Loftskeytastöðin á Melunum

Loftskeytastöðin á Melunum er fyrsta loftskeytastöðin á Íslandi, sem bæði gat tekið á móti og sent loftskeyti. Stöðin hóf starfsemi á Melunum í Reykjavík 17. júní 1918 og komst því Ísland í fyrsta sinn í eiginleg þráðlaus samskipti við umheiminn.

Á loftskeytastöðinni voru 77 metra há möstur sem gátu sent skeyti um 750 km í dagsbirtu en það samsvarar um það bil vegalengdinni á milli Íslands og Færeyja.

Í myrkri var mögulegt að senda loftskeyti allt að 1500 km vegalengd og öll fjarskipti við skip fóru fram með Morse-kóða.

Húsnæði Loftskeytastöðvarinnar á Melunum var byggt árið 1915 og stendur við Brynjólfsgötu 5.