Wrocław

Wrocław (['vrɔʦwaf], hljóðskrá (uppl.); þýska Breslau; tékkneska Vratislav; latína Vratislavia) er fjórða stærsta borg Póllands og höfuðborg Neðri-Slesíu, íbúar voru um 641.000 árið 2020. Flatarmál borgarinnar er 293 ferkílómetrar. Hún liggur við ána Odru.

Borgin á sér meira en 1000 ára sögu og hefur verið hluti af konungsríkjunum af Póllandi, Bóhemíu, Ungverjalands, Habsborgara í Austurríki, Prússlands og Þýskalands. Eftir seinni heimsstyrjöld, (Potsdamráðstefnan) tóku Pólverjar við yfirráðum í borginni sem hafði verið hluti af Þýskalandi og Prússlandi síðustu 2 aldir.