Ártúnsskóli

Úr Wikipediu, frjálsa alfræðiritinu
Jump to navigation Jump to search

Ártúnsskóli er íslenskur skóli sem var stofnaður árið 1987. Ellert Borgar Þorvaldsson var ráðinn skólastjóri og hann stjórnaði skólanum með sóma þar til hann ákvað að hætta 20. desember 2006. Rannveig Andrésdóttir tók við af honum en hún var áður aðstoðarskólastjóri. Árgangarnir eru sjö talsins og flestir nemarnir fara í Árbæjarskóla þegar þeir ljúka skólanum. Það er alltaf eitthvað lífsleikniþema í gangi og þá læra nemendur betur um það. Þemu sem hafa verið eru t.d. Frelsi, Fjölmenning og Hreysti. Í lok Hreystiþemans var sett upp íþróttabraut í íþróttasalnum. Skólinn hefur alltaf verið á móti einelti og gerir hvað sem er til að koma í veg fyrir það. Árið 2006 fékk skólinn íslensku menntaverðlaunin eða Forsetaverðlaunin eins og þau hafa verið kölluð. Starfsmenn skólans eru 34 talsins. Skipulagðir eru svokallaðir vinabekkir, þar sem eldri og yngri bekkir vinna saman verkefni og mynda vináttutengsl. Stofurnar hafa allar nöfn á bæjum í Árbæjarsafni sem er í nágreninnu.

FUÁ[breyta | breyta frumkóða]

FUÁ eða Félag Ungmenna í Ártúnsskóla var stofnað 29. apríl 2005. 5, 6 og 7 bekkur eru í stjórninni en allir aðrir bekkir hafa fulltrúa í FUÁ. Í hverjum bekk er kosið hver verður fulltrúi bekkjar síns. Félag Ungmenna í Ártúnsskóla hefur verið starfandi síðan árið 2005 og máttu þá nemendur bjóða sig fram til að verða kosnir og allir nemendur höfðu kosningarétt. Sumir nemendur kvörtuðu að aðeins vinsælustu krakkarnir fengu atkvæði nemenda og þess vegna fengu þeir aldrei aðgang að félaginu. Sumir kennarar vildu að ekki væri hægt að kjósa nemendur aftur eftir að hafa starfað í stjórninni en tillagan var aldrei samþykkt af skólastjóranum.

Tilgangur félagsins[breyta | breyta frumkóða]

Tilgangur félagsins er að:

  • Móta dagskrá félagsstarfs nemenda í samráði við námsráðgjafa og skólastjórnendur,
  • styrkja félagsfærni nemenda,
  • bæta umhverfi skólans, jafnt utan sem innan,
  • efla íþróttir og holla hreyfingu nemenda,
  • halda úti heimasíðu með upplýsingum fyrir nemendur, fréttum af starfsemi félagsins og góðum tenglum.

Sönghópur[breyta | breyta frumkóða]

Í Sönghópi Ártúnsskóla eru nemendur úr 5., 6 og 7. bekk sem hafa gaman af söng. Hópurinn æfir sig í íþróttasal skólans í hádegisfrímínútum á þriðjudögum. Ellert er með þennan hóp en þegar hann hætti sem skólastjóri hélt hann áfram með sönghópinn. Sönghópurinn gleður gamalt fólk með bæði fallegum rómantískum lögum og líka skemmtilegum lögum. Alltaf endar hann á skólasöngnum. Sönghópurinn syngur inná geisladisk á hverju skólaári. Ellert hætti störfum á miðju skólaári en hélt áfram að stjórna sönghópnum til vors. Eftir það lagðist sönghópurinn niður.

Samverur[breyta | breyta frumkóða]

Samverur hafa verið hefð í skólanum frá upphafi. Hvern einasta föstudag koma bekkir saman og syngja eða horfa á leikrit sem einhver bekkur hefur samið. Bókasafnskennararnir hafa tvær þrautir hverja viku og dregið er úr réttum svörum á samverunum. Þegar bekkur sýnir leikrit koma foreldrar alltaf og horfa á börnin sín leika í sprenghlægilegum og fróðlegum atriðum. Fyrrverandi skólastjóri, Ellert Borgar, endaði allar samverur með því að hlusta á það sem að hann kallaði "fallegasta tónverk heimsins", þögnina.

Tenglar[breyta | breyta frumkóða]

Vefsíða Skólans