Sveitarfélagið Garður
| Sveitarfélagið Garður | |
 |
|
 |
|
| Sveitarfélagsnúmer | 2504 |
| Kjördæmi | Suðurkjördæmi |
| Flatarmál – Samtals |
69. sæti 20,8 km² |
| Mannfjöldi – Samtals – Þéttleiki |
28. sæti 1.425 (2016) 68,51/km² |
| Bæjarstjóri | Magnús Stefánsson |
| Þéttbýliskjarnar | Garður |
| Póstnúmer | 250 |
| Vefsíða sveitarfélagsins | |
Sveitarfélagið Garður (áður Gerðahreppur) er sveitarfélag á nyrsta odda Reykjanesskagans, á innanverðu Miðnesi. Á það land að Sandgerði og Reykjanesbæ.
Gerðahreppur var stofnaður 15. júní 1908 við seinni uppskiptingu Rosmhvalaneshrepps. Hinn hlutinn, sem tilheyrði Keflavíkurkauptúni, sameinaðist Njarðvíkurhreppi og varð að Keflavíkurhreppi.
Skjaldarmerki sveitarfélagsins er mynd af vitunum tveimur á Garðskaga. Á Garðskaga var reist fyrsta leiðarmerki fyrir sæfarendur á Íslandi og var það hlaðin grjótvarða á ströndinni. Síðar var sett á hana ljósmerki. Fyrsti eiginlegi vitinn var hins vegar reistur á Reykjanesi.
Gerðaskóli er einn elsti starfandi barnaskóli á landinu, stofnaður 1872 af séra Sigurði B. Sívertsen, sem var prestur á Útskálum í rúmlega hálfa öld. Hann átti einnig frumkvæði að byggingu núverandi Útskálakirkju árið 1861 og tók saman Suðurnesjaannál.
Björgunarsveitin Ægir var stofnuð 1935 og Knattspyrnufélagið Víðir í Garði var stofnað 1936.
