Knattspyrna

Úr Wikipediu, frjálsa alfræðiritinu
Jump to navigation Jump to search
Leikmaðurinn í rauðu hefur brotist gegnum vörn hins liðsins og býst til að skjóta knettinum í markið.
Fagnaðarlæti stuðningsmanna liðs í Argentínu.

Knattspyrna eða fótbolti er boltaíþrótt þar sem farið er eftir 17 reglum sem voru staðfestar af Alþjóðaknattspyrnusambandinu þegar það var stofnað árið 1886. Knattspyrna er leikin með knetti af tveimur allt að 11 manna liðum (með markmanni) sem reyna að sigra hitt liðið með því að skora fleiri mörk en andstæðingarnir. Til að skora mark þarf að spyrna boltanum inn í mark andstæðinganna. Ef mark er skorað í eigin mark kallast það sjálfsmark. Leikmenn mega ekki snerta boltann með hönd sinni, en markmaðurinn er undantekning. Hann má verja boltann með höndunum á afmörkuðu svæði sem kallast vítateigur.

Grunnreglur fótboltans[breyta | breyta frumkóða]

Leikvöllurinn[breyta | breyta frumkóða]

Fótboltavöllur

Leikurinn skal vera spilaður á grænu undirlagi en annars skal tilkynna mótherja um annað vallarval.[1]

Fótboltavöllurinn skal vera rétthyrndur og mörk hans merkt. Tvær lengri hliðar vallarins eru kallaðar hliðarlínur og styttri línurnar eru kallaðar markalínur. Miðlína liggur þvert á völlinn á milli miðpunkta hliðarlínanna. Miðpunktur hennar er vallarmiðja sem jafnframt er miðpunktur hrings með 9,15 metra radíus.

Hliðarlínur eiga í öllum tilvikum að vera lengri en markalínurnar. Stærð valla í landsleikjum er 100-110 metrar að lengd og 64-75 metrar að breidd. Leikir á vegum Knattspyrnusambands Íslands eru spilaðir á völlum með 68 metra breidd og 105 metra lengd.[2] Stærð vallarins má breyta í öðrum tilvikum.

Mark á að vera staðsett við miðju markalína. Mark samanstendur af tveimur lóðréttum stöngum sem eru samtengdar láréttri stöng efst. Lóðréttu stengurnar marksúlur, eru 2.44 metrar og lárétta stöngin markslá er 7.32 metrar. Bæði marksúlur og markslá eiga að vera að hámarki 12 cm að breidd og hvítar að lit. Þær eiga að vera úr viði, málmi eða öðru samþykktu efni. Þær eiga að vera rétthyrndar, kassalaga, hringlaga eða spöröskjulaga og mega alls ekki vera hættulegar leikmönnum. Markið í heild sinni verður að vera örugglega fest við jörðu og færanleg mörk má aðeins nota ef þau uppfylla þetta skilyrði.

Tvær línur eru dregnar frá markalínu, 5.5 metra frá marksúlu, samsíða hliðarlínum. Þær eru 5.5 metra langar og á milli enda þeirra er lína samsíða markalínunni. Þetta afmarkaða svæði kallast markteigur.

Aðrar tvær línur eru dregnar 16.5 metra frá marksúlu, samsíða hliðarlínum. Þær eru 16.5 metra langar og á milli enda þeirra er lína sem er samsíða markalínunni. Þetta afmarkaða svæði kallast vítateigur.

Við horn vallarins, þar sem markalínur og hliðarlínur mætast, skal vera fáni sem er ekki minni en 1.5 metrar. Á sama stað skal vera hornbogi með 1m radíus frá fánanum. Hornfáni við miðlínu er valkvæður. Merkingar mega vera utan vallarins á þessum stað.

Boltinn[breyta | breyta frumkóða]

Boltinn er kúlulaga með 68-70 cm þvermál og vegur á milli 410 og 450 grömm. Loftþrýstingur í boltanum skal jafngilda 0.6 - 1,1 loftþyngd við sjávarmál. Ef bolti verður ónothæfur við leik, þá er leikurinn stöðvaður og varabolti er settur á sama stað og boltinn sem varð ónothæfur var á. Ef taka á vítaspyrnu, markspyrnu eða álíka, þá er varaboltinn settur inná samkvæmt þeim reglum. Ekki má skipta út bolta án leyfis frá dómara. Boltar sem eru notaðir í keppnum FIFA, þurfa að vera merktir og staðfestir af FIFA. Auk þess eiga allar keppnir FIFA, og knattspyrnusamtaka, sem undir það heyra, að nota bolta sem er ekki merktur á annan hátt en þann að bera merki keppninnar og framleiðandans.

Fjöldi leikmanna[breyta | breyta frumkóða]

Fjöldi leikmana á að vera 11 hið mesta og í minnsta lagi 7. Einn leikmaður er markvörður. Ekki er heimilt að byrja leik með færri leikmönnum en sjö eða fleiri en 11. Í keppnum FIFA eða knattspyrnusamtaka sem heyra undir það, má hámarki skipta varamönnum inn á þrisvar sinnum í leik. Fjöldi varamanna sem eru heimilaðir á varamannabekk, eru ákvarðaðir af þeim knattspyrnusamtökunum sem við á. Í alþjóðlegum leikjum eru hámark sex leikmenn á varamannabekk, nema samkomulag ríki milli beggja liða sem keppa og dómari viti af ákvörðun liðanna. Í öllum tilfellum á að tilgreina leikmenn á varamannabekk áður en leikur hefst.

Þegar leikmanni er skipt inná er dómari fyrst látinn vita af skiptingunni og hann stöðvar leikinn. Hann gefur leikmanni á vellinum merki um að koma að hliðarlínunni og fara útaf. Þegar að leikmaðurinn er farinn út af fer leikmaðurinn sem skipta á inná á völlinn frá hliðarlínu og við það telst skiptingunni lokið. Leikmaður, sem hefur verið skipt útaf, tekur ekki frekar þátt í leiknum og allir varamenn fylgja fyrirmælum dómara. Leikur er jafnframt stöðvaður, ef að útileikmaður er færður í markmannsstöðu.

Fari leikmaður inn á völlinn án leyfis dómara er leikurinn stöðvaður. Dómarinn gefur leikmanninum viðvörun og leikurinn heldur áfram með aukaspyrnu. Ef að leikmaður skiptir við markmann án leyfis dómara heldur leikurinn áfram, en leikmennirnir tveir eru viðvaraðir. Einungis má skipta inn leikmenn í hópi varaleikmanna.

Búnaður leikmanna[breyta | breyta frumkóða]

Leikmaður má ekki bera neinn búnað sem er hættulegur honum sjálfum eða öðrum leikmönnum. Grunnbúnaður leikmanns samanstendur af ermabol, stuttbuxum, sokkum, skóm og legghlífum. Bolur, stuttbuxur og ermar bolsins þurfa ekki endilega að vera í sama lit. Allir leikmenn liðsins að markmanni undanskildum, eiga að vera í eins búningi. Auk þess er aðildarfélögum KSÍ heimilt að leggja bann við takkaskóm.[1] Ef að legghlífar eru notaðar, þá eiga þær að vera að fullu faldar bak við sokka leikmanns. Markmaður skal bera liti sem aðgreina hann frá öðrum leikmönnum, dómara og aðstoðardómurum. Ef þessum reglum er ekki fylgt er dómara heimilt að vísa leikmanni tímabundið af velli á meðan lausn er fengin á vandamálinu.

Dómari[breyta | breyta frumkóða]

Dómari sér um að reglum fótboltans sé framfylgt á þeim leik sem hann hefur verið skipaður á. Hann stjórnar leik í samvinnu með aðstoðardómara. Honum er heimilt að stöðva, fresta eða hætta við leik vegna utanaðkomandi truflunar eða vegna brota á grunnreglum fótboltans. Hann leggur mat á meiðsli leikmanna og bíður með að senda smávægilega meidda leikmenn af velli. Leikmenn með blæðandi sár er þó ávallt hleypt rakleiðis af velli og fá ekki að koma aftur á völlinn fyrr en blæðing hefur stöðvast.

Þegar brot eiga sér stað og liðið sem brotið var á er með boltann leyfir dómari leiknum að halda áfram. Refsað er leikmanni sem brýtur á sér oftar en einu sinni í einu, háskalegar athafnir og starfsmönnum sem sýna ekki ábyrgð. Hann hleypir ekki utanaðkomandi persónu á völlinn og setur leik að nýju. Hann er tímastjórnandi leiksins og er oft sá sem er ábyrgur fyrir að senda leikskýrslu til knattspyrnusambandsins. Heimalið leiksins í keppni innan KSÍ eru þó ábyrg að senda leikskýrslur utan úrvalsdeildar karla og kvenna.[1] Allar ákvarðanir dómara eru endanlegar og er ekki breytt nema eftir að dómarinn hafi ráðgefið sig við aðstoðardómara.

Heimilt er að notast við tvo aðstoðardómara í leik. Þeir senda merki til dómara. Í þeim tilfellum þegar boltinn fer út fyrir völlinn segja þeir dómara til um hvort liðið eigi kröfu á innkasti, hornspyrnu eða markspyrnu, eftir því sem við á. Þeir láta vita af rangstöðu. Jafnframt láta þeir dómara vita af atvikum sem gerast utan vallarins eða eru utan sjónsviðs hans eins og skiptingar eða brot. Aðstoðardómari heyrir undir dómara.

Færst hefur í aukanna að myndbandadómgæsla sé notuð. Til að mynda er hún notuð í Bundesligunni þýsku og hefur verið prófuð áfram í bikarkeppnum víðs vegar.

Fótboltalið[breyta | breyta frumkóða]

Í fótbolta er þrenn möguleg úrslit. Í leik þar sem annað liðið hefur skorað fleiri mörk en andstæðingurinn kallast leikurinn unninn, og það lið fær ýmist 2 eða 3 stig fyrir það afrek. Sé leikurinn hins vegar, með jafn mörgum mörkum frá báðum liðum vallarins kallast jafntefli og bæði lið fá eitt stig. Engin stig eru þó veitt í útsláttakeppnum, þar gildir að það lið sem sigrar heldur áfram í næstu umferð. Framlenging og loks vítaspyrnukeppni er gripið til ef leikurinn er jafn.

Fótbolti er einn af vinsælustu íþróttum í heimi. Samkvæmt tölum Fifa, sem er yfirstjórn knattspyrnu í heiminum, spila yfir 265 milljónir manna í yfir 200 löndum fótbolta. Skipulagðir leikir eru spilaðir af 38 milljónum um allan heim í meira en 325 þúsund knattspyrnuklúbbum. 207 lönd og sjálfstjórnarsvæði eru meðlimir FIFA. Einungis þarf nokkrar grundvallarreglur og lítinn útbúnað til þess að iðka íþróttina. Nóbelsverðlaunahafinn Albert Camus sagði: "Allt sem ég veit með öryggi um siðferði og ábyrgð, á ég að þakka fótboltanum".

Félagslið[breyta | breyta frumkóða]

Fótbolti er ýmist spilaður í fótboltaklúbbum eða sem áhugamannaíþrótt. Fótboltaklúbbar eru félög sem spila á móti öðrum klúbbum í deild innan síns eigin lands. Oft eru margar deildir í einu landi, þar sem liðunum er skipt eftir því hversu vel liðið spilar. Auk fótboltaliðs starfa hjá félaginu þjálfarar, sjúkraþjálfarar og búningastjóri. Þjálfarar sjá um að kenna leikmönnum um þá tækni og færni sem notuð er í fótbolta. Sjúkraþjálfarar sjá um meiðsli leikmanna og búningastjórn sér um að allir búningar félagsins séu í röð og reglu. Áhugamenn hinsvegar, spila frekar upp á skemmtunina og þeim áhuga sem þeir hafa fyrir íþróttinni. Áhugamenn fá ekki greitt fyrir vinnu sína úti á vellinum, ólíkt atvinnumönnum í fótboltaklúbbum. Þessi laun, sem að atvinnumenn fá eru fengin með styrktarsamningum fyrirtækja, verðlaunafé við það að vinna keppnir og í sumum tilfellum fé frá eigendum liðsins.

Landslið[breyta | breyta frumkóða]

Auk félagsliða og áhugamannaliða eru starfrækt landslið. Landslið eru lið, þar sem óskað er eftir kröftum leikmanna sem hafa ríkisborgararétt í viðkomandi landi. Landsliðum er stjórnað af knattspyrnusamböndum, hvers lands fyrir sig, sem jafnframt stjórna fyrirkomulagi deildarleikja landsins. Landsliðum er skipt upp innan hvers lands eftir aldri. Unglingalið landsliðsins eru ýmist undir 17 ára, undir 19 ára, undir 21 árs og undir 23 ára. Ekki er þörf á að öll þessi landslið séu virk, og í raun er algengast að haldið sé út landsliðum aðeins í undir 17 ára, undir 19 ára og undir 21 árs. Aðallið landsliðs, getur þó alltaf kallað leikmenn sem eru á þessum aldri, nema að ákvörðun knattspyrnusambandsins sé önnur.

Áhorfendur[breyta | breyta frumkóða]

Áhorfendur eru fólk sem mætir á leikvanga, þar sem liðið spilar til þess að horfa á leikinn og styðja sitt lið. Auk þess er jafnframt til að áhorfendur fylgist með sínum liðum í sjónvarpi, með sjónvarpsútsendingum. Mismikill áhugi er þó á fótboltaliðum eftir kynjum. Fótbolti kvenna er í augum almennings minna umfangs og vinsældir hans minni, en vegna árangurs liða og landsliða hefur áhuginn undanfarið aukist, þá sérstaklega í Bandaríkjunum og Þýskalandi.

Fordómar[breyta | breyta frumkóða]

  • Á Íslandi: Knattspyrnusamband Íslands setti af stað átakið "Leikur án fordóma" með það að markmiði að útrýma fordómum úr knattspyrnu, sporna gegn einelti og leggja áherslu á heiðarlegan leik.[3] Fyrirliðar úrvalsdeildar karla og kvenna studdu átakið árið 2008, með samstarfsyfirlýsingu um að sýna gott fordæmi.[4]

Sérstakar stofnanir gegn misrétti:

  • Kick It Out: Samtökin hafa stofnað staðal Equality Standard sem knattspyrnufélög fara eftir. Knattspyrnufélögin mynda stefnu gegn fordómum meðal áhorfenda og félagsins sjálfs. Fylgst er með breytingum og árangri.

Fótboltabullur[breyta | breyta frumkóða]

Ofbeldi í fótbolta hefur verið til frá upphafi hans og verið kennt við fótboltabullur. Þær urðu fyrst að skipulögðum hópum árið 1980 í Ítalíu. Fjölmiðlar hafa verið gagnrýndir fyrir að gefa fótboltabullum gaum og á þann veg efla ofbeldi í fótbolta.[5]

Tölfræði[breyta | breyta frumkóða]

Markahæstu menn karlaknattspyrnunnar[breyta | breyta frumkóða]

Uppfært 20/4 2021.

Sæti Leikmaður Fjöldi marka Fjöldi leikja Markahlutfall á leik Ár
1. Fáni AusturríkisFáni TékklandsJosef Bican 805 530 1931-1955
2. Fáni PortúgalsCristiano Ronaldo 791 1096 0,72 2001-
3. Fáni BrasilíuRomário 772 994 0,78 1985-2009
4. Fáni BrasilíuPelé 767 812 0,92 1956-1977
5. Fáni ArgentínuLionel Messi 763 969 0,79 2003-
6. Fáni UngverjalandsFerenc Puskás 746+ 754 0,79 1943-1966
7. Fáni ÞýskalandsGerd Müller 735 793 0,93 1962-1981
8. Fáni UngverjalandsFerenc Deák 576+ 1940-1957
9. Fáni BrasilíuTúlio Maravilha 575 1988-2019
10. Fáni ÞýskalandsUwe Seeler 575 1953-1978
11. Fáni SvíþjóðarZlatan Ibrahimovic 573 963 0,61 1999-
12. Fáni BrasilíuArthur Friedenreich 557 1909-1935
13. Fáni PóllandsFáni ÞýskalandsErnst Willimowski 554 1934-1955
14. Fáni PortúgalsEusébio 552 1957-1980
15. Fáni SkotlandsJimmy McGrory 550 1922-1938
16. Fáni ÞýskalandsFranz Binder 546+ 1930-1949
17. Fáni PortúgalsFernando Peyroteo 544 1937-1950
18. Fáni PóllandsRobert Lewandowski 544 814 0,66 2005-
19. Fáni MexíkósHugo Sánchez 541+ 1976-1998
20. Fáni ÞýskalandsFritz Walter 539+ 1937-1959
21. Fáni UngverjalandsJózsef Takács 523+ 1917-1934
22. Fáni UngverjalandsGyula Zsengellér 522+ 1935-1953
22. Fáni BrasilíuZico 522 1971-1994
24. Fáni ArgentínuFáni SpánarAlfredo Di Stéfano 514+ 1945-1966
25. Fáni AusturríkisHans Krankl 514 1970-1989
26. Fáni SvíþjóðarGunnar Nordahl 513+ 1937-1958
27. Fáni BrasilíuRoberto Dinamite 512 1971-1991
28. Fáni EnglandsJimmy Greaves 511 1957-1971
29. Fáni UngverjalandsFerenc Bene 508+ 1961-1979
30. Fáni ÚrúgvæLuis Suárez 505 802 0.63 2005-

Markahæstu menn hjá einu liði í karlaknattspyrnu[breyta | breyta frumkóða]

Sæti Leikmaður Mörk Leikir Markahlutfall á leik Ár Félag
1. Fáni ArgentínuLionel Messi 665 771 0.86 2003- Fáni SpánarBarcelona
2. Fáni HollandsAbe Lenstra 500 517 0.88 1933-1955 Fáni HollandsHeerenveen
3. Fáni BrasilíuPelé 504 496 1.02 1956-1974 Fáni BrasilíuSantos
4. Fáni PortúgalsCristiano Ronaldo 450 438 1.03 2009-2018 Fáni SpánarReal Madrid
5. Fáni ÞýskalandsUwe Seeler 404 476 0.85 1953-1972 Fáni ÞýskalandsHamburger SV
6. Fáni AusturríkisFáni TékklandsJosef Bican 403 211 1.91 1937-1948 Fáni TékklandsSlavia Praga

Núverandi markahæstu menn karlaknattspyrnunnar[breyta | breyta frumkóða]

Sæti Leikmaður Fjöldi marka Fjöldi leikja Markahlutfall á leik Ár Núverandi Félag
1. Fáni PortúgalsCristiano Ronaldo 791 1095 0.72 2001- Fáni ÍtalíuJuventus
2. Fáni ArgentínuLionel Messi 763 969 0.79 2003- Fáni SpánarBarcelona
3. Fáni SvíþjóðarZlatan Ibrahimovic 573 962 0.61 1999- Fáni ÍtalíuMilan
4. Fáni PóllandsRobert Lewandowski 544 814 0.66 2005- Fáni ÞýskalandsBayern München
5. Fáni ÚrúgvæLuis Suárez 505 802 0.63 2005- Fáni SpánarAtletico Madrid
6. Fáni MaldíveyjaAli Ashfaq 479 603 0.79 2001- Fáni MaldíveyjaClub Valencia
7. Fáni ArgentínuSergio Agüero 433 786 0.55 2003- Fáni EnglandsManchester City
8. Fáni HollandsKlaas-Jan Huntelaar 426 759 0.56 2002- Fáni ÞýskalandsSchalke 04
9. Fáni ÚrúgvæEdinson Cavani 426 752 0.57 2005- Fáni EnglandsManchester United
10. Fáni BrasilíuNeymar 406 641 0.63 2009- Fáni FrakklandsPSG
11. Fáni FrakklandsKarim Benzema 402 831 0.48 2004- Fáni SpánarReal Madrid
12. Fáni BrasilíuFred 395 753 0.52 2003- Fáni BrasilíuFluminense
13. Fáni BrasilíuRicardo Oliveira 379 760 0.49 2000-
14. Fáni Bosníu og HersegóvínuEdin Džeko 362 802 0.45 2003- Fáni ÍtalíuRoma
15. Fáni SíleEsteban Paredes 359 652 0.55 2000- Fáni SíleCoquimbo Unido
16. Fáni SvartfjallalandsDejan Damjanóvic 359 738 0.47 1998- Fáni Hong KongKitchee
17. Fáni ParagvæOscar Cardozo 350 676 0.5 2003- Fáni ParagvæClub Libertad
18. Fáni SíleHumberto Suazo 346 625 0.56 2000- Fáni SíleLa Serena
19. Fáni ArgentínuGonzalo Higuain 344 729 0.47 2005- Fáni BandaríkjanaInter Miami
20. Fáni KúveitBader Al Mutawa 339 631 0.53 2002- Fáni KúveitAl Qadsia
21. Fáni KólumbíuRadamel Falcao 336 620 0.54 2003- Fáni TyrklandsGalatasaray
22. Fáni SpánarJohnatan Soriano 335 602 0.55 2001- Fáni SpánarCastellón
23. Fáni EnglandsJermain Defoe 329 827 0.39 1999- Fáni SkotlandsGlasgow
24. Fáni ÍsraelsEran Zahavi 326 597 0.54 2006- Fáni HollandsPSV
25. Fáni AlsírBaghdad Bounedjah 325 381 0.84 2009- Fáni KatarAl Saad
26. Fáni BrasilíuVágner Love 320 681 0.47 2002- Fáni KazakhstansKairat
27. Fáni FrakklandsBafétimbi Gomís 319 698 0.45 2004- Fáni Sádí-ArabíuAl Hilal
28. Fáni BrasilíuHulk 317 627 0.5 2004- Fáni BrasilíuAtlético Mineiro
29. Fáni ArgentínuCarlos Tevez 317 807 0.39 2002- Fáni ArgentínuBoca Juniors
30. Fáni Kosta RíkaAlvaro Saborio 309 649 0.47 2001- Fáni Kosta RíkaSan Carlos
31. Fáni GabonPierre Aubameyang 307 570 0.53 2007- Fáni EnglandsArsenal
32. Fáni BelgíuRomelu Lukaku 307 581 0.52 2009- Fáni ÍtalíuInter Milan
33. Fáni SvíþjóðarMarkus Berg 301 631 0.47 2002- Fáni RússlandsKrasnodar

Leikjahæstu menn karlaknattspyrnunnar[breyta | breyta frumkóða]

Leikahæstu menn með meira en 1000 leiki

Sæti Leikmaður Staða Fjöldi Leikja Ár
1. Fáni EnglandsPeter Shilton GK 1390 1966-1997
2. Fáni BrasilíuRogério Ceni GK 1234 1990-2015
3. Fáni BrasilíuRoberto Carlos DF 1139 1991-2015
4. Fáni SpánarXavi MF 1135 1997-2019
5. Fáni BrasilíuFabio GK 1134 1997-
6. Fáni ÍtalíuGianluigi Buffon GK 1127 1995-
7. Fáni SpánarIker Casillas GK 1119 1998-2020
8. Fáni EnglandsRay Clemence GK 1118 1965-1988
9. Fáni ArgentínuJavier Zanetti DF 1114 1992-2014
10. Fáni PortúgalsCristiano Ronaldo FW 1096 2001-
11. Fáni Norður-ÍrlandsPat Jennings GK 1095 1963-1986
12. Fáni BrasilíuMarcelinho Paraiba MF 1092 1992-2020
13. Fáni EnglandsTony Ford DF 1082 1975-2001
14. Fáni BrasilíuDjalma Santos DF 1065 1947-1970
15. Fáni SpánarRaúl FW 1064 1994-2015
16. Fáni JapanYasuhito Endo MF 1064 1998-
17. Fáni EnglandsAlan Ball Jr. MF 1053 1960-1984
18. Fáni EnglandsDavid Seaman GK 1046 1982-2004
19. Fáni EnglandsFrank Lampard MF 1044 1995-2017
20. Fáni ÍtalíuPaolo Maldini DF 1041 1984-2009
21. Fáni WalesRyan Giggs MF 1036 1990-2014
22. Fáni EgyptalandsEssam El Hadarij GK 1028 1993-2019
23. Fáni SkotlandsGraham Alexander DF 1025 1991-2012
24. Fáni Norður-ÍrlandsNoel Bailie DF 1024 1989-2011
25. Fáni EnglandsDavid Seaman GK 1023 1989-2014
26. Fáni BrasilíuRivaldo MF 1021 1989-2015
27. Fáni SpánarAndoni Zubizarreta GK 1020 1980-1999
28. Fáni BelgíuTimmy Simons DF 1019 1994-2018
29. Fáni HollandsClarence Seedorf MF 1017 1992-2014
30. Fáni BrasilíuDani Alves DF 1017 2001-
31. Fáni EnglandsIan Callaghan MF 1002 1960-1982
32. Fáni SkotlandsTommy Hutchison MF 1001 1965-1994

Leikjahæstu menn hjá einu liði[breyta | breyta frumkóða]

Sæti Leikmaður Staða Fjöldi Leikja Ár Félag
1. Fáni BrasilíuRogerio Ceni GK 1197 1990-2015 Fáni BrasilíuSão Paulo
2. Fáni Norður-ÍrlandsNoel Bailie DF 1013 1989-2011 Fáni Norður-ÍrlandsLinfield
3. Fáni WalesRyan Giggs MF 963 1991-2014 Fáni EnglandsManchester United
4. Fáni BrasilíuFabio GK 933 2005- Fáni BrasilíuCruzeiro
5. Fáni ÍtalíuPaolo Maldini DF 902 1984-2009 Fáni ÍtalíuMilan
6. Fáni EnglandsIan Callaghan MF 870 1960-1978 Fáni EnglandsLiverpool
7. Fáni EnglandsSteve Perryman DF 866 1969-1986 Fáni EnglandsTottenham Hotspur
8. Fáni ArgentínuJavier Zanetti DF 858 1995-2014 Fáni ÍtalíuInter Milan
9. Fáni EnglandsTerry Paine DF 808 1956-1979 Fáni EnglandsSouthampton

Núverandi leikahæstu menn[breyta | breyta frumkóða]

Sæti Leikmaður Staða Fjöldi Leikja Ár Núverandi Félag
1. Fáni BrasilíuFabio GK 1134 1997- Fáni BrasilíuCruzeiro
2. Fáni ÍtalíuGianluigi Buffon GK 1127 1995- Fáni ÍtalíuJuventus
3. Fáni PortúgalsCristiano Ronaldo FW 1096 2001- Fáni ÍtalíuJuventus
4. Fáni JapanYasuhito Endo MF 1064 1998- Fáni JapanJubilo Iwata
5. Fáni BrasilíuDani Alves DF 1017 2001- Fáni BrasilíuSao Paulo
6. Fáni SpánarAndrés Iniesta MF 979 2001- Fáni JapanVissel Kobe
7. Fáni ArgentínuLionel Messi FW 969 2003- Fáni SpánarBarcelona
8. Fáni SvíþjóðarZlatan Ibrahimovic FW 963 1999- Fáni ÍtalíuMilan
9. Fáni PortúgalsJoao Moutinho MF 953 2003- Fáni EnglandsWolverhampton Wanderers
10. Fáni JapanKazuyoshi Miura FW 948 1986- Fáni JapanYokohama FC
11. Fáni SpánarSergio Ramos DF 945 2003- Fáni SpánarReal Madrid
12. Fáni SpánarPepe Reina GK 945 1999- Fáni ÍtalíuLazio
13. Fáni ÍranJalal Hosseini DF 935 2002- Fáni ÍranPersépolis
14. Fáni SpánarJoaquín MF 906 1999- Fáni SpánarReal Betis
15. Fáni EnglandsJames Milner MF 903 2001- Fáni EnglandsLiverpool

Heimild[breyta | breyta frumkóða]

Heimildir[breyta | breyta frumkóða]

Wikiorðabókin er með skilgreiningu á orðinu
Wikimedia Commons er með margmiðlunarefni sem tengist
  1. 1,0 1,1 1,2 Reglugerð KSÍ um knattspyrnumót
  2. Bæklingur um knattspyrnuleikvanga KSÍ
  3. KSÍ Leikur án fordóma
  4. - Knattspyrnumenn á Íslandi vilja fótbolta án fordóma
  5. „- Hooliganism in European Football“. Afrit af upprunalegu geymt þann 2011-06-14. Sótt 4. desember 2010.