Trausti Breiðfjörð Magnússon
Trausti Breiðfjörð Magnússon | |
|---|---|
 | |
| Fæddur | 1. apríl 1996 |
| Störf | Stjórnmálamaður |
| Flokkur | Sósíalistaflokkurinn |
Trausti Breiðfjörð Magnússon er íslenskur stjórnmálamaður. Hann var borgarfulltrúi Sósíalistaflokksins í borgarstjórn Reykjavíkur frá 2022 til 2024.[1]
Æviágrip
[breyta | breyta frumkóða]Trausti fæddist í Reykjavík árið 1996 og ólst upp í Grafarvogi. Hann er með rætur utan af landi, bæði norður í Hrútafirði og norðan af Ströndum.[1] Afi hans hét líka Trausti Breiðfjörð Magnússon.[2]
Trausti lauk stúdentsprófi af félagsfræðibraut frá Menntaskólanum við Sund og Kvennaskólanum í Reykjavík árið 2016. Hann hóf síðan nám í sálfræði og félagsfræði við Háskóla Íslands, en tók hlé frá námi vegna kjörs í borgarstjórn árið 2022.[1]
Trausti hefur unnið við, m.a. sem veitingaþjónn, leiðbeinandi, velferðarstarfsmaður og dagskrárgerðarmaður. Hann hefur einnig lokið námskeiði sem veitir landvarðarréttindi og ferðaðist um heiminn í sex mánuði árið 2017.[1]
Stjórnmál
[breyta | breyta frumkóða]Hann var skipaður í annað sæti hjá á Sósíalistaflokknum fyrir Borgarstjórnarkosningar í Reykjavík 2022. Hann náði kjöri og var annar borgarfulltrúi flokksins á eftir Sanna Magdalena Mörtudóttir. Í september 2024 fékk Trausti lausn frá störfum í borgarstjórn[3] og tók Andrea Helgadóttir sæti hans.[4]
Hallarbylting innan Sósíalistaflokksins
[breyta | breyta frumkóða]Trausti tók þátt í hallarbyltingu valdatökuhóps innan Sósíalistaflokksins leiddum af Karl Héðni Kristjánssyni og Sæþóri Benjamín Randallson á öllum stjórnum flokksins. Þó Trausti hafi ekki verið á lista yfirtökuhópsins inn í neina stjórn Sósíalistaflokksins þá var hann lykilþáttur í hallarbyltinguni, meðal annars með kræfum persónuárásum gagnvart fyrrverandi formanni flokksins Gunnari Smára Egilssyni ásakandi hann um ofríki, andlegt ofbeldi, einelti og þjófnað.[5] Trausti birti myndband á samfélagsmiðlinum TikTok þar sem hann kallaði Gunnar Smára meðal annars "hættulegann mann" þrem vikum eftir hallarbyltinguna en tók það síðan út stuttu eftir að hann birti það.
Tilvísanir
[breyta | breyta frumkóða]- 1 2 3 4 „Borgarfulltrúi Sósíalistaflokkurinn“. Reykjavik.
- ↑ Jón Bjarki Magnússon (14 ágúst 2018). „Afi hundrað ára: „Ég elska lífið og skemmti mér"“. Heimildin. Sótt 14 júlí 2024.
- ↑ Kjartansson, Kjartan (9 apríl 2024). „Hættir sem borgarfulltrúi sósíalista - Vísir“. visir.is. Sótt 21 júní 2025.
- ↑ „Andrea leysir Trausta af“. www.mbl.is. Sótt 21 júní 2025.
- ↑ Sæberg, Árni (13. mars 2025). „Hrökklaðist úr borgarstjórn vegna pressu frá formanninum - Vísir“. visir.is. Sótt 21 júní 2025.