Kjartan Magnússon

Úr Wikipediu, frjálsa alfræðiritinu
Stökkva á: flakk, leita

Kjartan Magnússon (fæddur 5. desember 1967) er íslenskur stjórnmálamaður og borgarfulltrúi fyrir Sjálfstæðisflokkinn í Reykjavík. Hann hefur setið í Borgarstjórn Reykjavíkur sem vara- og aðalmaður frá 1994. Kjartan situr í Borgarráði, í Skóla- og frístundaráði, og Íþrótta- og tómstundaráði á vettvangi Reykjavíkurborgar og fyrir hennar hönd í stjórn Orkuveitu Reykjavíkur.

Kjartan er stúdent frá Menntaskólanum í Reykjavík og las sagnfræði við Háskóla Íslands. Hann starfaði sem blaðamaður á Morgunblaðinu frá 1991-1999 og sinnti lengst af viðskiptafréttum. Hann er annar stofnenda sprotafyrirtækisins Intelscan örbylgjutækni. Kjartan er í sambúð með Guðbjörgu Sigurgeirsdóttur og eiga þau þrjú börn.

Stjórnmálaþátttaka[breyta | breyta frumkóða]

Kjartan hóf stjórnmálaferil sinn í Heimdalli, félagi ungra sjálfstæðismanna í Reykjavík. Hann var kjörinn formaður félagsins 1991 og 1992. Hann tók sæti á lista Sjálfstæðisflokksins fyrir borgarstjórnarkosningar 1994 og náði kjöri sem varaborgarfulltrúi. Í kosningunum 1998 var hann enn kjörinn varaborgarfulltrúi en eftir að Árni Sigfússon hvarf úr borgarstjórn árið 1999 varð Kjartan aðalfulltrúi. Hann var var í 6. sætinu í borgarstjórnarkosningum 2002, í 4. sæti í kosningunum 2006. Í prófkjörinu í janúar 2010 hlaut hann 3. sæti og aftur fyrir borgarstjórnarkosningarnar 2014, en situr nú í 2. sæti í borgarstjórnarflokki Sjálfstæðisflokksins.

Haustið 2007 slitnaði upp úr samstarfi Sjálfstæðisflokks og Framsóknarflokks vegna ágreinings um REI-málið. Kjartan var í hópi þeirra sex borgarfulltrúa Sjálfstæðisflokks sem ekki vildi fylgja Vihjálmi Þ. Vilhjálmssyni að málum varðandi samruna Reykjavík Energy Invest og Geysis Green Energy.

Tenglar[breyta | breyta frumkóða]

Einkennismerki Wikitilvitnunar
Wikivitnun er með safn tilvitnana á síðunni
  Þetta æviágrip er stubbur. Þú getur hjálpað til með því að bæta við greinina.