Sigríður Anna Þórðardóttir

Sigríður Anna Þórðardóttir
Umhverfisráðherra
Í embætti 15. september 2004 – 15. júní 2006
Forsætisráðherra	Halldór Ásgrímsson
Forveri	Siv Friðleifsdóttir
Eftirmaður	Jónína Bjartmarz
Samstarfsráðherra Norðurlanda
Í embætti 2005 – 2006
Forsætisráðherra	Halldór Ásgrímsson
Forveri	Valgerður Sverrisdóttir
Eftirmaður	Jónína Bjartmarz
Alþingismaður
frá til  kjördæmi    þingflokkur 1991 2003  Reykjanes  Sjálfstæðisfl. 2003 2007  Suðvestur  Sjálfstæðisfl.
Persónulegar upplýsingar
Fædd	14. maí 1946 (1946-05-14) Siglufjörður
Maki	sr. Jón Þorsteinsson
Börn	3
Æviágrip á vef Alþingis

Sigríður Anna Þórðardóttir (f. 14. maí 1946) er fyrrverandi alþingismaður og umhverfisráðherra. Sigríður sat á Alþingi fyrir Sjálfstæðisflokkinn frá 1991-2007.

Sigríður Anna er fædd á Siglufirði og foreldrar hennar voru hjónin Þórður Þórðarson vélstjóri (1921-1992) og Margrét Arnheiður Árnadóttir húsmóðir og verkakona (1923-2013). Eiginmaður Sigríðar Önnu er sr. Jón Þorsteinsson fyrrverandi sóknarprestur í Lágafellskirkju í Mosfellsbæ. Þau eiga þrjár dætur.

Sigríður Anna lauk stúdentsprófi frá Menntaskólanum á Akureyri árið 1966 og BA-prófi í íslensku, sagnfræði og grísku frá Háskóla Íslands árið 1977. Hún stundaði framhaldsnám við Minnesota-háskóla í Bandaríkjunum árið 1983. Hún starfaði hjá Rannsóknarstofnun fiskiðnaðarins frá 1966-1967 og 1969-1971, var kennari við Grunnskóla Eyrarsveitar í Grundarfirði frá 1975-1990 og Gagnfræðaskólann í Mosfellsbæ frá 1990-1991. Hún var kosin á þing árið 1991 og gegndi þingmennsku til ársins 2007. Hún var umhverfisráðherra frá 2004-2006 og jafnframt samstarfsráðherra Norðurlanda frá 2005-2006. Árið 2008 var Sigríður Anna skipuð sendiherra Íslands í Kanada.