útgefið efni[breyta | breyta frumkóða]

Breiðskífur[breyta | breyta frumkóða]

Smáskífur[breyta | breyta frumkóða]

  • „My Bonnie“ (1962)
  • „Love Me Do“ (1962)
  • „Please Please Me“ (1963)
  • „From Me To You“ (1963)
  • „She Love's You“ (1963)
  • „I Want To Hold Your Hand“ (1963)
  • „The Beatles Christmas Record“ (1963)
  • „Sweet Georgia Brown“ (1964)
  • „Cry For A Shadow“ (1964)
  • „Can't Buy Me Love“ (1964)
  • „Ain't She Sweet“ (1964)
  • „A Hard Day's Night“ (1964)
  • „I Feel Fine“ (1964)
  • „If I Fell“ (1964)
  • „Another Beatles Christmas Record“ (1964)
  • „Ticket To Ride“ (1965)
  • „Help !“ (1965)
  • „Day Tripper“ (1965)
  • „The Beatles Third Christmas Record“ (1965)
  • „Paperback Writer“ (1966)
  • „Eleanor Rigby“ (1966)
  • „Pantomime: Everywhere It's Christmas“ (1966)
  • „Strawberry Fields Forever“ (1967)
  • „All You Need Is Love“ (1967)
  • „Hello, Goodbye“ (1967)
  • „Christmas Time (Is Here Again)“ (1967)
  • „Lady Madonna“ (1968)
  • „Hey Jude“ (1968)
  • „The Beatles Sixth Christmas Record“ (1968)
  • „Get Back“ (1969)
  • „Ballad Of John And Yoko“ (1969)
  • „Something“ (1969)
  • „The Beatles Seventh Christmas Record“ (1969)
  • „Let It Be“ (1970)

Tenglar[breyta | breyta frumkóða]

Sótt frá „https://is.wikipedia.org/w/index.php?title=Bítlarnir&oldid=1797532“