Þerney
Þerney er eyja á Kollafirði. Þerney er nefnd eftir kríunni, sem fyrrum var nefnd þerna.
Þerney er notuð sem sumarleyfisstaður fyrir dýr sem Fjölskyldu- og húsdýragarðurinn hefur á sínum vegum. Þangað fara þau í tveimur hópum, fyrri helmingurinn um miðjan júlí og seinni helmingurinn miðjan ágúst. Reynt er að miða við að dýrin fái jafn langt frí og starfsfólk í garðinum eða um mánuð.
Í Þerney var kirkja á 13. öld. Á 18. öld var leiguliði bóndans verðlaunaður með konungsúrskurði fyrir garðhleðslu í eyjunni. Danskar kýr sem komu til Íslands 4. júlí 1933 voru fluttar til Þerneyjar í einangrun og einnig voru fluttar þangað karakúlkindur þann 10. júlí sama ár. Skömmu seinna fór að koma fram hringskyrfi á nautgripunum og breiddist sýkin út í nautgripi bóndans þar og sýktist fólk líka. Öllu búfénu var slátrað nema einum kálfi.
Þerney er ásamt Lundey, Akurey og Engey á Náttúruminjaskrá.
Tenglar[breyta | breyta frumkóða]
- Þerney Nat.is
- Þrír menn drukkna við Þerney; frétt í Morgunblaðinu 1931
- Karakúl kindur og enskir nautgripir; frétt í Morgunblaðinu 1933
- Álfsnes - Glóra - Niðurkot - Urðarkot - Háheiði - Víðines - Þerney
Heimildir[breyta | breyta frumkóða]
- www.mu.is
Þessi landafræðigrein sem tengist Íslandi er stubbur. Þú getur hjálpað til með því að bæta við greinina.