Alexandra Briem
| Alexandra Briem | |||||
|---|---|---|---|---|---|
| Forseti borgarstjórnar Reykjavíkur | |||||
| Í embætti 17. maí 2021 – 7. júní 2022 | |||||
| Forveri | Pawel Bartoszek | ||||
| Eftirmaður | Þórdís Lóa Þórhallsdóttir | ||||
| Borgarfulltrúi í Reykjavík | |||||
| |||||
| Persónulegar upplýsingar | |||||
| Fædd | 1983 | ||||
| Stjórnmálaflokkur | Píratar | ||||
Alexandra Briem (f. 1983) er íslensk stjórnmálakona. Hún er borgarfulltrúi Pírata í borgarstjórn Reykjavíkur og var forseti borgarstjórnar frá maí 2021 - júní 2022.[1]
Alexandra er fædd í Reykjavík og foreldrar hennar eru Iðunn Magnúsdóttir sálfræðingur og söngkona Fræbblanna og Valgarður Guðjónsson forritari og söngvari Fræbblanna.
Áður en Alexandra hóf að starfa í stjórnmálum var hún þjónustufulltrúi hjá Símanum. Hún gekk til liðs við Pírata árið 2014 og var í kosningastjórn flokksins fyrir alþingiskosningar árið 2017.[2] Hún skipaði þriðja sæti á framboðslista Pírata í borgarstjórnarkosningunum árið 2018 og varð fyrsti varaborgarfulltrúi Pírata að loknum kosningum. Hún var varaborgarfulltrúi frá 2018-2021 en tók sæti sem borgarfulltrúi og forseti borgarstjórnar í maí 2021. Alexandra er fyrsta trans konan sem tekur sæti í borgarstjórn.[1]
Alexandra bauð sig fram til formanns Pírata þegar formannsembætti var stofnað árið 2025 en tapaði fyrir Oktavíu Hrund Guðrúnar Jóns.[3]
Tilvísanir
[breyta | breyta frumkóða]- 1 2 Mbl.is, „Alexandra forseti og Pawel yfir skipulagsráði“ (skoðað 14. maí 2021)
- ↑ Dv.is, „Transkonan Alexandra Briem: „Hef alltaf vitað að ég var öðruvísi““ (skoðað 14. maí 2021)
- ↑ Silja Rún Sigurbjörnsdóttir (29. nóvember 2025). „Oktavía Hrund kjörið fyrsti formaður Pírata“. Vísir. Sótt 29. nóvember 2025.