Anchorage

Anchorage
Borg og sveitarfélag
Anchorage á maíkvöldi. Chugach fjöll í baksýn.
Anchorage Staðsetning í Alaska
Hnit: 61°13′0″N 149°53′37″V
Land	Bandaríkin
Fylki	Alaska
Sveitarfélag	Anchorage
Mannfjöldi  (2020)
• Samtals	291.247
Tímabelti	UTC−09:00 (AKST)
• Sumartími	UTC−08:00 (AKDT)
Vefsíða	www.muni.org

Mynd af Anchorage úr geimnum

Árið 1964 varð gríðarmikill jarðskjálfti nálægt Anchorage.

Anchorage (eða Dgheyaytnu á athabaskísku; máli frumbyggja) er stærsta borg Alaskafylkis Bandaríkjanna með um 290.000 íbúa (2020) og er hluti af samnefndu sveitarfélagi. Hún er staðsett á láglendi í miðju Suður-Alaska fyrir botni Cook Inlet-flóa. Um 40% íbúa fylkisins búa í borginni. Um 400.000 manns búa á stórborgarsvæði Anchorage.

Árið 1964 skók jarðskjálfti upp á 9,2 stig borgina en upptökin voru suður af borginni. Uppbygging var mikil á áttunda áratugnum þegar þangað flykktust olíuleitar- og verktakafyrirtæki og íbúatalan þrefaldaðist á 10 árum. Hugmyndir hafa verið uppi að gera borgina að höfuðstað fylkisins en Juneau í Suðaustur-Alaska hefur verið höfuðstaðurinn síðan árið 1906. Lestarsamgöngur eru norður og suður frá Anchorage; norður að borginni Fairbanks sem er í miðhluta fylkisins og suður að Seward á Kenaiskaga.

Ted Stevens alþjóðaflugvöllurinn er í suðvesturhluta borgarinnar. Villt dýr eins og birnir og elgir koma reglulega inn fyrir borgina.

Tenglar

• Opinber vefsíða