Tjarnargata

Úr Wikipediu, frjálsa alfræðiritinu
Stökkva á: flakk, leita

Tjarnargata liggur meðfram vestanverðri Reykjavíkurtjörn. Hún er ein elsta gata Reykjavíkur og hlaut núverandi nafn sitt um miðja nítjándu öld. Fjöldi sögufrægra húsa stendur við Tjarnargötu.

Tjarnargata á sér að öllum líkindum langa sögu sem troðningur eða vegarslóði frá bæjarhúsum gamla Reykjavíkurbæjarins einhvern spotta meðfram Tjörninni til suðurs.

Upp úr aldamótunum 1900 var ráðist í að leggja þokkalega götu fyrir neðan Tjarnarbakkann, sem þá var orðið vinsælt byggingarsvæði. Á næstu árum myndaðist samfelld húsaröð meðfram vestanverðri götunni allt til Skothúsvegar. Snemma var ákveðið að breikka götuna allverulega með landfyllingu út í Tjörnina.

Mörg húsa þeirra sem reist voru við Tjarnargötuna á fyrstu árum tuttugustu aldar voru reisuleg timburhús sem ættuð voru frá Noregi. Ýmsir af æðstu embættismönnum og athafnamönnum Reykjavíkur á þessum tíma bjuggu sér heimili við Tjarnargötuna.

Málvenja[breyta | breyta frumkóða]

Í bók sinni Skynsamleg orð og skætingur skrifar Helgi Hálfdanarson grein um forsetningar og staðarnöfn og þar kemur fram að það sé málvenja að tala um að eitthvað sé „í Tjarnargötu“. Dæmi í dagblöðum styðja þessa venju. [1]

Helstu byggingar[breyta | breyta frumkóða]

  • Tjarnargata 12 var fullgerð árið 1913 og hýsti Slökkvistöð Reykjavíkur um tæprar hálfrar aldar skeið. Þar eru nú skrifstofur á vegum Reykjavíkurborgar.
  • Tjarnargata 20 var lengi höfuðstöðvar Sósíalistafélags Reykjavíkur.
  • Tjarnargata 26 var reist árið 1908 af Jóni Helgasyni sem skipaður var biskup Íslands árið 1917.
  • Tjarnargata 32 er í daglegu tali nefnd Ráðherrabústaðurinn. Uppaflegur eigandi þess var norskur hvalveiðiforstjóri sem sem reisti það að Sólbakka Önundarfirði. Síðar færði hann Hannesi Hafstein ráðherra húsið að gjöf, en það komst síðar í eigu ríkissjóðs og var um árabil embættisbústaður forsætisráðherra.

Tilvísanir[breyta | breyta frumkóða]

  1. Tímarit.is
Wiki letter w.svg  Þessi grein er stubbur sem ekki hefur verið settur í undirflokk. Þú getur hjálpað til með því að bæta við greinina, eða með því að flokka hana betur.