Borgarstjórn Reykjavíkur

Borgarstjórn Reykjavíkur er lýðræðislegur vettvangur kjörinna fulltrúa íbúa Reykjavíkurborgar. Borgarstjórn ber ábyrgð því að framfylgja þeim málefnum sem ríkið hefur falið sveitarstjórnum.

Borgarstjórn skipar borgarstjóra og skipar í nefndir á sínum vegum sem sjá um daglegan rekstur borgarinnar. Fulltrúar í borgarstjórn kallast borgarfulltrúar og eru 23 talsins. Kosið er til borgarstjórnar í almennum kosningum á fjögurra ára fresti, þannig ekki er hægt að kjósa aftur áður en kjörtímabil er liðið líkt og með Alþingi. Reglulegir fundir borgarstjórnar fara fram á fyrsta og þriðja þriðjudegi hvers mánaðar.^[1]

Völd borgarstjórnar

Samkvæmt 8. grein sveitarstjórnarlaga fer borgarstjórn með stjórn Reykjavíkurborgar samkvæmt ákvæðum þeirra og annarra laga. Stjórnin hefur ákvörðunarvald um nýtingu tekjustofna borgarinnar og sér um framkvæmd þeirra verkefna sem sveitarfélagið annast. Höfuðmaður borgarstjórnar og framkvæmdastjóri Reykjavíkurborgar er borgarstjóri sem skipaður er af stjórninni.^[2]

Núverandi

Ellefu framboðslistar voru í kjöri í borgarstjórnarkosningum 14. maí 2022. Þeir voru: B-listi Framsóknarflokks, C-listi Viðreisnar, D-listi Sjálfstæðisflokks, E-listi Reykjavík - besta borgin, F-listi Flokks fólksins, J-listi Sósíalistaflokks Íslands, M-listi Miðflokksins, P-listi Pírata, S-listi Samfylkingarinnar, V-listi Vinstrihreyfingarinnar græns framboðs og Y-listi Ábyrgrar framtíðar.

Sjálfstæðisflokkur hlaut 6 borgarfulltrúa, Samfylking 5, Framsóknarflokkur 4, Píratar 3, Sósíalistaflokkur Íslands 2, Viðreisn 1, Flokkur fólksins 1 og Vinstrihreyfingin grænt framboð 1. Næsti maður inn væri fimmti fulltrúi Framsóknarflokks á kostnað Sósíalistaflokkur Íslands, en munaði 319 atkvæðum þar á. Vantaði Miðflokknum 843 atkvæði til að ná manni inn^[3]. Önnur framboð fengu innan við 1% atkvæða. Fyrsti fundur nýrrar borgarstórnar var haldinn 7. júní 2022.

Þann 6. júní 2022 var kynntur nýr meirihluti Samfylkingar, Framsóknar, Pírata og Viðreisnar sem samtals hlutu 13 borgarfulltrúa. Samfylking, Píratar og Viðreisn, leyfar af gamla meirihlutanum, höfðu myndað með sér bandalag um að ganga saman til meirihlutaviðræðna en Samfylking, Framsókn og Píratar hefðu getað myndað 12 fulltrúa meirihluta. Vinstri græn höfðu gefið út að þau myndu ekki ganga í samstarf með gamla meirihlutanum.^[4] Í nýjum meirihlutasáttmála var meðal annars lögð áhersla á húsnæðisátak í Úlfarsárdal, á Kjalarnesi, á Hlíðarenda, í Gufunesi og á Ártúnshöfða, viðhaldsátak í leik- grunn- og frístundahúsnæði, að hefða gerð umhverfismats vegna Sundabrautar, að stofna framkvæmdarnefnd um þjóðarhöll, að hækka frístundastyrk, endurvekja næturstrætó og framkvæmdir við Hlemmtorg^[5].

Flokkur	Listi	Atkvæði	%	Fulltrúar
Sjálfstæðisflokkurinn	D	14.686	24,5	6
Samfylkingin	S	12.164	20,29	5
Framsóknarflokkurinn	B	11.227	18,73	4
Píratar	P	6.970	11,63	3
Sósíalistaflokkur Íslands	J	4.618	7,7	2
Viðreisn	C	3.111	5,19	1
Flokkur fólksins	F	2.701	4,51	1
Vinstrihreyfingin - grænt framboð	V	2.396	4	1
Miðflokkurinn	M	1.467	2,45	0
Aðrir framboðslistar		609	1,01	0


Nr.	Kjörnir borgarfulltrúar	Flokkur	Atkv.
1	Hildur Björnsdóttir	D	14.686
2	Dagur B. Eggertsson	S	12.164
3	Einar Þorsteinsson	B	11.227
4	Ragnhildur Alda M. Vilhjálmsdóttir	D	7.343
5	Dóra Björt Guðjónsdóttir	P	6.970
6	Heiða Björg Hilmisdóttir	S	6.082
7	Árelía Eydís Guðmundsdóttir	B	5.614
8	Kjartan Magnússon	D	4.895
9	Sanna Magdalena Mörtudóttir	J	4.618
10	Skúli Þór Helgason	S	4.055
11	Magnea Gná Jóhannsdóttir	B	4.055
12	Marta Guðjónsdóttir	D	3.672
13	Alexandra Briem	P	3.485
14	Þórdís Lóa Þórhallsdóttir	C	3.111
15	Sabine Leskopf	S	3.041
16	Björn Gíslason	D	2.937
17	Aðalsteinn Haukur Sverrisson	B	2.807
18	Kolbrún Baldursdóttir	F	2.701
19	Friðjón R. Friðjónsson	D	2.448
20	Hjálmar Sveinsson	S	2.433
21	Líf Magneudóttir	V	2.396
22	Magnús Davíð Norðdahl	P	2.323
23	Trausti Breiðfjörð Magnússon	J	2.309

Fyrrverandi meirihlutar

Á árunum 1930-2018 voru borgarfulltrúar 15 og því þurfti 8 eða fleiri til að mynda meirihluta:

	1	2	3	4	5	6	7	8	9	10	11	12	13	14	15
1930-1934	Sjálfstæðisflokkurinn Meirihluti								Alþýðuflokkurinn					Framsókn
1934-1938														Kommúnistaflokkurinn	Framsókn
1938-1942	Sjálfstæðisflokkurinn Meirihluti									Alþýðuflokkurinn og Kommúnistaflokkurinn
1942-1946	Sjálfstæðisflokkurinn Meirihluti								Alþýðuflokkurinn			Sósíalistaflokkurinn
1946-1950									Alþýðuflokkurinn	Framsókn
1950-1954									Alþýðuflokkurinn		Framsókn
1954-1958											Sósíalistaflokkurinn			Framsókn	Þjóðvarnarflokkurinn
1958-1962	Sjálfstæðisflokkurinn Meirihluti														Alþýðuflokkurinn
1962-1966	Sjálfstæðisflokkurinn Meirihluti									Alþýðuflokkurinn	Alþýðubandalagið			Framsókn
1966-1970	Sjálfstæðisflokkurinn Meirihluti								Alþýðuflokkurinn
1970-1974									Alþýðuflokkurinn	Alþýðubandalagið			Framsókn
1974-1978	Sjálfstæðisflokkurinn Meirihluti									Alþýðuflokkurinn	Alþýðubandalagið			Framsókn
1978-1982	Sjálfstæðisflokkurinn							Alþýðuflokkurinn Meirihluti		Alþýðubandalagið Meirihluti					Framsókn Meirihluti
1986-1990	Sjálfstæðisflokkurinn Meirihluti									Alþýðubandalagið			Alþýðuflokkurinn	Framsókn	Kvennalistinn
1990-1994	Sjálfstæðisflokkurinn Meirihluti										Alþýðubandalagið	Alþýðuflokkurinn
1994-1998	Sjálfstæðisflokkurinn							Reykjavíkurlistinn Meirihluti
1998-2002
2002-2006	Sjálfstæðisflokkurinn						Frjálslyndir
2006-2010	Sjálfstæðisflokkurinn Meirihluti 11. júní 2006 - 16. október 2007 Meirihluti 24. janúar 2008 - 21. ágúst 2008 Meirihluti 21. ágúst 2008 - 29. maí 2010							Frjálslyndir Meirihluti 16. október 2007 - 24. janúar 2008 Meirihluti 24. janúar 2008 - 21. ágúst 2008	Samfylking Meirihluti 16. október 2007 - 24. janúar 2008				Vinstrigrænir Meirihluti 16. október 2007- 24. janúar 2008		Framsókn Meirihluti 11. júní 2006 - 16. október 2007 Meirihluti 16. október 2007 - 24. janúar 2008 Meirihluti 21. ágúst 2008 - 29. maí 2010
2010-2014	Sjálfstæðisflokkurinn					Samfylking Meirihluti			Besti flokkurinn Meirihluti						Vinstrigrænir
2014-2018	Sjálfstæðisflokkurinn				Samfylking Meirihluti					Björt framtíð Meirihluti		Píratar Meirihluti	Vinstrigrænir Meirihluti	Framsókn

Frá árinu 2018 hafa borgarfulltrúar verið 23 talsins og því þarf 12 eða fleiri til að mynda meirihluta:

	1	2	3	4	5	6	7	8	9	10	11	12	13	14	15	16	17	18	19	20	21	22	23
2018-2022	Sjálfstæðisflokkurinn								Samfylking Meirihluti							Viðreisn Meirihluti		Píratar Meirihluti		Sósíalistaflokkur Íslands	Miðflokkurinn	Vinstrigrænir Meirihluti	Flokkur fólksins

Sviptingar í borgarstjórn á kjörtímabilinu 2006 - 2010

Frá 11. júní 2006 til 16. október 2007 mynduðu Sjálfstæðisflokkurinn og Framsóknarflokkurinn meirihluta og Vilhjálmur Þ. Vilhjálmsson var borgarstjóri. Upp úr því samstarfi slitnaði haustið 2007 vegna deilna um sameiningu Reykjavík Energy Invest og Geysis Green Energy. Frá 16. október 2007 til 24. janúar 2008 mynduðu allir flokkar nema Sjálfstæðisflokkur meirihluta með Dag B. Eggertsson sem borgarstjóra. Upp úr því samstarfi slitnaði hinn 24. janúar 2008 þegar Ólafur F. Magnússon myndaði meirihluta með sjálfstæðismönnum og settist sjálfur í stól borgarstjóra, en honum hafði fundist hlutur sinn í fyrra samstarfi heldur rýr. Ýmsir örðugleikar gerðu þó einnig vart við sig í því samstarfi og skoðanakannanir gáfu til kynna að nýi meirihlutinn missti sífellt fylgi. Síðsumars slitu sjálfstæðismenn svo samstarfinu og mynduðu nýjan meirihluta með framsóknarmanninum Óskari Bergssyni hinn 21. ágúst 2008, en þá varð Hanna Birna Kristjánsdóttir borgarstjóri, sá fjórði á kjörtímabilinu.

Tilvísanir

↑ Fundir borgarstjórnar
↑ Völd borgarstjórnar
↑ „Reykjavík 2022“. kosningasaga. 24. janúar 2022. Sótt 20. september 2022.
↑ „VG ætlar ekki í samstarf með fráfarandi meirihluta í borginni“. DV. 15. maí 2022. Sótt 20. september 2022.
↑ Meirihluti Rvk (2022). „Meirihlutasáttmáli Reykjavík 2022“ (PDF). Sótt 09 2022.

[1] Fundir borgarstjórnar

[2] Völd borgarstjórnar

[3] „Reykjavík 2022“. kosningasaga. 24. janúar 2022. Sótt 20. september 2022.

[4] „VG ætlar ekki í samstarf með fráfarandi meirihluta í borginni“. DV. 15. maí 2022. Sótt 20. september 2022.

[5] Meirihluti Rvk (2022). „Meirihlutasáttmáli Reykjavík 2022“ (PDF). Sótt 09 2022.

[1]

[2]

[3]

[4]

[5]

s r b Reykjavík
Hverfi	Árbær Breiðholt Grafarholt og Úlfarsárdalur Grafarvogur Háaleiti og Bústaðir Hlíðar Kjalarnes Laugardalur Miðborg Vatnsmýri Vesturbær
Stjórnsýsla	Borgarstjórn Reykjavíkur Borgarstjóri Reykjavíkur Borgarráð Reykjavíkur Menningar- og íþróttasvið Reykjavíkur Ráðhús Reykjavíkur
Grunnskólar	Austurbæjarskóli Árbæjarskóli Ártúnsskóli Breiðagerðisskóli Breiðholtsskóli Brúarskóli Dalskóli Fellaskóli Foldaskóli Fossvogsskóli Grandaskóli Hagaskóli Hamraskóli Háaleitisskóli Háteigsskóli Hlíðaskóli Hólabrekkuskóli Húsaskóli Ingunnarskóli Kelduskóli Klettaskóli Klébergsskóli Langholtsskóli Laugalækjarskóli Laugarnesskóli Melaskóli Norðlingaskóli Réttarholtsskóli Rimaskóli Selásskóli Seljaskóli Sæmundarskóli Vesturbæjarskóli Vogaskóli Vættaskóli Ölduselsskóli
Samgöngur	Strætó bs. BSÍ Reykjavíkurflugvöllur Reykjavíkurhöfn Sundahöfn Borgarlína Léttlestakerfi höfuðborgarsvæðisins Fluglestin
Samtök	Samtök sveitarfélaga á höfuðborgarsvæðinu Orkuveita Reykjavíkur SORPA Strætó bs. Faxaflóahafnir Spölur
Sundlaugar	Árbæjarlaug Breiðholtslaug Dalslaug Grafarvogslaug Klébergslaug Laugardalslaug Sundhöll Reykjavíkur Vesturbæjarlaug Ylströndin í Nauthólsvík
Menning	Borgarbókasafn Reykjavíkur Borgarleikhúsið Borgarskjalasafn Reykjavíkur Borgarsögusafn Listasafn Reykjavíkur Tjarnarbíó
Útivist og afþreying	Bláfjöll Esja Fjölskyldu- og húsdýragarðurinn Grasagarður Reykjavíkur Heiðmörk Hljómskálagarðurinn Hólmsheiði Klambratún Laugardalur Nauthólsvík Tjörnin Úlfarsfell Öskjuhlíð
Eyjar	Akurey Engey Geldinganes Lundey Viðey Þerney Örfirisey
Ár og vötn	Elliðaár Elliðavatn Fossvogslækur Hafravatn Langavatn Rauðavatn Reynisvatn Tjörnin Úlfarsá
Vinabæir	Seattle Vilníus Winnipeg Wrocław
Flokkur