Glasgow

Glasgow Glaschu (skosk gelíska) Glesga (skoska)
Borg
Skjaldarmerki
Glasgow Staðsetning í Skotlandi
Hnit: 55°51′40″N 4°15′0″V
Ríki	Bretland
Land	Skotland
Flatarmál
• Samtals	175 km2
Mannfjöldi  (2024)
• Samtals	650.300
• Þéttleiki	3.700/km2
Tímabelti	UTC+00:00 (GMT)
• Sumartími	UTC+01:00 (BST)
Vefsíða	www.glasgow.gov.uk

Buchanan Street í miðborg Glasgow.

Glasgow (skosk gelíska: Glaschu; skoska: Glesga) er stærsta borg Skotlands og fjórða stærsta í Bretlandi. Hún stendur við ána Clyde í miðvesturhluta skosku láglandanna. Borgin er mikil iðnaðarborg og var fyrrum heimsfræg fyrir skipaiðnað. Þar voru til dæmis byggð skipin Queen Mary, Queen Elizabeth, Queen Elizabeth II og konungssnekkjan, Britannica.

Í Glasgow búa nú um 650.300 manns (2024). Íbúum höfðu farið fækkandi á síðustu áratugum, vegna þess að nýjar borgir hafa verið byggðar í grenndinni, má þar til dæmis nefna East Kilbride og Cumbernauld. Um leið hafa stór og fjölmenn fátækrahverfi í borginni verið fjarlægð auk þess sem borgarmörkum hefur verið breytt og skýrir þetta fækkunina. Á Stór-Glasgow svæðinu búa um 1,8 milljón manna (2011).

Glasgow er mesta viðskiptaborg Skotlands og er í þriðja sæti breskra borga sem ferðamannaborg. Aðeins London og Edinborg eru ofar á þeim lista. Ennfremur er Glasgow mesta viðskiptaborg Bretlands að London frátalinni.

Verndardýrlingur Glasgow er Saint Mungo, sem einnig er nefndur Saint Kentigern. Skjaldarmerki borgarinnar sýnir mynd hans og einnig bjöllu, fugl og fisk. Einkennisorð borgarinnar eru „Let Glasgow flourish“.

Samgöngur

Glasgow-flugvöllur og Prestwick-flugvöllur þjóna borginni. Í Glasgow er 3. elsta neðanjarðarlestarkerfi heims sem sett var á laggirnar árið 1896.

Menntun

Háskólinn í Glasgow og Strathclyde-háskólinn eru helstu æðri menntastofnanirnar.

Íþróttir

Knattspyrna

Þjóðarleikvangur Skotlands er á Hampden Park sem tekur rúm 50.000 í sæti.

Helstu knattspyrnulið borgarinnar eru:

• Glasgow Celtic
• Glasgow Rangers
• Queen's Park F.C.
• Partick Thistle

Myndir

• 
  Ráðhúsið við St. George-torg
• 
  Dómkirkjan
• 
  Glasgow-háskóli
• 
  Kelvingrove-listasafnið
• 
  Áin Clyde og Squinty bridge
• 
  Buchanan street
• 
  Vísindasafnið
• 
  Mitchell-bókasafnið

Tenglar

• Opinber vefsíða