Handknattleiksárið 1979-80

Handknattleiksárið 1979-80 var keppnistímabilið í íslenskum handknattleik sem hófst haustið 1979 og lauk vorið 1980. Víkingar urðu Íslandsmeistarar í karlaflokki og Framstúlkur í kvennaflokki. Valsmenn náðu þeim árangri að leika til úrslita í Evrópukeppni meistaraliða, einir íslenskra liða. Karlalandsliðið tók ekki þátt í stórmóti á keppnistímabilinu.

Karlaflokkur

1. deild

Víkingar urðu Íslandsmeistarar í meistaraflokki karla á fullu húsi stiga. Keppt var í átta liða deild með tvöfaldri umferð.

Félag	Stig
Víkingur	28
FH	18
Valur	17
Fram	12
KR	11
Haukar	11
ÍR	9
HK	6

HK féll niður um deild. ÍR fór í umspil við næstefsta lið 2. deildar.

2. deild

Fylkir sigraði í 2. deild og tók sæti HK í 1. deild. Þróttur og KA léku aukaleiki um réttinn til að fara í umspil við næstneðsta lið 1. deildar. Keppt var í átta liða deild með tvöfaldri umferð.

Félag	Stig
Fylkir	21
Þróttur R.	20
KA	20
Ármann	16
Afturelding	14
Týr Ve.	11
Þór Ak.	6
Þór Ve.	4

Þór Vestmannaeyjum féll í 3. deild. Þór Akureyri fór í umspil við næstefsta lið 3. deildar.

Úrslitaleikir um 2. sæti

Þróttur - KA 21:16
Þróttur - KA 26:21

Úrslitaleikir um sæti í 1. deild

Þróttur - ÍR 21:19
ÍR - Þróttur 13:17

3. deild

Breiðablk sigraði í 3. deild og tók sæti Þórs Ve. í 2. deild, þjálfari liðsins var Sigfús Guðmundsson. Akranes hafnaði í öðru sæti og komst í umspil gegn næstneðsta liði 2. deildar. Keppt var í 8 liða deild með tvöfaldri umferð.

Félag	Stig
Breiðablik	25
ÍA	23
Stjarnan	20
Óðinn	16
ÍBK	13
Dalvík	8
Grótta	7
Selfoss	0

Úrslitaleikir um sæti í 2. deild

ÍA - Þór Ak. 27:27
Þór Ak. - ÍA 23:20

Bikarkeppni HSÍ

Haukar sigruðu í bikarkeppninni í fyrsta sinn eftir úrslitaleiki gegn KR. 18 lið tóku þátt í keppninni.

1. umferð

Þór Ak. – Fylkir 22:21
Týr Ve. – Ármann 26:21

16-liða úrslit KR – UBK 26:21

Fram – Haukar 28:31 (e. framlengingu)
ÍA – Þór Ak. 24:19
Týr Ve. – Víkingur 21:28
FH – Þróttur 30:26
ÍR – Valur 14:23
Þór Ve. - Stjarnan 21:19
Afturelding – KA 29:34

8-liða úrslit

Valur – FH 28:18
Haukar – Víkingur 22:20
ÍA – KR 22:28
Þór Ve. – KA 22:23

Undanúrslit

KR-KA 20:19
Haukar – Valur 23:21

Úrslitaleikur

Haukar - KR 18:18. Liðin þurftu að mætast að nýju til að knýja fram úrslit.

2. úrslitaleikur

Haukar - KR 22:20

Evrópukeppni

Evrópukeppni meistaraliða

Valsmenn kepptu í Evrópukeppni meistaraliða og komust alla leið í úrslit.

1. umerð

Valur - Brentwood, Bretlandi 32:19 og 38:14

8-liða úrslit

Valur - Drott, Svíþjóð 18:19 og 18:16

Undanúrslit

Valur - Atletico Madrid, Spáni 21:14 og 18:15

Úrslit

Valur - Grosswallstadt, Vestur-Þýskalandi 12:21

Evrópukeppni bikarhafa

Víkingar kepptu í Evrópukeppni bikarhafa. Liðið sat hjá í fyrstu umferð, en tapaði fyrir sænsku liði í 16-liða úrslitum.

16-liða úrslit

Víkingur - HEIM, Svíþjóð 19:23 og 19:22

Kvennaflokkur

1. deild

Framarar urðu Íslandsmeistarar í meistaraflokki kvenna. Keppt var í átta liða deild með tvöfaldri umferð.

Félag	Stig
Fram	27
Valur	23
KR	16
Víkingur	14
Haukar	14
FH	12
Þór Ak.	6
Grindavík	0

Grindavík féll niður um deild. Þór Ak. fór í umspil við næstefsta lið 2. deildar. Guðríður Guðjónsdóttir, Fram, varð markadrottning með 112 mörk.

2. deild

Akranes sigraði í 2. deild eftir úrslitaleiki gegn Ármanni. Ármannsstúlkur töpuðu í umspili gegn næstneðsta liði 1. deildar og komust því ekki upp um deild.

A-riðill

Félag	Stig
ÍA	15
Þróttur	11
Týr Ve.	7
Breiðablik	7
HK	0

B-riðill

Ármenningar sigruðu í B-riðli. Önnur lið í riðlinum voru Fylkir, ÍBK, Afturelding, ÍR og Njarðvík.

Úrslitaleikir um 1. sæti

ÍA - Ármann 17:15
Ármann - ÍA 11:11

Úrslitaleikir um sæti í 1. deild Þór Ak. sigraði Ármann í tveggja leikja úrslitaeinvígi.

Bikarkeppni HSÍ

Framstúlkur sigruðu í bikarkeppninni í eftir úrslitaleik á Akureyri gegn Þórsurum. Fimmtán lið tóku þátt í keppninni.

1. umferð

Valur – ÍBK, ÍBK gaf leikinn
Fram - Haukar 24:12
KR - ÍR 15:10
Þróttur – Ármann
Þór Ve. – Breiðablik 18:11
FH – Víkingur
Fylkir – Þór Ak.
Njarðvík sat hjá

8-liða úrslit

Þór Ak – Njarðvík
KR – Fram
FH – Valur 15:19
Þór Ve. – Ármann

Undanúrslit

Ármann - Þór Ak 18:22 (e.framlengingu)
Valur – Fram 14:21

Úrslitaleikur

Fram- Þór Ak. 20:11

Evrópukeppni

Evrópukeppni meistaraliða

Framstúlkur kepptu í Evrópukeppni meistaraliða.

1. umferð

Fram - Neistin, Færeyjum 13:6
Fram - Neistin 18:9

16-liða úrslit

Fram dróst gegn TSV Bayer 04 Leverkusen frá Vestur-Þýskalandi, en varð að gefa leikina vegna of mikils ferðakostnaðar.

Landslið

Karlalandsliðið bjó sig undir B-keppni sem halda skyldi í Frakklandi árið 1981. Jóhann Ingi Gunnarsson sagði skyndilega af sér starfi landsliðsþjálfara, en Hilmar Björnsson tók við starfi hans.