Sanna Magdalena Mörtudóttir
| Sanna Magdalena Mörtudóttir | |||||
|---|---|---|---|---|---|
 Sanna Magdalena árið 2023. | |||||
| Forseti borgarstjórnar Reykjavíkur | |||||
Núverandi | |||||
| Tók við embætti 21. febrúar 2025 | |||||
| Forveri | Þórdís Lóa Þórhallsdóttir | ||||
| Leiðtogi Sósíalistaflokks Íslands | |||||
| Í embætti 20. október 2024 – 26. maí 2025 | |||||
| Forveri | Gunnar Smári Egilsson | ||||
| Eftirmaður | Sæþór Benjamín Randalsson | ||||
| Borgarfulltrúi í Reykjavík | |||||
| |||||
| Persónulegar upplýsingar | |||||
| Fædd | 3. maí 1992 Reykjavík, Íslandi | ||||
| Stjórnmálaflokkur | Sósíalistaflokkurinn | ||||
| Háskóli | Háskóli Íslands | ||||
| Starf | Stjórnmálamaður | ||||
Sanna Magdalena Mörtudóttir (f. 3. maí 1992) er íslensk-tansanísk stjórnmálakona sem hefur verið oddviti Sósíalistaflokks Íslands í borgarstjórn Reykjavíkur frá 2018. Þegar hún var kjörin í borgarstjórn var hún yngsti borgarfulltrúi í sögu Reykjavíkur, þá 26 ára gömul. Auk þess var hún leiðtogi Sósíalistaflokks Íslands frá október 2024 til maí 2025.
Lífshlaup
[breyta | breyta frumkóða]Sanna er fædd í Reykjavík. Móðir hennar er íslensk en faðir hennar tansanískur. Foreldrar hennar hittust í Englandi og Sanna ólst upp í London fyrstu árin.[1] Þegar hún var sjö ára flutti hún með móður sinni til Reykjavíkur, þar sem hún ólst upp.[1]
Sanna er með MA-gráðu í mannfræði frá Háskóla Íslands.[1][2]
Stjórnmál
[breyta | breyta frumkóða]Sanna náði kjöri í borgarstjórn Reykjavíkur sem oddviti Sósíalistaflokksins í sveitarstjórnarkosningum 2018, þá 26 ára gömul. Þá braut hún met sem yngsti borgarfulltrúi í sögu Reykjavíkur.[3] Í stjórnmálum hefur hún lagt stund á mál sem tengjast jafnrétti og velferð.
Í október 2024 var hún kjörin leiðtogi Sósíalistaflokksins og hún leiddi lista flokksins í Reykjavíkurkjördæmi suður í alþingiskosningunum 2024.[4] Flokkurinn náði samt sem áður ekki inn á þing, og náði einungis 3,9% atkvæða.
Eftir að meirihlutinn í borgarstjórninni sprakk tóku Sósíalistar þátt í myndun nýs meirihluta með Samfylkingu, Vinstri grænum, Pírötum og Flokki fólksins. Sanna varð forseti borgarstjórnar við stofnun nýja meirihlutans þann 21. febrúar 2025.[5]
Mikil átök áttu sér stað innan Sósíalistaflokksins í upphafi árs 2025. Í maí 2025 var stjórn flokksins skipt út en Sanna var sjálfkjörinn pólítískur leiðtogi flokksins. Þrátt fyrir það, sagði Sanna af sér sem leiðtogi flokksins þann 26. maí 2025 vegna átakanna.[6]
Sanna boðaði nýtt framboð, Vor til vinstri, í sveitarstjórnarkosningunum 2026. Vinstri græn komu til liðs við framboðið og var nafninu síðar breytt í Vinstrið. [7]
Tilvísanir
[breyta | breyta frumkóða]- 1 2 3 „„Vill ekki verða tamin millistéttarkona í dragt"“. Vísir. Sótt 18. desember 2018.
- ↑ Reykjavik.is, „Sanna Magdalena Mörtudóttir“ (skoðað 3. júlí 2019)
- ↑ „Sanna slær met Davíðs“. mbl.is. 27. maí 2018. Sótt 17. desember 2018.
- ↑ Arnardóttir, Lovísa (20 október 2024). „Sanna leiðir lista Sósíalistaflokks í Reykjavík suður - Vísir“. visir.is. Sótt 2 nóvember 2024.
- ↑ Hugrún Hannesdóttir Diego (21. febrúar 2025). „Nýr meirihluti í borginni: Heiða Björg verður borgarstjóri“. RÚV. Sótt 21. febrúar 2025.
- ↑ Sigurðsson, Grétar Þór (26 maí 2025). „Sanna hætt sem pólitískur leiðtogi Sósíalistaflokksins - RÚV.is“. RÚV. Sótt 2 júní 2025.
- ↑ Sanna boðar nýtt stjórnmálaafl: „Getum við lagt flokkana aðeins til hliðar?“ Rúv, sótt 12. deember 2025